བོད་མདོ་དབུས་ཁམས་གསུམ་གྱི་འགྲན་ཞུགས་ཡིག་མཁན་རྣམ་པའི་སྤྱན་སྔར་ཞུ་གསོལ།
“ཐོན་མིའི་ཡིག་རྒྱུན་”རྒྱལ་ཡོངས་བོད་ཡིག་ཡིག་གཟུགས་འགྲན་བསྡུར་སྐབས་གསུམ་པའི་ལས་ཀ་ཧྲིལ་བོ་ཀྲུང་གུང་ཀླུ་ཆུ་རྫོང་ཨུ་དང་། རྫོང་མི་དམངས་སྲིད་གཞུང་གི་ཡང་དག་མགོ་ཁྲིད་འོག་རྫོང་ཨུའི་དྲིལ་བསྒྲགས་པུའུ་དང་། བོད་ཁུལ་གྱི་དཔྱད་འདེམས་དགེ་རྒན་རྣམ་པའི་ཐུག་ཁུར་དང་རྒྱབ་སྐྱོར་བླ་མེད་གནང་བའི་འོག མཇུག་འབྲས་སྤྱི་བསྒྲགས་དང་བྱ་དགའ་བྱིན་པའི་མཛད་སྒོ་སོགས་གཟབ་རྒྱས་སུ་གནང་ནའང་། བྱ་དགའི་དཔང་ཡིག་སོགས་དུས་ལྟར་སྐུར་རྒྱུ་མ་བྱུང་པ་ལ་ངེད་འགྲན་བསྡུར་ཚོགས་ཆུང་གིས་ལྷན་རྒྱས་ཡོངས་ལ་དགོངས་དག་ཞུ།
ད་ནི་གོང་རིམ་འགོ་ཁྲིད་རྣམ་པའི་ཐུགས་ཁུར་ལས་ཟླ་༡༢ཚེས་༡༠ཡས་མས་སུ་བྱ་དགའ་བདག་སྤྲོད་གནང་པའི་ཕྱི་ནང་བར་གསུམ་གྱི་ཆ་རྐྱེན་མ་ལུས་ཡོངས་སུ་འཛོམས་ཡོད་པས། སང་ཉིན་ནས་བཟུང་ཀྲུང་གོའི་བོད་ཀྱི་ཡིག་གཟུགས་དྲ་བའི་《བྱ་དགའི་མིང་ཐོ་》ལྟར་རང་ཉིད་ཀྱི་མིང་བྱང་དེ་འདེམས་པའི་པར་རིས་དང་། ཁ་པར་ཨང་གྲངས། ཐོབ་དཔང་། བྱ་དགའ་སྐུར་ཡུལ་གྱི་ས་གནས་སོགས་རྒྱ་ཡིག་གི་ལམ་ནས་མ་ནོར་བར་སྐུར་རོགས།
གཤམ་གྱི་མཛུབ་གནོན་
འདི་མནན་ནས་གོང་བཀོད་ཀྱི་ཆ་འཕྲིན་དེ་དག་སྐུར་རྗེས་ང་ཚོས་ཆ་འཕྲིན་འབྱོར་བའི་སྔ་ཕྱིའི་གོ་རིམ་བཞིན་བྱ་དགའ་དང་དཔང་ཡིག་སོགས་སྦྲགས་སྲིད་བརྒྱུད་དེ་སྐུར་རྒྱུན་ཡིན་པས་རྣམ་པ་ཚོས་དེའི་དོན་ཐུགས་ལ་འཇགས་པར་འཚལ།
ཆེད་དུ་ཞུ་དོན། བྱ་དགའ་ཐོབ་མཁན་གྱི་མི་གྲངས་མང་བས་ངེས་པར་དུ་གོང་སྨྲས་ཀྱི་འགྲོ་ལུགས་བཞིན་ཡོང་བར་ཞུ་ཞུ།
རང་ཉིད་ཀྱི་ཆ་འཕྲིན་དེ་དག་སྐུར་མི་ཤེས་ན་འོག་གི་ཁྲིད་སྟོན་བརྙན་ཐུང་གཉིས་ལ་གཟིགས་དང་ཤེས་ངེས་ཡིན།
དང་པོ་རང་ཉིད་ཀྱི་བྱ་དགའི་མང་ཐོ་འཚོལ་ཚུལ་དང་ཉེར་ཚགས་བྱེད་སྟངས་ཀྱི་ཁྲིད་སྟོན་བརྙན་ཐུང་།
རང་ཉིད་ཀྱི་མིང་དང་ཐོབ་དཔང་ཨང་གྲངས། མིང་ཐོའི་ཡིག་ཆ། བྱ་དགའ་སྐུར་ཡུལ་ས་མིང་སོགས་སྐུར་ཚུལ་གྱི་ཁྲིད་སྟོན་བརྙན་ཐུང་།
ཐོན་མིའི་ཡིག་རྒྱུན་རྒྱལ་ཡོངས་བོད་ཀྱི་ཡིག་གཟུགས་
འགྲན་བསྡུར་ཆེན་མོའི་རྩ་འཛུགས་ཚོགས་ཆུང་།
ཀྲུང་གོ་བོད་ཀྱི་ཡིག་གཟུགས་དྲ་བས།
༢༠༢༣ལོའི་ཟླ༡༡ཚེས༢༤ཉིན།
|
|
