འཇམ་དཔལ་བསྟན་འཛིན།
སྡེར་ནང་ས་བྲིས་སྨྱུག་འཛིན་པ་ཁོང་ནི། དངོས་མིང་ལ་འཇམ་དཔལ་བསྟན་འཛིན་དང་། དྲ་མིང་ལ་ཤེལ་ཀ་ར་ཞེས་འབོད་ཅིང། ཁོང་གི་ཕ་ཡུལ་འདན་མ་དང་། རང་ལོ་ཉེར་ལྔ་ཡིན། ད་ལྟར་ལྡན་ཆོས་འཁོར་དགོན་དུ་གཞུང་ཆེན་ཁག་ལ་སློབ་གཉེར་བྱེད་མུས་སུ་མཆིས། ཞོར་དུ་བརྡ་སྤྲོད་སྙན་ངག་སོགས་ལ་འབད་པ་དང་། ལྷག་པར་དུ་ཁོམ་ལྕོགས་དང་བསྟུན་ནས་ཡིག་གཟུགས་སོགས་ལའང་དག་སྣང་ཅི་ལྕོགས་སུ་བྱེད་བཞིན་ཡོད། ཕྱི་ལོ༢༠༢༡ལོའི་ཟླ༧ཚེས་༢ཉིན་ལ། ཆབ་མདོ་སློབ་འབྲིང་གི་སློབ་གཙོ་སྟེ་དགེ་རྒན་ཆེན་མོ་འདན་ཚ་འཇམ་དབྱངས་ཆོས་དར་ལགས་ཀྱི་སློབ་སྟོན་འོག ལྡན་བྲིས་ཏེ་སྡེར་ནང་ས་བྲིས་གཙོས་པའི་ཡིག་གཟུགས་སོགས་ལ་སློབ་སྦྱོང་གི་སྐལ་བཟང་ཤར་ཏེ། ད་ལྟ་ཁོང་ལ་སྦྱངས་འབྲས་མི་དམན་པ་ཞིག་ཐོབ་ཡོད།
|
|
