༢༠༡༥ལོའི་ཟླ༩ཚེས༩ཉིན་གྱི་ཞོགས་པའི་ཆུ་ཚོད་བཅུའི་སྟེང་མདོ་སྨད་ཀན་ལྷོ་ཁུལ་གཙོས་གྲོང་ཁྱེར་གྱི་ཡེ་ཧའོ་གསོལ་མགྲོན་ཁང་ནས་གངས་ཅན་སྨྱུག་འཛིན་དབང་བོ་སྨོན་ལམ་རྒྱ་མཚོ་མཆོག་གི་བརྒྱུད་སློབ་སྟེ་མདོ་སྨད་པ་ཚེ་རིང་དོན་གྲུབ་ཀྱི་ཉེ་བའི་ལོ་འགའི་རིང་གི་ཡིག་གཟུགས་བརྩམས་ཆོས་འགྲེམ་སྟོན་གྱི་མཛད་སྒོ་དངོས་སུ་སྤེལ་པ་ཡིན།
ཐེངས་འདིའི་འགྲེམ་སྟོན་ནི་གངས་ཅན་མཁས་པའི་ཕྱག་བྲིས་བསྡུ་ཉར་ཁང་གིས་གཙོ་སྒྲུབ་དང་ཁུལ་ཡུལ་སྐོར་ཅུས། ཡེ་ཧའོ་གསོལ་མགྲོན་ཁང་ཆེན་མོས་རོགས་སྒྲུབ་བམ། རྨ་ཆུ་རྫོང་སྙིང་བཙན་འཛུགས་སྐྲུན་བཟོ་བཀོད་ཚད་ཡོད་ཀུང་སིས་འགྲོ་གྲོན་གྱི་མཐུན་རྐྱེན་བསྒྲུབས་པ་དང་། ཀན་ལྷོ་ཁུལ་འཐབ་ཕྱོགས་གཅིག་གྱུར་པུའུ། ཀན་ལྷོའི་ཉིན་རེ་ཚགས་པར་ཁང་། བོད་ཀྱི་ཡིག་གཟུགས་དྲ་བ་སོགས་འབྲེལ་ཡོད་ལས་ཁུངས་དང་། ཁོང་གི་དགེ་རྒན། སློབ་གྲོགས་སོགས་ཀྱི་རྒྱབ་སྐྱོར་འོག་འགྲེམ་སྟོན་གྱི་སྒོ་མོ་བདེ་ལེགས་ངང་ཕྱེས་པ་རེད།
ཉིན་གསུམ་གྱི་འགྲེམ་སྟོན་དུས་ཡུན་ཁྲོད་ཁུལ་ཡོངས་ཀྱི་ས་ཆ་སོ་སོ་དང་། ལས་ཁུངས་སོ་སོ། སློབ་གྲྭ་ཆེ་འབྲིང་གི་གཟིགས་མོ་བ་རྣམས་དུས་ཚོད་ཀྱི་བཀོད་སྒྲིག་ནང་བཞིན་འགྲེམ་སྟོན་ལ་ཞུགས་ཤིང་བོད་ཀྱི་ཐུན་མོང་མ་ཡིན་པའི་ཡིག་གཟུགས་སྒྱུ་རྩལ་རྒྱ་མཚོའི་རོ་བཅུད་དལ་གྱིས་མྱོང་བཞིན་ཡོད་པ་མ་ཟད། ཀན་ལྷོའི་བྲིས་པ་ཚོས་ཡུལ་དངོས་ནས་ཡིག་གཟུགས་ཀྱི་རྟེན་འབྲེལ་མཆོད་པ་ལྷུག་རྩོལ་བྱས་ནས་གསོལ་མགྲོན་ཁང་གི་ནམ་མཁའ་སྒྱུ་རྩལ་གྱི་དྲི་ངད་ཞིམ་པོ་ལྡང་ཤིང་མཆིས།
དང་པོ། འགྲེམ་སྟོན་ཡུལ་དངོས་འདྲ་པར།
འགྲེམ་སྟོན་པས་རང་གི་དགེ་རྒན་དང་ཁུལ་ཀྱི་མགོ་ཁྲིད་མི་སྣར་ཁ་བཏགས་འབུལ་བཞིན་པ།
ཁུལ་སྲིད་གྲོས་ཀྲུའུ་ཞི་གཞོན་པ་ཝང་ཁྲོན་ཧྥ་ཡིས་མཛད་སྒོའི་མདོ་འཛིན་བྱེད་བཞིན་པ།
འགྲེམ་སྟོན་མཁན་གྱིས་གཏམ་བཤད་གནང་བཞིན་པ།
