设为首页 | 收藏本站

བོད་ལྗོངས་ལོ་ཙཱ་བོད་ཤོག་ཚད་ཡོད་ཀུང་སིའི་ཐོན་ལས་ངོ་སྤྲོད།

二维码 816

发表时间：2024-04-25 01:41作者：སྙེ་གསེར་སྨྱུག来源：ཀྲུང་གོ་བོད་ཀྱི་ཡིག་གཟུགས་དྲ་བ།

微信图片_20190426145513.jpg

བོད་ཀྱི་ཡིག་གཟུགས་དུས་ཆེན་ལ་ཕུལ་བའི་ལེགས་སྐྱེས་ལེ་ཚན།

尼木藏纸公司 (1).jpg

བོད་ལྗོངས་ལོ་ཙཱ་བོད་ཤོག་ཚད་ཡོད་ཀུང་སི་ནི་སྙེ་མོའི་ཕུན་ཚོགས་ཚེ་བརྟན་གྱིས་ལོ་ངོ་དུ་མར་དཀའ་བ་དང་དུ་བླངས་ནས་སྲོལ་རྒྱུན་སྙེ་མོའི་བོད་ཤོག་བཟོ་རྩལ་གྱི་བརྒྱུད་རིམ་ཆ་ཚང་ལ་སློབ་གཉེར་བྱས་པའི་རྨང་གཞིའི་སྟེང་། སྤྱི་ལོ་༢༠༢༣ལོར་གསར་ཏུ་བཙུགས་པའི་བོད་ལྗོངས་ལྷ་ས་གྲོང་ཁྱེར་སྙེ་མོ་རྫོང་གི་སྒེར་བཙུགས་ཁེ་ལས་ཤིག་ཡིན། ཀུང་སི་འདིས་གཙོ་བོ་མེས་པོའི་སྲོལ་རྒྱུན་ལག་ཤེས་གཙང་མའི་ལམ་ནས་མི་རིགས་ཀྱི་ཁྱད་ཆོས་ལྡན་པའི་སྙེ་མོའི་བོད་ཤོག་སྣ་ཚོགས་བཟོ་བསྐྲུན་བྱེད་པ་དང་། ནག་ཤོག་གམ་རི་ལྗགས་དང་ཤོག་བུའི་རྒྱུ་ཆ། དེ་བཞིན་ཤོག་བུའི་འབྱར་རྩི། བོད་སྨྱུག་སོགས་གཙོ་བྱས་པའི་ཡིག་ཆས་སྣ་ཚོགས་མཁོ་འདོན་བྱ་བཞིན་ཡོད།

ངེད་ཀུང་སིས་བཟོས་པའི་སྙེ་མོའི་བོད་ཤོག་ནི་ལོ་རྒྱུས་ཀྱི་རྒྱུན་རིང་ལ་ད་བར་དུ་ལོ་ངོ་༡༣༠༠ལྷག་གི་སྲོལ་རྒྱུན་ལག་རྩལ་གྱི་རྒྱུན་མ་ཆད་པར་ཡོང་བ་ཡིན་པས། ངེད་ཀྱིས་བཟོས་པའི་བོད་ཤོག་གི་མ་བཅོས་རྒྱུ་ཆའི་སྡེབ་སྦྱོར་ཚད་ལྡན་ཡིན་ལ་དམིགས་བསལ་ལྡན་པ། ཐོན་རྫས་འབུ་དང་བྱི་བས་མི་བཟའ་བ། ཡུན་རིང་ཉར་ཚགས་བྱས་ནའང་མི་རུལ་ཞིང་མདོག་ཀྱང་མི་འགྱུར་བ། ཁ་བཤགས་སླ་བ་སོགས་ཀྱི་ཁྱད་ཆོས་ལྡན་ཡོད། ལོ་རྒྱུས་ཁྲོད་སྙེ་མོའི་སྙེ་བྲིས་དང་བོད་ཤོག་ནི་གནའ་རབས་གསུང་གི་བསྟེན་བཞེང་ཁྲོད་ཆེས་སྐད་གྲགས་ཆེ་ལ། གནའ་དུས་སུ་བཞེང་བའི་སྙེ་མོའི་བོད་ཤོག་ལ་བྲིས་པའི་གསུང་རབ་ནི་ད་ལྟ་བར་ལོ་ངོ་ཆིག་སྟོང་སུམ་བརྒྱ་ལྷག་ཙམ་འདས་ནའང་སྔར་བཞིན་བཀྲག་མདང་ལྡན་ལ་གཏོར་སྐྱོན་གྱི་ཆ་ཆུང་ཟད་ཙམ་ཡང་མ་ཤོར་བར་ཉར་ཚགས་ཐུབ་པའི་དོན་དངོས་ལས་རྟོགས་ཐུབ་པ་མ་ཟད། ཀུན་གྱིས་ཁས་ལེན་པའི་ཤོག་བུའི་བཟོ་རྩལ་ཡག་ཤོས་ཤིག་ཏུ་བརྗོད།

