འདི་ཀ་དྲ་ཚིགས་རྩོམ་སྒྲིག་ཁང་གིས་༢༠༡༤ལོའི་ལུགས་རྙིང་ཟླ་༩བའི་ནང་དྲ་ཚིགས་གསར་འཛུགས་ཀྱི་འཆར་གཞི་བཀོད་པ་ནས་བཟུང་། ཕྱོགས་གང་ཅིའི་ཐད་ནས་དྲ་ཚིགས་ལེགས་འགྲུབ་ཀྱི་སྔོན་འགྲོའམ་རྨང་གཞིའི་བྱ་བ་རེ་རེ་བཞིན་གོ་རིམ་ལྡན་ལ་འཆར་གཞི་ཡོད་པའི་སྒོ་ནས་སྒྲུབ་པ་ཡིན། དྲ་ཚིགས་ཀྱི་ལེ་ཚན་ལ་གསར་འགྱུར་དང་། བརྡ་ཁྱབ། འགྲེམ་སྟོན་ཁང་། ཕུལ་བྱུང་ཡིག་གཟུགས་བརྩམས་ཆོས་འདེམ་བཀོད་། གནའ་དེང་བོད་ཀྱི་ཡིག་གཟུགས་ཆེད་མཁས་མི་སྣ་མཚམས་སྦྱོར། ཡིག་གཟུགས་ཁྲིད་སྦྱོང་ལེ་ཚན་དང་གླེང་སྟེགས། གནའ་དེང་ཡིག་གཟུགས་དཔེ་རྙིང་དང་བྲིས་རྒྱུན། ཡིག་ཆས་ངོ་སྤྲོད་དང་དེའི་བཟོ་སྟངས། ཐོན་རྫས་གསར་བའི་བརྡ་ཁྱབ། དྲ་ཚིགས་ཚོགས་མི་ཐོ་འགོད་སོགས་ནང་དོན་བཅུ་ཕྲག་ལ་འཆར་བཀོད་བརྒྱབ་པ་ཡིན།
ཟླ་དགུ་བའི་ཟླ་མཇུག་ནས་བཟུང་ད་བར་དུ་ལེགས་གྲུབ་བྱུང་བའི་འབྲས་བུ་ཆ་ཚང་ཞིག་དྲ་གྲོགས་ཚོར་སྟོན་རྒྱུ་མེད་ནའང་དྲ་ཚིགས་གསར་སྤེལ་ལ་མེད་མི་རུང་པའི་ལས་ཀ་གང་མང་ཞིག་ལེགས་གྲུབ་བྱུང་ཡོད་པས་འཕྲིན་བཟང་ཞིག་གི་ཚུལ་དུ་སྤེལ།
དྲ་ཚིགས་རྩོམ་སྒྲིག་ཁང་ནས།
|
|
