༄༅།། ཕྱི་ལོ་༢༠༢༥ལོའི་རྔ་བའི་རྫ་ཁྲོམ་རིག་གནས་ཡུལ་སྐོར་དུས་སྟོན་དང་བོད་ཀྱི་ཡིག་གཟུགས་བཤམས་སྟོན།
༢༠༢༥ལོའི་ཟླ༩ཚེས་༦ཉིན་གྱི་རྔ་བའི་རྫ་ཁྲོམ་རིག་གནས་ཡུལ་སྐོར་དུས་སྟོན་ནི་ལོ་སྔོན་དང་མ་འདྲ་བར་ཕྱོགས་ཡོངས་ནས་འཕེལ་རྒྱས་ཅན་དུ་སོང་ཡོད་པ་མ་ཟད། དམིགས་བསལ་བོད་ཀྱི་ཡིག་གཟུགས་ལ་ཡང་སྔ་ན་མེད་པའི་མཐོང་ཆེན་པོ་ཐོབ་པ་དང་། ས་གནས་རང་གི་བོད་ཀྱི་ཡིག་གཟུགས་རྒྱུད་འཛིན་པ་མང་པོའི་བརྩམ་ཆོས་བརྒྱ་ལ་ཉེ་བ་ཞིག་གཟིགས་འབུལ་ཞུ་ཐུབ་ཡོད་པ་དང་།ཡིག་གཟུགས་རྒྱུད་འཛིན་པ་དགེ་རྒན་རྣམས་ཀྱིས་ཀྱང་ཡིག་གཟུགས་བརྩམ་ཆོས་མང་པོ་ཡུལ་དངོས་ནས་ཕྱག་བྲིས་གནང་སྟེ། དེར་ཕེབས་པའི་ཡུལ་མི་ཚོར་རིན་མེད་ངང་ཕུལ་བ་དང་། ད་དུང་དགའ་འོས་པ་ཞིག་ལ། གཞོན་སྐྱེས་སློབ་བུ་སྟོང་ཕྲག་ལ་ཉེ་བ་ཞིག་དང་ཐག་རིང་ཐུང་ནས་ཕེབས་པའི་མང་ཚོགས་རྣམས་ལས་བོད་ཀྱི་ཡིག་གཟུགས་ལ་དོན་གཉེར་ཅན་ཀྱི་ཡིག་འབྲི་བ་མང་པོ་ཡིག་གཟུགས་བཤམས་སྟོན་གྱི་ཡུལ་དངོས་ལ་མཉམ་ཞུགས་བྱས་ནས་རང་རང་གི་ཡིག་གཟུགས་སྒྱུ་རྩལ་གྱི་གར་སྟབས་ངོམ་པ་དང་། ལྷག་དོན་གཞོན་སྐྱེས་ཡིག་འབྲི་བ་མང་པོར་དགེ་རྒན་རྣམས་ཀྱི་གཟེངས་བསྟོད་དང་སྐུལ་སློང་མང་དུ་བྱས། ད་དུང་ས་གནས་མང་ཚོགས་མང་པོས་ཀྱང་ད་ལོའི་ཡིག་གཟུགས་བཤམས་སྟོན་ཀྱི་ལས་རིམ་ལ་བསྟོད་བསྔགས་དང་གདེང་འཇོག་མང་དུ་ཐོབ།
སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།
གསར་འགོད་པ། རྒན་འཇམ་དཔལ།
རྩོམ་སྒྲིག་པ།དཔལ་མགོན་ཚེ་རིང་།
ཞུ་དག་པ། བཀྲ་ཤིས་དོན་གྲུབ།
སྒྲིག་སྦྱོར་བ།མགོན་པོ་དོན་གྲུབ།
|
|
