设为首页 | 收藏本站
 
གསར་འགྱུར།新闻中心སྤྱི་བསྒྲགས།公告གནའ་དཔེ་ཉར་ཚགས།古籍收藏ཡིག་གཟུགས་སྒྱུ་རྩལ།书法艺术ཤེས་བྱའི་ཟེགས་མ།书法常识དཔྱད་རྩོམ།  论  文ཐུན་མོང་འགྲེམ་སྟོན་ཁང་།集体展厅ས་ཁུལ་འགྲེམ་སྟོན་ཁང་།地区展厅ཡིག་གཟུགས་མཁས་དབང་།书法名家ཡིག་གཟུགས་མཁན་པོ།书法家ཡིག་གཟུགས་བྲིས་ཆེན།书法达人ཡིག་གཟུགས་བྲིས་ཆུང་།书法新秀ཡིག་གཟུགས་དགའ་ཞེན་པ།书法爱好者སྐྱེ་མའི་ཡིག་གཟུགས།女性书法展厅སློབ་རའི་འགྲེམ་སྟོན་ཁང་།校园展厅བརྙན་གཟུགས་དཔེ་ཁྲིད།视频教程འཆད་ཁྲིད་དོ་ར།书法讲堂ཡིག་གཟུགས་ཀ་དཔེ། 字帖བསླབ་དེབ།学习资料སྡེ་ཁག་འོས་སྦྱོར།团体推介གནའ་ཉེ་རབས་ཡིག་མཁན།古近代名家དེང་རབས་ཡིག་མཁན།现代名家ཡིག་ཆ་ཕབ་ལེན།文件下载སྣ་ཚོགས་ཕབ་ལེན།其它下载

ཤག་ཆུ་གྲོང་རྡལ་གྲོང་ཚོས་སྐབས་བཞི་པའི་མི་རིགས་མཐུན་སྒྲིལ་བརྗོད་བྱས་པའི་རྫོང་ཡོངས་ཀྱི་བོད་རྒྱ་ཡིག་རྩལ་

 二维码 2075
发表时间:2024-02-07 14:41作者:ཤག་ཆུ་གྲོང་རྡལ།来源:ཀྲུང་གོ་བོད་ཀྱི་ཡིག་གཟུགས་དྲ་བ།


ཤག་ཆུ་གྲོང་རྡལ་གྲོང་ཚོས་སྐབས་བཞི་པའི་མི་རིགས་མཐུན་སྒྲིལ་བརྗོད་དོན་བྱས་པའི་རྫོང་ཡོངས་ཀྱི་བོད་རྒྱ་ཡིག་རྩལ་འགྲན་བསྡུར་གྱི་བྱེད་སྒོ་རྒྱ་ཆེར་སྤེལ་བ།





那曲比如县夏曲镇夏曲卡 (1).jpg


      ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་སྔར་བས་དར་སྤེལ་བཏང་ནས་རིག་གནས་ཀྱི་གདེང་ཚོད་བརྟན་དུ་གཏོང་ཆེད།2024 ལོའི་སྤྱི་ཟླ་2 ཚེས 4 ཉིན་བོད་ལྗོངས་ནག་ཆུ་གྲོང་ཁྱེར་འབྲི་རུ་རྫོང་ཏང་ཨུ་དང་སྲིད་གཞུང་གིས་ཤུགས་ཆེའི་རྒྱབ་སྐྱོར་འོག   ཤག་ཆུ་གྲོང་རྡལ་གྲོང་ཚོ་དྲུག་པས་གཙོ་གཉེར་གནང་བའི་རྒྱུན་ལྡན་རང་བཞིན་ཅན་གྱི་ལོ་གསར་དུས་སྟོན་སྐབས།   ཀྲུང་ཧྭ་མི་རིགས་མཐུན་སྒྲིལ་ཐུན་མོང་གཞི་གཅིག་གི་འདུ་ཤེས་ཇེ་བརྟན་ཏུ་གཏོང་བའི་"མི་རིགས་མཐུན་སྒྲིལ་ཁྱིམ་ཚང་གཅིག་ལྟར་འཆམ་"ཞེས་པ་བརྗོད་བྱ་གཙོ་བོར་བྱས་པའི་རྫོང་ཡོངས་ཀྱི་བོད་རྒྱ་ཡིག་ཡིག་རྩལ་འགྲན་བསྡུར་གཟབ་རྒྱས་སུ་སྤེལ།



