ཐེངས་གཉིས་ཀྱི་བརྗོད་དོན་ཡིག་གཟུགས་བྱ་འགུལ་ལ་གཞིགས་ན་༡ཐོག་མར་ཡིག་གཟུགས་བརྩམས་ཆོས་ཀྱི་ནང་དོན་དང་བྲིས་གཟུགས་ཆུ་ཚད་རིམ་པས་ཇེ་མཐོར་འགྲོ་བ།༢ཚོགས་མི་གང་མང་ཞིག་ཧུར་བརྩོན་གྱིས་བྱ་འགུལ་ལ་ཞུགས་པ་དང་།༣བླང་བྱ་གང་ཡིན་ལ་མཐོང་ཆེན་གཙིགས་འཛིན་བྱས་ནས་བྱ་འགུལ་ཇེ་ལེགས་ཇེ་བཟང་གཏོང་བར་འདུན་པ་ཆེ་བ་དང་།༤དུས་བཅད་ཀྱི་རྗེས་ནས་ཀྱང་དེ་ཕྱོགས་ཀྱི་བརྩམས་ཆོས་མི་ཉུང་བ་སྐུར་བཞིན་པ།༥གཞན་ཡང་རང་སྒེར་ནས་དྲ་བདག་དང་འབྲེལ་བ་བྱས་ནས་རང་གི་བརྩམས་ཆོས་འགོད་བའི་རེ་འདུན་ཞུ་བ་བཅས་ཕྱོགས་ལྔ་ནས་བལྟས་ན་རྣམ་པ་ལྷན་རྒྱས་བོད་ཀྱི་ཡིག་གཟུགས་སྒྱུ་རྩལ་ལ་སྦྱང་བརྩོན་ལྷོད་མེད་བྱེད་བཞིན་པ་དང་།ཐུན་མོང་གི་བྱ་བཞག་འདིའི་དར་རྒྱས་ལ་ལྷག་བསམ་ཟོལ་མེད་ཀྱིས་རྒྱབ་སྐྱོར་བྱེད་པ་སོགས་རྟོགས་ཐུབ།དེ་བས་འདིར་ཆེད་དུ་བཀའ་དྲིན་ཞུ་བ་ཡིན།
གཞན།རང་རེའི་འཇིག་རྟེན་ན་ཨ་མ་ནི་ཆེས་རླབས་ཆེ་བ་དང་།བུ་ཕྲུག་ལ་ཆེས་བརྩེ་བ་ཟབ་ཅིང་སླད་མེད་དག་གཙང་གི་དུང་སེམས་སྐྱེད་པའི་བདག་ཉིད་ཡིན་པས་རྣམ་པ་ལྷན་རྒྱས་ལགས་ལ་ཞུ་དོན།
2015ལོའི་ཟླ5ཚེས་10ཉིན་ཏེ།ལུགས་རྙིང་གི་གསུམ་པའི་ཉེར་གཉིས་ཉིན་ནི་ཡུམ་ཆེན་དུས་ཆེན་ཡིན་ལ།ང་ཚོའི་བོད་ཀྱི་ཡིག་གཟུགས་དྲ་བའི་ཐེངས་རྗེས་མའི་བྱ་འགུལ་གྱི་བརྗོད་དོན་ཡང་ཡིན།དེ་བས་དེ་རིང་ནས་བཟུང་ཡུམ་ཆེན་དུས་ཆེན་ལ་ད་དུང་ཉིན་དགུ་དང་ཆུ་ཚོད་ཉེར་གཉིས་ཡོད་པས།ད་ནས་བཟུང་ཡིག་གཟུགས་འབྲི་སྦྱོང་དང་སྡེབས་ནས་ཡུམ་ཆེན་གྱི་བཀའ་དྲིན་དྲན་པ་དང་།རླབས་ཆེན་གྱི་སྙིང་སྟོབས་བརྗོད་པ་སོགས་ནང་དོན་ཕུན་སུམ་ཚོགས་པའི་ཡིག་གཟུགས་བརྩམས་ཆོས་སྣ་ཚོགས་གྲ་སྒྲིག་ལེགས་པོ་བྱས་ནས་2015ལོའི་ཟླ5ཚེས་8ཉིན་གྱི་སྔ་དྲོའི་ཆུ་ཚོད6ནས་9ཉིན་གྱི་ཕྱི་དྲོ་ཆུ་ཚོད་2དང་ཕྱེད་བར་ཚོགས་པ་གཉིས་ལ་སྐུར་རྒྱུ་དང་།ངེད་དྲ་བས་ཆུ་ཚོད་གསུམ་རིང་རྩོམ་སྒྲིག་བྱས་རྗེས་དགོང་མོའི་དུས་ཚོད་7གྱི་སྟེང་དངོས་སུ་འགྲེམ་སྟོན་བྱས་ནས་ཡུམ་ཆེན་དུས་སྟོན་ལ་བསུ་མའི་མཆོད་པ་འབུལ་རྒྱུན་ཡིན།དུས་ཚོད་2དང་ཕྱེད་རྗེས་ནས་སྐུར་བའི་བརྩམས་ཆོས་ཚང་མ་ཚོགས་པའི་ནང་མཉམ་བཞེས་བྱེད་པ་ལས་དྲ་ངོས་སུ་འགོད་རྒྱུད་མིན་པས་རྣམ་པ་ལྷན་རྒྱས་ནས་ཐུགས་འཇགས་གནང་བར་ཞུའོ།།
|
|
