རེབ་གོང་ས་ཁུལ་གྱི་བོད་རྒྱ་ཡིག་གཟུགས་དང་བརྙན་རིས་འགྲན་སྡུར་ཚོགས་ཆེན་གྱི་བྱ་དགའ་གནང་བའི་མཛད་སྒོ་དེ་ཟླ་འདིའི་ཚེས་༡༩ཉིན་རེབ་གོང་ཐང་ཆེན་ནས་གཟབ་རྒྱས་ངང་བསྡུས་པ་དང་། མཛད་སྒོའི་སྟེང་རེབ་གོང་རྫོང་རིག་གནས་ལུས་རྩལ་རྒྱང་བསྒྲགས་བརྙན་འཕྲིན་ཅུའུ་ཡི་འགོ་གཙོ་སྙིང་མོ་ཚེ་རིང་དང་རྫོང་རིག་གནས་ཁང་གི་འགོ་གཙོ་གཅོད་པ་ཚེ་རིང་རྣམ་གཉིས་ནས་མི་རིགས་ཀྱི་སྲོལ་རྒྱུན་རིག་གནས་རྒྱུན་འཛིན་དར་སྤེལ་དང་རེབ་གོང་ས་ཁུལ་གྱི་ཡིག་གཟུགས་སྒྱུ་རྩལ་ཉམས་པ་སོར་ཆུད་དང་མ་ཉམས་པ་གོང་སྤེལ་གཏོང་དགོས་པའི་སྐོར་གྱི་གཏམ་བཤད་གལ་ཆེན་གནང་།ཐེངས་འདིའི་འགྲན་སྡུར་ཀྱི་བོད་ཡིག་ཡིག་གཟུགས་འགྲན་སྡུར་ཁྲོད་མགོན་པོ་ཚེ་བརྟན་ལ་ཨང་དང་པོའི་བྱ་དགའ་ཐོབ་པ་དང་། དགེ་འདུན་བསྟན་པ་དང་རྡོ་རྗེ་བཀྲ་ཤིས་གཉིས་ལ་ཨང་གཉིས་པ།སྒོ་རབ་རྒྱས་དང་ཀླུ་རྒྱལ་དོན་གྲུབ།བསོད་ནམས་ཚེ་རིང་གསུམ་ལ་ཨང་གསུམ་པ། གཞན་ཡང་དགེ་འདུན་དར་རྒྱས་དང་མཁའ་འབུམ་ཚེ་རིང་སོགས་མི་ལྔ་ལ་ཕུལ་བྱུང་བྱ་དགའ་ཐོབ་པ་མ་ཟད།སོ་སོར་གཟི་བརྗིད་དཔང་ཡིག་དང་བྱ་དགའི་དངུལ། དྲན་རྟེན་ལེགས་སྐྱེས་དང་བཅས་པ་གནང་།
|
|
