གཅེས་བརྒྱད་འདོན་བཅུ་མ་ཆོས་ཉེར་གཅིག་དང་།།བུ་ཆོས་བཅུ་དྲུག་སྤྱི་ཆོས་གསུམ་ལྡན་བྱ།། ལུགས་དེ་རྣམས་ཀྱི་སྤྱི་ལ་གཅེས་པ་བརྒྱད་ནི།སྣག་ལམ་ཟླུམ་ལ་སྒྲོས་ཆགས་གཅེས།། གཅིག་པུར་སྐྱེས་ལ་དཔུང་ཐུང་གཅེས།། གདགས་པ་ཅན་ལ་ཟུར་ཐིག་གཅེས།།སྟོད་ཕུབས་ཅན་ལ་ཕོ་བ་གཅེས།། སྨད་ཕུབ་ཅན་ལ་ཁོང་འདྲེན་གཅེས།། རྐང་པ་རྟར་ཞོན་ཕྱི་འབྲང་གཅེས།།ཡར་ཕུལ་མཐར་རྒྱས་སྒྲོས་གནོན་གཅེས།། མིག་ཅན་དག་ལ་རྐེ་གཙང་གཅེས།། ཞེས་དང་།འདོན་པ་བཅུའམ་བཅུ་བཞིར་ཡང་གྲགས་པ་ནི། བང་མགོ་ལ་འདོན། མཁྲང་དཔུང་ལ་འདོན། སྒྲོས་སྦོ་ཐེམ་ལ།བཤན་མར་འཐེན་ལ། སྤྱང་ཁོག་པ་ལ། ཧྲམ་སྣག་སྣ་ལ། ཧུར་མིག་འདྲིལ་ལ། གཡེར་ཡར་འཕུལ་ལ།ཡང་ཡ་བཏགས་ལ། གྲུང་ཟགས་མཆུ་ལ། བཟང་མགོ་དཔུང་ལ། འཛུམ་དཀར་ནག་སྣ་ལ།མཉེན་བསྣོལ་མཚམས་སུ། འཁྱུག་ཡན་ལག་ལ་འདོན་པ་རྣམས་དང་། མ་ཆོས་ཉེར་གཅིག་ནི།མགོ་རབ་ཐག་ཟླུམ་གྲིས་བཅད་འདྲ། འབྲིང་ཀ་གཞུ། ཐ་མ་ཚག་མགོ་སྟེ་མགོ་གསུམ། དཔུང་རབ་ཐུགས་ཀར་རྡོར་འཛིན།འབྲིང་མདའ་འཕེན། ཐ་མ་ལག་ཆག་འཕྲེད་ཉལ་ཏེ་དཔུང་གསུམ།སྦོ་རབ་སྒྲོས་ཆགས་གྲི་ལྟག་འདྲ་བ། འབྲིང་སྤུ་ཐག་སྒྲིམ་འདྲ། ཐ་མ་གྲོག་སྐེད་འདྲ་བ་སྟེ་སྦོ་གསུམ།ཟགས་མཆུ་རབ་གསེགས་སྦྱོར་ཐུང་རྣོ། འབྲིང་འགྱེའོ་ཕག་སྣ།ཐ་མ་རྒུར་པོ་གླང་སྣ་སྟེ་ཟགས་མཆུ་གསུམ། རབ་རྒྱ་ཁབ་བསླང་འདྲ།འབྲིང་རྔ་དབྱུག་འཕྱར་འདྲ། ཐ་མ་ལག་མགོ་བཅད་འདྲ་སྟེ་ཡར་འཐེན་གསུམ།རབ་སྒོ་ལྕགས་རྐང་འདྲ། འབྲིང་ཁྱི་གུའི་མཇུག་འདྲ།ཐ་མ་འབུ་མཇུག་སྦྲང་རྐང་འདྲ་བ་སྟེ་མར་འཐེན་གསུམ། རབ་ཉ་མིག་འབྲིང་ནས་འདྲ། ཐ་མ་ཟུར་གསུམ་ཁྲོ་མིག་སྟེ་མིག་གསུམ་བཅས་ཉེར་གཅིགབུ་ཆོས་བཅུ་དྲུག་ནི། གཉིས་ཆོད་འཛུམ་ལ་མཐོ་དམན་མེད་པ་ན་རོའི་ཆོས་གསུམ། གསེགས་ཀྱིས་གཞོལ་ལ་སྟོད་སྨད་ཕྱེད་པ་སྟེ་འགྲེང་བུའི་གཉིས།ཟླུམ་འདྲིལ་འཁྱུག་པ་སྟེ་གི་གུ་གསུམ། གདགས་པ་ཅན། ལྡན་ཐབས་བརྐྱང་པ། མདུང་ཚགས་གསུམ་སྦྲེལ་ལྡན་པ་སྟེ་ཞབས་ཀྱུའི་གསུམ།རྟ་སྦྲེལ་འཕངས་མ་བསྐྱིལ་བ་སྟེ་ར་ཏའི་གཉིས། འཁྱུག་སྙོམས་འདེགས་ལ་དཀྱིལ་ཡངས་ཏེ་ཡ་བཏགས་ཀྱི་གསུམ་སྟེ་བསྡོམས་པས་བཅུ་དྲུག གཟུགས་དཀྱུས་སུ་མ་གོལ་བ། དཀྱུས་ཉིད་ཚང་ནས་མ་ཡར་བ།གཟུགས་དཀྱུས་ཤན་ཕྱེད་པ་སྟེ་སྤྱི་ཆོས་གསུམ་དང་ལྡན་པར་བྱ་ཞིང་། དེའང་ཐིག་སྒྲོམ་གྲུ་བཞི་ལག་ལེན་ལྟར་བཙལ་ལ།ཕུབ་དང་དཔུང་པ་ཆ་གཅིག ཟགས་མཆུ་ཆ་གཉིས། ཆ་གསུམ་རྐང་བ་སྟེ།ཅ་ཆ་ར་འ་རིང་བ་སྐྱོན། ད་ན་ཞ་གསུམ་རིང་ཐུང་གཉིས་ཀ་སྐྱོན། ཀ་ག་ཤ་གསུམ་ཐུང་ན་སྐྱོན་ཡིན་ལ།འདོགས་འབྲེལ་ཆ་བཞི། སྟེང་གི་ཡན་ལག་ཆ་གཉིས། ཐིག་ཤིང་ལོགས་ལ་ཆ་དྲུག་ཏུ་བྱས་ལ་སྐྱོན་རྣམས་སྤངས་ཏེ་བྲི་བར་བཤད་པ་ནི་རགས་པ་ཡིན་ཏེ།ཞིབ་པར་ལག་ལེན་ལས་རྟོགས་དགོས་སོ།།
|
|