尼木藏纸公司 (24).jpg

དེ་བས་ངེད་ཀུང་སིའི་ལས་དོན་ལ་ཀྲུང་གོ་བོད་ཀྱི་ཡིག་གཟུགས་དྲ་བས་རྒྱབ་སྐྱོར་གྱི་ཚུལ་དུ་དྲ་འགོད་དང་དྲིལ་བསྒྲགས་བྱས་པ་འདི་བརྒྱུད་བོད་མདོ་དབུས་ཁམས་གསུམ་གྱི་དགོས་མཁོ་ཅན་གྱི་མི་སྒེར་དང་། ལས་ཁུངས། སློབ་གྲྭ དགོན་སྡེ་སོགས་གང་དང་སུ་ཡིན་རུང་གཤམ་ཀྱི་ཁ་པར་འདི་བརྒྱུད་དེ་སྐད་འཕྲིན་བསྣོན་པ་དང་འབྲེལ་གཏུག་བྱས་ན། ངེད་ལོ་རྩའི་བོད་ཤོག་ཀུང་སིས་ལྷག་བསམ་རྣམ་དག་གི་སྒོ་ནས་ཞབས་ཞུ་དང་ལེན་བྱ་རྒྱུ་ཡིན། འབྲེལ་གཏུང་ཁ་པར།18689083196 བཀའ་དྲིན་ཆེ།

尼木藏纸公司 (15).jpg

ཁེ་ལས་གཙོ་གཉེར་བ་ཕུན་ཚོགས་ཚེ་བརྟན་ནི་བོད་ལྗོངས་ལྷ་ས་གྲོང་ཁྱེར་སྙེ་མོ་རྫོང་ཕུ་གསུམ་ཤང་ཆུ་ཤུར་གྲོང་ཚོ་ཚོགས་ཆུང་བརྒྱད་པའི་གྲོང་མི་ཡིན་པ་དང་། རང་ལོ་༡༤ནས་བཟུང་ཕ་དམ་པ་བཀྲ་ཤིས་ཕུན་ཚོགས་ཀྱི་མདུན་ནས་སྙེ་བྲིས་ཡིག་གཟུགས་ལ་ལོ་ངོ་༣༡རིང་ལས་ཀའི་ཞོར་དུ་སྙེ་བྲིས་ཡིག་གཟུགས་ལ་སློབ་སྦྱོང་བར་མ་ཆད་པར་བྱས། སྔ་རྗེས་སུ་ལྷོ་ཁ་དང་གཞིས་རྩེ། ཨ་མདོ་སོགས་སུ་བོད་ཡིག་ཡིག་གཟུགས་ལ་སློབ་སྦྱོང་བྱེད་པར་བསྐྱོད་མྱོང་ལ་རང་ཉིད་ཀྱིས་བྲིས་པའི་སྙེ་བྲིས་ལ་ཆེད་ལས་དགེ་རྒན་དང་ལས་རིགས་གཅིག་པའི་ཁས་ལེན་འདེང་འཇོག་ཚད་མཐོར་ཐོབ་ཡོད། ང་རང་ཆུང་དུས་ནས་བཅུང་རྒྱུན་དུ་དགོན་སྡེ་དང་མི་སྒེར་གྱི་ཡིག་གཟུགས་དཔེ་དེབ་བཤུ་འབྲི་དང་ལེན་བྱས་པ་དང་། ཡིག་གཟུགས་བྱེད་སྒོ་སྣ་ཚོགས་ཁྲོད་གཟི་བརྗིད་མཚན་སྙན་དང་ལག་ཁྱེར་དཔང་རྟགས་གང་མང་ཞིག་ཀྱང་ཐོབ་མྱོང་ཡོད།