那曲比如县夏曲镇夏曲卡 (17).jpg   那曲比如县夏曲镇夏曲卡 (18).jpg


མཛད་སྒོའི་ཐོག་ཧྲུའུ་ཅི་ཟླ་བ་རྡོ་རྗེ་དང་ལྗོངས་ཡིག་གཟུགས་མཐུན་ཚོགས་ཀྱི་གཅུང་བསླབ་གསུམ་ལགས་རྣམ་གཉིས་ཀྱིས་མི་རིགས་མཐུན་སྒྲིལ་སྐོར་དང་ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་ཡིག་གཟུགས་སྐོར་གྱི་གསུངས་བཤད་གནང་བཞིན་པ།


那曲比如县夏曲镇夏曲卡 (11).jpg


      བྱེད་སྒོའི་སྟ་གོན་གྱི་དུས་སུ་ཤག་ཆུ་གྲོང་རྡལ་ཤག་ཆུ་ཁ་གྲོང་ཚོའི་སྡེ་དམངས་ཨུ་ཡོན་ལྷན་ཁང་གི་ལས་བྱེད་པ་དང་།ཆེད་ལས་ལས་སྒྲུབ་པ།གྲོང་ཚོའི་བཅའ་སྡོད་ལས་དོན་རུ་ཁག་བཅས་ཀྱིས་ཟླ་1ཚེས་18ཉིན་ནས་བཟུང་ཐོག་མཐའ་བར་གསུམ་དུ་སྟ་གོན་བྱ་བ་མ་ལུས་ཞིབ་ཚགས་ལྡན་པར་གནང་པ་དང་།ཟླ་2ཚེས་1ཉིན་ནས་བཟུང་བརྩམས་ཆོས་འཚོལ་བསྡུ་བྱས།


那曲比如县夏曲镇夏曲卡 (14).jpg



འགྲན་བསྡུར་གྱི་ཉིན་མོར།   འགྲན་ཞུགས་ཡིག་མཁན་རྣམས་ཀྱིས་སྤྲོ་སེམས་རབ་ཏུ་འཁོལ་བའི་ངང་ནས་གཏན་འབེབས་ཀྱི་དུས་ཚོད་ལྟར་བློ་རྩེ་གཅིག་སྒྲིམ་གྱིས་རླབས་ཆེན་མེས་རྒྱལ་ཨ་མའི་བསྟོད་བསྔགས་དང་།   ཏང་དང་རྒྱལ་ཁབ་ལ་བཅངས་པའི་བརྩེ་བ་ཟམ་མོ་ཡིག་གཟུགས་ཀྱི་སྒྱུ་རྩལ་བསྟིམས་པ་མ་ཟད།   སྤུས་ལེགས་བྲིས་རྩལ་དང་འབྲེལ་བའི་སྨྱུག་རིམ་རེ་རེ།   དམ་ལྷོ་ཟུང་ལྡན་གྱི་ཉམས་འགྱུར་རེ་རེ། ཤ་རུས་ཁྲག་གསུམ་དང་དག་སྙོམ་མཛེས་གསུམ་གྱི་ཁྱད་ཆོས་ལྡན་པའི་གསོན་ཤུགས་རེ་རེས་ཁོང་རྣམ་པའི་ཡིག་གཟུགས་སློབ་སྦྱོང་ལ་བཏང་པའི་དཀའ་སྤྱད་འབད་བརྩོན་གྱི་རྣམ་འགྱུར་མཚོན་ཡོད་ལ།   སྒྱུ་རྩལ་གྱི་ཁྱད་ཆོས་ཅི་རིགས་སུ་སྣང་པའི་བརྩམས་ཆོས་ཁྲོད་འགྲན་ཞུགས་ཡིག་མཁན་རྣམ་པའི་བྲིས་རྩལ་གྱི་ཉིང་བཅུད་འདུས་ཡོད།    དེ་དག་ནི་ཁོ་ཚོས་ཏང་དང་རྒྱལ་ཁབ་ལ་བཅངས་པའི་ཡིད་ཆེས་དང་།   འོངས་འཚོ་བར་བཅངས་པའི་རེ་བ། དེང་ཕྱིན་གྱི་ལས་དོན་དང་སློབ་སྦྱོང་ལ་བཅངས་བའི་སྤྲོ་སེམས་སོགས་མངོན་པར་མཚོན་ཡོད།


