2015ལོའི་ཟླ་དྲུག་པའི་ཚེས་23ཉིན་མཚོ་ལྷོ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ནས་གཙོ་སྒྲུབ་གནང་སྟེ་མཚོ་ལྷོ་ཁུལ་གྱི་ཡིག་གཟུགས་དང་རི་མོ་བའི་མཐུན་ཚོགས་ཀྱི་གསར་རྩོམ་བགྲོ་གླེང་འདུ་ཚོགས་པ།
ཐེངས་འདིའི་བགྲོ་གླེང་ཚོགས་འདུའི་ནི་མཚོ་སྔོན་ཞིང་ཆེན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་སྲིད་འཛིན་གཞུང་སྒྲུབ་ཐོག་ཁང་གི་ཚོགས་འདུ་ཁང་དུ་བསྡུས་པ་རེད། རེབ་འདིའི་འདུ་ཚོགས་ལ་མཚོ་ལྷོ་ཁུལ་གྱི་རྫོང་ཁག་ལྔའི་ཡིག་མཁན་དང་རི་མོ་བ་ཉི་ཤུ་ལྷག་ཞུགས་ཤིང་། གདན་ཞུའི་སྐུ་མགྲོན་ལ་མཚོ་སྔོན་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་བྲིས་པ་གྲགས་ཅན་ཁྲིན་ཧྲི་ཡོན་དང་རི་མོ་བ་གྲགས་ཅན་ཝང་ཞའོ་ལེ་རྣམ་གཉིས་ཕེབས་ཏེ་ཡུལ་དངོས་ནས་མཛུབ་མོས་རི་སྟོན་གྱི་ཚུལ་དུ་ལེགས་ཉེས་དང་དོ་སྣང་བྱ་དགོས་པའི་གནད་རྣམས་གསལ་ཁ་དོད། ཕྱི་དྲོར་རྨ་ཆུ་ཁའི་ཁམས་གསེང་གླིང་དུ་ཡིག་མཁན་དང་རི་མོ་བ་རྣམས་ཀྱིས་ཡུལ་དངོས་ནས་ཡིག་གཟུགས་དང་རི་མོ་བྲིས་ཏེ་ཕན་ཚུན་བསམ་བློ་བརྗེ་རེས་དང་སྒྱུར་རྩལ་སྐོར་གྱི་བགྲོ་གླེང་གང་ལེགས་གནང་པ་མ་ཟད། དེང་ཕྱིན་གྱི་སྒྱུ་རྩལ་གསར་རྩོམས་ཁྲོད་ཡིད་འཇོག་བྱ་དགོས་ས་དང་། གསར་རྩོམ་བྱ་ཐབས་སོགས་བློ་འབྱེད་ཀྱི་རྒྱགས་ཕྱེ་མི་དམན་པ་བསྩལ་བ་དང་སྦྲགས་མཛད་སྒོའི་བྱ་བ་དགའ་དགའ་སྤྲོ་སྤྲོའི་མཇུག་རྫོགས་པ་རེད།
དང་པོ། ཚོགས་ཞུགས་ཚོགས་མི་རྣམ་པས་ཡིག་གཟུགས་དང་རི་མོའི་བགྲོ་གླེང་གནང་བཞིན་པ།
གཉིས་པ། ཡིག་གཟུགས་བརྩམས་ཆོས་དངོས་ལས་བསམ་བློ་བརྗེས་རེས་གནང་བཞིན་པ།
གསུམ་པ། ཡིག་མཁན་དག་རྣམ་པས་བགྲོ་གླེང་ཡུལ་ངངོས་ནས་བརྩམས་ཆོས་གསར་རྩོམ་གནང་བཞིན་པ།
བཞི་བ། ཐེངས་འདིའི་བྱ་འགུལ་ལ་ཞུགས་མཁན་གྱི་བོད་ཀྱི་ཡིག་གཟུགས་བྲིས་པ་གཉིས་ཀྱི་མཉམ་པར།
|
|