尼木藏纸公司 (23).jpg

སྙེ་བྲིས་ཡིག་གཟུགས་ནི་བོད་ཡིག་ཡིག་གཟུགས་ཀྱི་ལོ་རྒྱུས་ཁྲོད་མིང་དུ་གྲགས་པའི་གསུང་རབས་བསྟེན་བཞེང་གི་ཡིག་རྒྱུན་གལ་ཆེན་ཞིག་ཡིན་ལ། བདག་གིས་རང་ཉིད་ཀྱི་ཕ་དམ་པ་བཀྲ་ཤིས་ཕུན་ཚོགས་ལགས་དགེ་རྒན་དུ་བསྟེན་ནས་སློབ་སྦྱོང་བྱས་པ་དང་། ཁོང་གིས་སྙེ་བྲིས་ཡིག་མཁན་གྲགས་ཅན་རྒན་ཚེ་ཏན་ནོར་བུ་ལས་བསླབ་པ་དང་། ཁོང་གིས་བོད་ཡིག་རིགས་གཅིག་མཁས་ཅན་བཀྲ་ཤིས་རྡོ་རྗེ་ལགས་ནས་བསླབས་པ། ཁོང་ནི་དེ་སྔའི་རྩེ་ཕོ་བྲང་པོ་ཏ་ལའི་ཆོས་དཔོན་དང་དྲུང་ཡིག་ཡིན་པ་མ་ཟད། སྙེ་བྲིས་ཡིག་གཟུགས་ཀྱི་རིགས་གཅིག་མཁས་པ་བཅས་ཡིན།

尼木藏纸公司 (25).jpg

བདག་གི་ཕ་དམ་པས་ལོ་བཅུ་གཅིག་ནས་བཅུ་བཞི་བར་རྒན་ཚེ་བརྟན་ནོར་བུའི་མདུན་ནས་སྙེ་བྲིས་ཡིག་གཟུགས་སློབ་སྦྱོང་བྱས་ཤིང་། ལོ་༡༤ནས་བཟུང་སློབ་གྲྭ་འགྲིམས་པ་སོགས་ཀྱི་ཁྲོད་སྙེ་བྲིས་ཡིག་གཟུགས་བྱང་ཆུབ་པར་སྦྱང་། རྗེས་སུ་ཁྲེང་ཏུའུ་བོད་ཡིག་ཡིག་གཟུགས་འགྲེམས་སྟོན་ཚོགས་འདུ་སོགས་ཡིག་གཟུགས་བྱེད་སྒོ་སྣ་ཚོགས་ནང་ཞུགས་པ་དང་དེའི་ཡིག་གཟུགས་ལ་རིགས་གཅིག་མཁས་ཅན་རྣམས་པས་འདེང་འཇོག་དང་མགྲིན་གཅིག་ཏུ་ཁས་ལེན་དང་ཚད་མཐོའི་གདང་འཇོག་ཐོབ་པ་མ་ཟད། རྫོང་རིམ་པ་དང་། གྲོང་ཁྱེར་རིམ་པ་བཅས་ཀྱི་མཚན་སྙན་ལག་ཁྱེར་ཡང་ཐོབ་ཡོད། ཁོང་གིས་ལོ་མང་རིང་སེམས་ཤུགས་གཅིག་ཏུ་སྒྲིམ་ནས་ཞིབ་འཇུག་དང་འབད་བརྩོན་བྱས་པ་བརྒྱུད། ༢༠༠༦གི་ལོར་སྙེ་བྲིས་ཡིག་གཟུགས་དེ་མངོན་མིན་ཤུལ་བཞག་རིག་གནས་ཀྱི་མིང་ཐོའི་ནང་ཚུད། ང་རང་ལོ་༡༤ལ་སླེབས་པ་ནས་བཅུང་ཕ་བཀྲ་ཤིས་ཕུན་ཚོགས་ལགས་ཀྱི་རྗེས་སུ་འབྲངས་ནས་སྙེ་བྲིས་ཡི་གེ་དང་བོད་ཡིག་སྦྱོང་འགོ་བཙུགས་པ་དང་ལོ་མང་རིང་སྙེ་བྲིས་དང་བོད་ཡིག་གི་ཡིག་གཟུགས་ཡར་རྒྱས་མགྱོགས་མྱུར་བྱུང་ནས་ལོ་༡༨ལ་སླེབས་སྐབས་སློབ་གྲྭ་ནས་མཐར་ཕྱིན། དེའི་རྗེས་ཀྱི་ལོ་གསུམ་ནང་ཕོ་བྲང་པོ་ཏ་ལའི་སྙེ་བྲིས་བོད་ཡིག་གི་ཡིག་གཟུགས་པར་གཞི་བཤུ་འབྲི་བྱས་པ་དང་། ལོ་༢༡ནས་༢༣བར་ལྷོ་ཁ་གྲོང་ཁྱེར་སྨན་རྩིས་ཁང་དུ་སྙེ་བྲིས་་ཡིག་གཟུགས་པར་གཞི་《གསོ་རིག་གི་གསུང་རྩོམ་རྒྱུད་བཞི》བཤུ་འབྲི་བྱས། གཞན་གཞིས་རྩེ་གྲོང་ཁྱེར་བཀྲ་ཤིས་ལྷུན་པོ་དགོན་ནས་སྙེ་བྲིས་ཡིག་གཟུགས་པར་གཞི་《གསོ་རིག་གི་གསུང་རྩོམ་རྒྱུད་བཞི》བཤུ་འབྲི་བྱས། ཉེ་བའི་ལོ་ཤས་རིང་ཨ་མདོ་དང་ཆབ་མདོ་སོགས་སུ་ཐེངས་མང་ཕྱིན་ནས་སྙེ་བྲིས་ཡིག་གཟུགས་དང་བོད་ཡིག་གི་ཡིག་གཟུགས་སློབ་ཁྲིད་བྱས་པས་སློབ་མ་༢༠༠ལྷག་ཙམ་ལ་ཕན་པ་ཐོབ། ༢༠༡༨ལོའི་ཟླ་༩ཚེས་༢༡ཉིན་སྙེ་མོ་རྫོང་གི་སྐབས་དང་པོའི“ཀྲུང་གོའི་ཞིང་པའི་ལོ་ལེགས་དུས་ཆེན”བརྗོད་བྱ་གཙོ་བོར་བྱས་པའི་འགྲན་བསྡུར་ནང་བྱ་དགའ་ཐོབ་པ་དང་། ༢༠༡༨ལོའི་ཟླ་༡༢བར་ཡང་བསྐྱར་སྙེ་མོ་རྫོང་གི་སྐབས་དང་པོའི་དངོས་མིན་རིག་གནས་ཤུལ་བཞག་གསོ་སྦྱོང་འཛིན་གྲྭ་ནས་སློབ་སྦྱོང་བྱེད་པའི་གོ་སྐབས་བྱུང་ཞིང་སློབ་མཇུག་འགྲིལ་བའི་ལག་རྟགས་དང་བྱ་དགའ་སོགས་ཀྱང་ཐོབ། ༢༠༡༩ལོའི་ཟླ་༨ཚེས་༡ཉིན“རྒྱལ་ཁབ་བཙུགས་ནས་ལོ་༧༠འཁོར་བར་དགའ་བསུ་ཞུ་བ་དང་། སྙེ་བྲིས་ཡིག་གཟུགས་འགྲེམས་སྟོན་ཁྲོད་གཟི་བརྗིད་ལག་རྟགས་དང་བྱ་དགའ་ཐོབ། ༢༠༢༠ལོའི་ཟླ་༡༠ཚེས་༡༩ཉིན“སྙེ་མོ་རྫོང་གི་ལོ་ངོ་སྟོང་གི་སྒྱུ་རྩལ་རྒྱུན་འཛིན་བྱེད་པའི” བྱེད་སྒོའི་ཁྲོད་བོད་ཡིག་དབུ་ཅན་ཡིག་གཟུགས་འགྲན་བསྡུར་ནས་བྱ་དགའ་ཨང་གསུམ་པ་སོགས་ཐོབ།