འགྲེམ་སྟོན་མཛད་སྒོའི་ཟུར་གཅིག
ཀན་ལྷོའི་བྲིས་པ་མཐུན་ཚོགས་ཀྱི་ཚོགས་གཙོའམ་བོད་ཀྱི་བྲིས་པ་གྲགས་ཅན་རྒན་སངས་རྒྱས་བཀྲ་ཤིས་ལགས་དང་བྲིས་པ་སྐོར་ཞིག
ཡིག་གཟུགས་སྒྱུ་རྩལ་ལ་རོལ་མྱོང་བྱེད་བཞིན་པ།
ཁུལ་དཔོན་ཀྲོའོ་ལིན་ཡོན་ཆེད་དུ་འགྲེམ་སྟོན་ལ་ཕེབས་ནས་གཟིགས་ཞིབ་གནང་བཞིན་པ།
ཁུལ་ཨུའི་ཧྲུའུ་ཅི་གཞོན་པའམ་འཐབ་ཕྱོགས་གཅིག་གྱུར་པུའུ་ཀྲང་ཞེའོ་ཆང་ལགས་ལ་ཡིག་གཟུགས་མཚམས་སྦྱོར་བྱེད་བཞིནཔ།
ཁོང་གི་དགེ་རྒན་རྡོར་བྷ་ལགས་ཀྱིས་ཡིག་གཟུགས་བརྩམས་ཆོས་ཀྱི་ཆེ་བ་བརྗོད་བཞིན་པ།
རྩོམ་པ་པོ་དང་གངས་ཅན་ཡིག་གཟུགས་མཁས་དབང་སྨོན་ལམ་རྒྱ་མཚོ་ལགས་ཀྱི་སྲས་ཚེ་དབང་རྣམ་རྒྱལ་དང་།
གངས་ཅན་མཁས་པའི་ཕྱག་བྲིས་བསྡུ་ཉར་ཁང་གི་གཙོ་བདག་རྒན་པདྨ་རིན་ཆེན། རྩོམ་པ་པོའི་དགེ་རྒན་རྡོར་བྷ།
གཉིས་པ། ཀན་ལྷོའི་བྲིས་པ་སྐོར་ཞིག་གིས་ཡུལ་དངོས་ནས་ཕུལ་བའི་ཡིག་གཟུགས་ཀྱི་མཆོད་པ།
རྒན་རྡོར་བྷ་ལགས་ཀྱིས་ཕྱག་བྲིས་གནང་བཞིན་པ།
ཁུལ་ཨུའི་ཧྲུའུ་ཅི་གཞོན་པའམ་འཐབ་ཕྱོགས་གཅིག་གྱུར་པུའུ་ཀྲང་ཞེའོ་ཆང་གིས་ཕྱག་བྲིས་འབུལ་བཞིན་པ།
ཀན་ལྷོའི་བྲིས་པ་ཧེ་རམ་པ།
ཀླུ་ཆུའི་ཡིག་བྲིས་པ་བསོད་ནམས་རབ་བརྟན།
ཡིག་བྲིས་པ་རི་བོ་ཉི་ཟླ།
ཡིག་བྲིས་པ་ཨ་སྨྱོན།
ཡིག་བྲིས་པ་མེ་ལྷ་ཆུང་།
ཡིག་བྲིས་པ་རྟ་མགྲིན་སྐྱབས།
ཡིག་བྲིས་པ་སྐལ་བཟང་དོན་གྲུབ།
གསུམ་པ། ཉིན་གཉིས་པའི་འགྲེམ་སྟོན་ཡུལ་དངོས།
གཙོས་བོད་རིགས་སློབ་འབྲིང་གི་སློབ་མ་རྣམས་ལ་ཡིག་གཟུགས་སྐོར་གྱི་གསུངས་བཤད་གནང་པ།
ཡིག་གཟུགས་ལ་གཟིགས་མོར་ཆས་པའི་སློབ་བུ་ཚོ།
བཞི་བ། ཉིན་གསུམ་པའི་འགྲེམ་སྟོནཡུལ་དངོས་ཀྱི་ཆ་ཤས།
ཁུལ་དཔོན་གཞོན་པའམ་གཙོས་གྲོང་ཁྱེར་གྱི་ཧྲུའུ་ཅི་ལོའུ་ཡོན་ཀི་འགྲེམ་སྟོན་དུ་ཕེབས་པ།
གཙོས་བོད་རིགས་སློབ་ཆུང་གི་བྲིས་པ་རྣམས་འགྲེམ་སྟོན་ལ་ཞུགས་ནས་ཡིག་གཟུགས་ལ་ལྟ་བཞིན་པ།
|
|
