མདོ་དབུས་ཁམས་གསུམ་གྱི་བྲིས་པ་རྣམ་པ་ལགས།
བོད་ཀྱི་ཡིག་གཟུགས་དྲ་བ་ནི2014ལོའི་ཟླ་10བའི་ཚེས་1ཉིན་རྒྱལ་སྤྱིའི་མུ་འབྲེལ་དྲ་ལམ་ནས་དངོས་སུ་སྒོ་ཕྱེས་པའི་ཆེས་ཐོག་མའི་བོད་ཀྱི་ཡིག་གཟུགས་སྒྱུ་རྩལ་དྲ་ཚིགས་ཤིག་ཡིན། ངེད་དྲ་ཚིགས་ཀྱི་དམིགས་ཡུལ་ནི་བོད་ཀྱི་ཡིག་གཟུགས་སྒྱུ་རྩལ་འཛིན་སྐྱོང་སྤེལ་གསུམ་བྱེད་ཆེད། ཆོལ་གསུམ་བོད་པའི་ཡིག་གཟུགས་ཆེད་མཁས་རྣམས་དང་།གསར་སྐྱེས་སྨྱུག་ཐོགས་པའམ། ཡང་ན་བོད་ཀྱི་ཡིག་གཟུགས་ལ་སྤྲོ་སྣང་ལྡན་པའི་རིགས་སོ་སོའི་མི་དམངས་ལ་ཐུན་མོང་དུ་དབང་བའི་ཡིག་གཟུགས་ཀྱི་གར་སྟེགས་ཤིག་བསྐྲུན་རྒྱུ་དེ་ཡིན།
བོད་ཀྱི་ཡིག་གཟུགས་དྲ་བས་རྒྱ་ཆེའི་ཡིག་མཁན་དང་དྲ་གྲོགས་ཀུན་གྱི་རོགས་རམ་དང་རྒྱབ་སྐྱོར་འོག་ལོ་འཁོར་གཅིག་གི་དུས་ཡུན་ནང་ཡིག་གཟུགས་སྐོར་གྱི་དཔྱད་རྩོམ་29དང་།ཡིག་གཟུགས་རྒྱུན་ཤེས24། ཡིག་གཟུགས་མ་ཕྱི11། མི་སྒེར་གྱི་ཡིག་གཟུགས་འགྲེམ་སྟོན་ཁང་21གི་ཡིག་གཟུགས་བརྩམས་ཆོས693ལྷག ཐུན་མོང་གི་ཡིག་གཟུགས་འགྲེམ་སྟོན་བྱ་འགུལ་ཐེངས13གྱི་བརྩམས་ཆོས་480ལྷག།ཡིག་གཟུགས་སློབ་ཁྲིད་བརྙན་ཐུང3། ཡིག་གཟུགས་དཔེ་རྙིང་8། གནའ་ཉེ་རབས་ཡིག་མཁན་10། དེང་རབས་ཡིག་མཁན 25 ། ཡིག་གཟུགས་མཁོ་ཆས་རིགས་5།ཡིག་གཟུགས་མཉེན་ཆས་དང་བོད་ཡིག་ཡིག་མཛོད་རིགས་21སོགས་བསྡོམས་པས་1288ལྷག་རྒྱལ་ཁབ་ཕྱི་ནང་ཀུན་གྱི་བོད་མི་ཡོངས་ལ་གསོལ་སྟོན་ཞིག་གི་ཚུལ་ཏུ་བཤམས་ཐུབ་པ་བྱུང་བས། བོད་པ་མི་ཉུང་བ་ཞིག་གིས་དགའ་བསུ་ཆེན་པོ་ཐོབ་ཡོད།
དེ་བས་བོད་ཀྱི་ཡིག་གཟུགས་དྲ་བའི་འཁྲུངས་སྐར་བསུ་བའི་དགའ་སྟོན་ནམ་ལོ་འཁོར་གཅིག་གི་འབྲས་བཟང་ལ་རྟེན་འབྲེལ་གྱི་ཚུལ་དུ་རྒྱ་ཆེའི་ཡིག་མཁན་དག་གིས་ཕུལ་བའི་ཡིག་གཟུགས་བརྩམས་ཆོས་དག་དྲ་ལམ་ནས་འགྲེམ་སྟོན་གྱི་བྱ་འགུལ་ཞིག་སྤེལ་རྒྱུ་ཡིན་པས།ཡིག་མཁན་དག་གིས་རང་གི་མཛུབ་མོའི་རྩལ་ལས་ཐོན་པའི་ཡིག་གཟུགས་བརྩམས་ཆོས་ལེགས་ཤོས་རེ་ངེད་དྲ་བར་བསྐུར་རྒྱུ་མཁྱེན་མཁྱེན།
འགྲེམ་སྟོན་བརྗོད་དོན། བོད་ཀྱི་ཡིག་གཟུགས་དྲ་བའི་འཁྲུངས་སྐར་བསུ་བའི་ཡིག་གཟུགས་བརྩམས་ཆོས་སྣ་ཚོགས།
སྐུར་ཡུན། དེ་རིང་ནས་ཟླ་9ཚེས་29ཉིན་གྱི་སྔ་དྲོའི་བར།
སྐུར་ཡུལ་། བོད་ཀྱི་ཡིག་གཟུགས་དྲ་བའི་ཡིག་སྒམ dzgb@zgzzsfw.com དང་སྐད་འཕྲིན་ཚོགས་
པ་ཐོན་མིའི་མཛུབ་རིས་དང་། ཡིག་གཟུགས་གླེང་མོལ། བྲིས་ཀྱི་འདུ་ར་གང་རུང་ཡིན་ཆོག
བརྩམས་ཆོས། དྲང་ཐད་ནས་བླངས་པའི་པར་ངོས་གསལ་ལ་གྲ་དག་པའི་བརྩམས་ཆོས་ཡིན་དགོས།
|
|
