ཡིག་མཁན་ཐུབ་བསྟན་བསམ་འགྲུབ་གྱི་བརྩམས་ཆོས་འགྲེམ་སྟོན།
ཡིག་གཟུགས་དུས་ཆེན་ལ་ཕུལ་བའི་ལེགས་སྐྱེས།
ཡིག་མཁན་ཐུབ་བསྟན་བསམ་འགྲུབ་ནི། ཁམས་པ་སྡེ་དགེའི་ས་ཆ་རྫ་ཆུ་སྔོན་མོའི་གཡས་ཟུར་མཛེས་ཡུལ་གཡང་གི་ར་བ་ནས། སྤྱི་ལོ་༡༩༩༨ལོར་ཟླ་༣པའི་ཚེས་༢༣ཉིན་སྐྱེས་ཤིང་རང་ལོ་བདུན་གྱི་ཐོག་ནས་ཆུ་ངོགས་པད་དཀར་བརྒྱད་པ་ཐུབ་བསྟན་ཚེ་རིང་མཆོག་གི་འདུན་ནས་ཀློག་སློབ་ནས་རང་དགོན་མཛེས་ཆུ་ངོགས་དགོན་ནས་འདོན་ཆ་ཆ་ཚང་མཐར་ཕྱིན་པར་བྱས། རང་ལོ་བཅུ་གཅིག་ཐོག་ནས་སྡེ་དགེ་ཞེ་ཆེན་ལྔ་རིག་ནང་བསྟན་སློབ་གླིང་ནས་རབ་ཏུ་བྱུང་སྟེ་བྲིས་དང་རིག་གནས་སྦྱོང་ཤིང་ལོ་འཇུག་གི་བྲིས་ཀྱི་རྒྱུག་སྤྲོད་ཆེན་མོའི་སྐབས་སུ་ཨང་གཉིས་པ་ཐོབ། དེ་ནས་རང་དགོན་དུ་བཤད་གྲྭ་གསར་འཛུགས་བྱུང་ནས་རང་དགོན་དུ་རིགས་ལམ་དང་གཞུང་ཆེན་ཁག་ལ་སློབ་སྦྱོང་བྱེད་ཞོར་དུ་རང་དགོན་གྱི་བྲིས་པ་གྲགས་ཅན་མཁན་ཐུབ་བསྟན་ཕུན་ཚོགས་ཀྱི་འདུན་ནས་བྲིས་སྣ་མང་སྦྱོང་། རང་ལོ་བཅུ་དགུ་ཐོག་ནས་(བོད་ཀྱི་ཡིག་གཟུགས་ཨ་མའི་ནུ་རིན་ཀ་ཕྲེང་མི་ཏིག་དོ་ཤལ།)ཞེས་པའི་ཡིག་གཟུགས་ཀྱི་བྲིས་དཔེ་ཞིག་པར་བསྐྲུན་ཞུས། གཞན་ཡང་བླ་བྲང་བཀྲ་ཤིས་འཁྱིལ་གྱི་ཡིག་གཟུགས་དགེ་རྒན་ཆེན་མོ་འཇིགས་མེད་ཆོས་དར་ཀྱི་འདུན་ནས་ལན་ཝར་ཆ་ཚང་སྦྱོང་ནས་གྲུབ་འབྲས་མི་དམན་པ་ཞིག་ཐོབ། ད་སྐབས་གཞུང་ཆེན་དག་ལ་སློབ་སྦྱོང་བྱེད་ཞོར་དུ་རང་དགོན་གྱི་གྲྭ་བ་འགའ་རེ་ལ་བྲིས་ཁྲིད་བཞིན་པ་བཅས་སོ། །
སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།
རྩོམ་སྒྲིག་པ།དཔལ་མགོན་ཚེ་རིང་།
ཞུ་དག་པ། བཀྲ་ཤིས་དོན་གྲུབ།
སྒྲིག་སྦྱོར་བ།རྟ་མགྲིན་འཚོ།
|
|
