ཀན་ལྷོ་ཁུལ་གཙོས་གྲོང་ཁྱེར་ནས་མཁས་དབང་ཚེ་ཏན་ཞབས་དྲུང་མཆོག་གི་ཕྱག་རྒྱུན་ཀ་དཔེ་《དབུ་ཅན་སྨྱུག་རིམ་བྱིས་པའི་གོམ་འགྲོས་》ཞེས་པ་འགྲེམ་སྤེལ་དང་། བྱ་དགའ་ཐོབ་པའི་ཡིག་མཁན་ལྔ་ལ་རྟེན་འབྲེལ་ཞུ་བའི་བྱེད་སྒོ་སྤེལ་བ།
ཟླ༩བའི་ཚེས༢༡ཉིན་ལ། ཀན་ལྷོའི་བྲིས་པ་བསྟན་འཛིན་རྒྱ་མཚོའི་བོད་ཡིག་དབུ་ཅན་ཡིག་གཟུགས་ཀྱི་ཀ་དཔེ་གསར་བ༼ མཁས་དབང་ཚེ་ཏན་ཞབས་དྲུང་མཆོག་གི་བྲིས་རྒྱུན་དབུ་ཅན་སྨྱུག་རིམ་བྱིས་པའི་གོམ་འགྲོས ༽ཀྱི་འགྲེམ་སྤེལ་ཚོགས་འདུ་ཀན་ལྷོ་ཁུལ་སྲིད་གྲོས་ཀྱི་ཡིག་རིས་སྒྱུ་རྩལ་གླིང་ནས་འཚོགས།
ཐེངས་འདིའི་མཛད་སྒོའི་སྟེང་ཀན་སུའུ་མི་རིགས་དགེ་འོས་སློབ་གླིང་གི་སློབ་དཔོན་ནམ་བོད་ཀྱི་ཡིག་མཁན་ཆེན་མོ་རྒན་སངས་རྒྱས་བཀྲ་ཤིས་དང་རྒན་འཇིགས་མེད་ཆོས་དར། གཙོས་ཤེས་རབ་རྒྱ་མཚོ་སོགས་ཡིག་གཟུགས་ཀྱི་ཆེད་མཁས་པ་དང་དགའ་མོས་མཁན་མི་༣༠ལྷག་ལྷན་དུ་འཛོམས་ནས་དེབ་གསར་འགྲེམ་སྤེལ་བྱས་པར་རྟེན་འབྲེལ་ཞུས་ལ། དུས་མཚུངས་སུ་༢༠༢༥ལོར་པདྨ་གསེར་བྲིས་གླིང་ནས་སློབ་མའི་ཡིག་གཟུགས་ཀྱི་བྱ་དགའ་ཐོབ་མཁན་གྱི་སློབ་མ་ཚེ་རིང་སྒྲོལ་མ་དང་བསམ་འགྲུབ་ཚེ་རིང་། རྫོགས་རིམ་ཡིག་མཁན་རྒན་འཇིགས་མེད་ཆོས་དར། རྫོགས་རིམ་ཡིག་མཁན་ཨ་སྨྱོན་སྐལ་བཟང་ཚེ་བརྟན། དབུ་ཅན་ཨང་དང་པོའི་བྱ་དགའ་ཐོབ་མཁན་བསྟན་འཛིན་རྒྱ་མཚོ་བཅས་ལ་ཡང་རྟེན་འབྲེལ་ཞུས།
བྱེད་སྒོའི་ཡུལ་དངོས་པར་རིས།
ཡིག་མཁན་འཇམ་དཔལ་ཚེ་ལོས་མཛད་སྒོར་མདོ་འཛིན་མཛད་པ།
རྫོགས་རིམ་ཡིག་མཁན་རྒན་འཇིགས་མེད་ཆོས་དར་ལགས་དང་རྒན་སངས་རྒྱས་བཀྲ་ཤིས་རྣམ་གཉིས་ཀྱིས་དེབ་གསར་གྱི་ཞལ་ཕྱེ་མཛད་པ།
རྫོགས་རིམ་ཡིག་མཁན་གཙོས་ཤེས་རབ་རྒྱ་མཚོ་ལགས་ནས་གསུང་བཤད་གནང་བཞིན་པ།
ཀ་དཔེའི་རྩོམ་པ་པོའམ་ཡིག་མཁན་བསྟན་འཛིན་རྒྱ་མཚོས་ཀ་དཔེ་གསར་རྩོམ་གྱི་སྔ་ཕྱིའི་གནས་ཚུལ་འོས་སྦྱོར་གནང་བཞིན་པ།
ཡིག་མཁན་རྣམ་པས་ཁོང་རྣམ་པ་གསུམལ་རྟེན་འབྲེལ་མཚོན་པའི་ཁ་བཏགས་འབུལ་བཞིན་པ།
བྱ་དགའ་ཐོབ་མཁན་གྱི་ཡིག་མཁན་རྣམ་ལྔ།
ཁུལ་སྲིད་གྲོས་ཀྱི་ཡིག་རིས་སྒྱུ་རྩལ་གླིང་ནས་བྲིས་པ་རྣམས་ཀྱིས་ཡིག་གཟུགས་མཉམ་ཞིབ་དང་གཏམ་གླེང་སྣ་ཚོགས་མཛད་པའི་གནས་ཚུལ་མཚོན་ཙམ།
ཕྱི་རབས་སྨྱུག་ཐོག་པ་སློབ་མ་ཚེ་རིང་སྒྲོལ་མས་ཤིས་ཚིག་འབུལ་བཞིན་པ།
བོད་ཀྱི་ཡིག་མཁན་ཆེན་མོ་རྒན་སངས་རྒྱས་བཀྲ་ཤིས་ལགས་ཀྱིས་རྟེན་འབྲེལ་ཤིས་ཚིག་འབྲི་བཞིན་པ།
རྫོགས་རིམ་ཡིག་མཁན་གཙོས་ཤེས་རབ་རྒྱ་མཚོ་ལགས་ནས་ཤིས་ཚིག་འབྲི་བཞིན་པ།
རྫོགས་རིམ་ཡིག་མཁན་འཇིགས་མེད་ཆོས་དར་ལགས་ནས་ཤིས་ཚིག་འབྲི་བཞིན་པ།
སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།
རྩོམ་སྒྲིག་པ།དཔལ་མགོན་ཚེ་རིང་།
ཞུ་དག་པ། བཀྲ་ཤིས་དོན་གྲུབ།
སྒྲིག་སྦྱོར་བ།རྟ་མགྲིན་འཚོ།
|
|
