འཇམ་དབྱངས་བསྟན་འཛིན་གྱིས་ཡིག་གཟུགས་དུས་ཆེན་ལ་ཕུལ་བའི་ལེགས་སྐྱེས།
འཇམ་དབྱངས་བསྟན་འཛིན་ནི་ཡུལ་མདོ་སྨད་ས་ཡི་ཐིག་ལེ་ཅོ་ནེའི་ཆས་བུ་གཤིས་རྨེ་རུ་ཉིན་པ་སྡེ་བ་རུ་རབ་བྱུང་བཅུ་དྲུག་པའི་ཁྲག་སྐྱུག་ཞེས་པ་ཆུ་མོ་ཕག་གི་ལོར་སྐྱེས། རང་ལོ་བརྒྱད་པ་ནས་ཉིན་པ་སློབ་གྲྭ་ཞུགས་ནས་ཀ་ཁའི་སྦྱོར་ཀློག་ཐོག་མ་སྦྱངས། རང་ལོ་བཅོ་ལྔ་བར་བཀྲ་ཤིས་ཆོས་འཁོར་གླིང་གི་དགོན་པའི་ཆོས་སྒོ་ཞུགས་ནས དགེ་བའི་གཤེས་གཉེན་ཆེན་མོ་ཨ་ཁུ་བསྟན་འཛིན་སོགས་གཤེས་གཉེན་དུ་མ་བསམ་སྦྱོར་གཉིས་ཀྱིས་བསྟེན་ནས། ཡི་གེ་དཀར་ནག་དང་། སུམ་རྟགས་དག་གསུམ། བསྡུས་གྲྭ་བློ་རྟགས་སོགས་བཀའ་པོད་ལྔ་ལ་སྦྱོངས་ཁུལ་བྱས། ཉིས་སྟོང་བཅུ་དྲུག་ལོར་ཀན་སུའུ་ནང་བསྟན་སློབ་གྲྭ་ཞུགས་ནས་ལོ་བཞིའི་རང་ལ་སླར་ཡང་བཀའ་པོད་ལྔ་ལ་སྦྱོངས་པ་དང་། ཞར་ལ་ཁ་གྱ་ཨ་ཁུ་འཇིགས་མེད་ཚང་དང་། ཨ་ཁུ་འཇིགས་མེད་ཆོས་དར་ཚང་གཉིས་ལ་བསྟེན་ནས། དབུ་ཅན། སུག་རིང་། སུག་ཐུང་། གཟབ་བྲིས། འབྲུ་ཚ། རྒྱུག་བྲིས། ལཉྫ། ཝརྟུ། ཧོར་ཡིག་རྣམས་ལོ་འཁོར་བཞིའི་རིང་ལ་སྦྱངས་པ་དང་། ཉིས་སྟོང་བཅུ་དགུའི་ལོ་ཀན་སུའུ་ནང་བསྟན་སློབ་གླིང་གིས་རྒྱལ་ཁབ་དབུ་བརྙེས་ནས་ལོ་འཁོར་བདུན་ཅུ་ལོན་པར་རྟེན་འབྲེལ་ཞུ་བའི་ཡིག་གཟུགས་འགྲན་སྡུར་ཆེན་མོའི་སྐབས་ཨང་གསུམ་པའི་བྱ་དགའ་ཡང་ཐོབ་ཡོད་པ་སོགས་གྲུབ་འབྲས་མི་དམན་པ་བླངས།
འདི་འབད་དགེ་བས་ཐོན་མིའི་ལུགས་བཟང་པོ། །
ཕྱོགས་དུས་ཀུན་ཏུ་དར་ཞིང་རྒྱས་པ་དང་། །
ལུས་ཅན་མཐའ་དག་འཁོར་བའི་རྒྱ་མཚོ་ལས། །
མྱུར་དུ་སྒྲོལ་བའི་རྒྱུ་རུ་བདག་གིས་བསྔོ། །
|
|
