ཐོན་མིའི་ཕྱག་སོར་ལས་འཁྲུངས་པའི་བོད་ཀྱི་ཡིག་གཟུགས་སྒྱུ་རྩལ་ལ་དུང་བ་ཟབ་པའི་གྲོགས་བློ་བཟང་བསྟན་འཛིན་ནམ་གྲུ་ཆར་ནི། སི་ཁྲོན་རྔ་བ་རྫོང་ཨ་འདུས་ཁེ་བ་སྡེ་བའི་གནས་མཆོག་ཚང་ཞེས་པའི་ཁྱིམ་ཚང་དཀྱུས་མ་ཞིག་ཏུ། ( ༡༩༨༨ ) ལོར་སྐྱེས་ཤིང་ཆུང་དུས་ནས་སློབ་གྲྭ་སོགས་འགྲིམས་པའི་སྐལ་བ་མ་བྱུང་། ལོ་བཅོ་ལྔའི་སྟེང་ཨ་འདུས་ཡག་འགོ་དགོན་གྱི་ཆོས་གྲྭར་ཞུགས་ནས་ཆོ་ག་དང་ཆོས་སྤྱོད་སོཊ་ལ་སྦྱང་བ་ཅུང་ཙམ་བྱས། (༢༠༠༨ ) ལོར་དུས་ཀྱི་འཕོ་འགྱུར་སྣ་ཚོགས་ཤིག་གི་དབང་གིས་འབྲི་ཀློག་སོགས་ལ་དཀའ་ཁག་མང་དུ་འཕྲད། རྐྱེན་དེ་ལ་བརྟེན་ནས་བཀའ་དྲིན་གསུམ་ལྡན་གྱི་དགེ་རྒན་རིན་པོ་ཆེ་བློ་བཟང་བསྟན་འཛིན་མཆོག་གི་དྲུང་ནས་དབུ་ཅན་དང་སུག་རིང་།རྒྱུགས་བྲིས་བཅས་ལ་སྦྱང་བའི་འགོ་བརྩམས་ཤིང་། ( ༢༠༡༡ ) ལོར་བླ་བྲང་བཀྲ་ཤིས་འཁྱིལ་གྱི་དགེན་འཇིགས་མེད་ཆོས་དར་ལགས་ཀྱི་དྲུང་ནས་སླར་ཡང་དབུ་ཅན་ལ་སྦྱང་བ་ཅུང་ཙམ་བྱེད་པའི་སྐལ་བ་ལྡན། ( ༢༠༡༣ ) ལོར་རྔ་ཡུལ་སྒོ་མང་དགོན་གྱི་དགེན་ཕུན་ཚོགས་ཐུབ་ཆེན་ལགས་ཀྱི་དྲུང་ནས་ལཉྫ་དང་སྡེར་སྣང་ས་བྲིས་ལ་སྦྱང་བའི་ཚུལ་ཙམ་བཟུང་། ( ༢༠༡༣ ) ལོའི་དབྱར་གནང་སྐབས་སུ་དགེན་འཇིགས་མེད་ཆོས་དར་གྱི་དྲུང་ནས་ཝརྟུ་ལ་སྦྱང་བ་ཅུང་ཙམ་བྱས། (༢༠༡༤) ལོའི་དབྱར་གནང་སྐབས་བླ་བྲང་ཀྱེ་རྡོར་བ་དགེན་བཟོད་པའི་དྲུང་ནས་སུག་ཐུང་ལ་ཅུང་ཙམ་སྦྱང་བ་བྱས། ད་ལྟ་ཨ་འདུས་ཡག་འགོ་དགོན་ལྔ་རིག་ནང་བསྟན་གཞོན་ནུའི་སློབ་གླིང་དུ་ཟུར་ཞུགས་ཡིག་གཟུགས་དགེ་རྒན་གྱི་མིང་ཙམ་ཁུར་ཞོར་སློབ་སྦྱོང་ཕྲན་བུ་རེ་བྱེད་པའི་ལས་སུའང་ཞུགས་བཞིན་ཡོད་ལ།ཡིག་གཟུཊ་སྒྱུ་རྩལ་གྱི་ཕྱོགས་ལ་འབད་པ་ཅི་ཐུབ་བྱེད་འདོད་ཀྱི་འདུན་པ་བརྟན་པོ་ཡོད། སྤྱིར་ཕྲན་ལ་མཚོན་ན་ཡིག་གཟུཊ་བྲིས་པའི་ཚད་ཧ་ཅང་དམའ་བས་འཕྲིན་སྟེགས་འདིར་འགོད་རིན་མེད་མོད། འོན་ཀྱང་རང་གི་དགའ་ཕྱོགས་མངོན་འགྱུར་དང་རང་དང་མཉམ་པ་དག་ལ་ཅུང་ཙམ་རེ་ཨེ་ཕན་བསམ་སྟེ་འདིར་བཀོད་པ་ལས། མཇུག་ཏུ། ས་པཎ་གྱིས། བློ་ངན་ཤེས་པ་མང་ན་ཡང་།། རྒྱུ་སྐར་བཞིན་དུ་གསལ་མི་ནུས།། ཞེས་གསུངས་པ་བཞིན་ཕྲན་གྱིས་བྲིས་པ་དག་གི་ནང་དུ་ནོར་བ་དང་མ་འགྲིག་པ་སོགས་མང་དུ་མཆིས་སྲིད་པས། ཆོལ་གསུམ་སྨྱུག་འཛིན་དབང་བོ་རྣམས་ཀྱིས་སྤྱན་སྔར་འགྱོད་ཅིང་བཤགས་སོ།།
|
|