那曲比如县夏曲镇夏曲卡 (15).jpg


འགྲན་བསྡུར་ཁྲོད་འབྲི་རུ་རྫོང་ཡོངས་ཀྱི་ཤང་དང་གྲོང་རྡལ་སོ་སོ་ནས་ཕེབས་པའི་བྱིས་གསོ་ཁང་གི་སློབ་མ་དང་།སློབ་ཆུང་སློབ་མ།   དམའ་འབྲིང་སློབ་མ།མཐོ་འབྲིང་སློབ་མ། སློབ་ཆེན་སློབ་མ། གཞན་ཡང་ལས་བྱེད་པ་དང་ཁྱིམ་བདག་ཕོ་མོ་རྒན་དར་གཞོན་གསུམ།   རྒྱ་བོད་ཧུད་རིགས་སོགས་སྡོམ་པས་མི་གྲངས་1396 ལྷག་འགྲན་བསྡུར་ལ་ཞུགས་པ་དང་།   དེའི་ཁྲོད་ནས་མི་180 ལ་གཟེངས་བསྟོད་བྱ་དགའ་སྤྲད།   



那曲比如县夏曲镇夏曲卡 (16).jpg


འགྲན་བསྡུར་མཇུག་རྫོགས་རྗེས།   དཔྱད་བསྡུར་ཨུ་ལྷན་གྱིས་དྲང་བདེན་གཟུར་གནས་ཀྱི་རྩ་དོན་གཞིར་བཟུང་གི་སྒོ་ནས་དཔྱད་འདེམས་བྱས་ཤིང་།   མཐར་བུ་བཅོལ་ཁང་གི་ཚོ་ཆུང་ལ་མི་15དང་། སློབ་ཆུང་སྐོར་ནས་(སློབ་ཆུང་ལོ་རིམ་དང་པོ།ལོ་རིམ་གཉིས་པ། ལོ་རིམ་བཞི་པ། ལོ་རིམ་ལྔ་པ། ལོ་རིམ་དྲུག་པ་བཅས་སོ་སོར་མི་15རེ་འདེམས་ཐོན་བྱུང་།དམའ་རིམ་སློབ་འབྲིང་གི་ཚོ་ཆུང་ལ་ཁྱོན་བསྡོམས་མི་15དང་།མཐོ་རིམ་སློབ་འབྲིང་གི་ཚོ་ཆུང་ལ་མི་15བཅས་བདམས་ཐོན་བྱུང་། མང་ཚོགས་ཚོགས་ཆུང་ལ་ཁྱོན་བསྡོམས་མི་15བཅས་ཁྱོན་བསྡོམས་མི165ལ་ཨང་རིམ་བྱ་དགའ་དང་།གཞན་འགྲན་ཞུགས་པ་ཁ་ཤས་ལ་ཕུལ་བྱུང་སོགས་རྟིང་སྐུལ་བྱ་དགའ་འང་སྤྲད་དེ་འགྲན་ཞུགས་མི་སྣ་ཡོངས་ལ་ཡིག་གཟུགས་ཀྱི་དགའ་མོས་དང་སྤྲོ་བ་བསྐྱེད་པར་བྱས།



那曲比如县夏曲镇夏曲卡 (53).jpg




那曲比如县夏曲镇夏曲卡 (20).jpg   那曲比如县夏曲镇夏曲卡 (19).jpg




那曲比如县夏曲镇夏曲卡 (24).jpg      那曲比如县夏曲镇夏曲卡 (21).jpg




那曲比如县夏曲镇夏曲卡 (23).jpg       那曲比如县夏曲镇夏曲卡 (22).jpg




那曲比如县夏曲镇夏曲卡 (50).jpg






那曲比如县夏曲镇夏曲卡 (3).jpg




那曲比如县夏曲镇夏曲卡 (4).jpg




那曲比如县夏曲镇夏曲卡 (5).jpg




那曲比如县夏曲镇夏曲卡 (6).jpg





那曲比如县夏曲镇夏曲卡 (7).jpg




那曲比如县夏曲镇夏曲卡 (9).jpg





那曲比如县夏曲镇夏曲卡 (10).jpg




那曲比如县夏曲镇夏曲卡 (8).jpg



འགྲན་བསྡུར་བརྩམས་ཆོས་གཟིགས་ན་འདི་མནོན།


སྤྱི་ཁྱབ་ལྟ་སྐུལ་བ། རྟ་མགྲིན་མགོན་པོ།

གསར་འགྱུར། གཅུང་བསླབ་གསུམ

རྩོམ་སྒྲིག་པ།   ཚེ་རིང་སྒྲོལ་མ།

ཡིག་གཏགས།   མགོན་པོ་དོན་གྲུབ།

ཞུ་དག།    དཔལ་མགོན་ཚེ་རིང་།