ཀན་ལྷོ་བོད་རིགས་རང་སྐྱོང་ཁུལ་བཙུགས་ནས་ལོ་འཁོར་༧༠ལོན་པར་རྟེན་འབྲེལ་ཞུ་བའི་“ཐོན་མིའི་ཡིག་རྒྱུན་"རྒྱལ་ཡོངས་བོད་ཀྱི་ཡིག་གཟུགས་འགྲན་བསྡུར་ཆེན་མོ་སྐབས་གསུམ་པའི་བྱ་དགའ་སྟེར་བ་དང་བརྩམས་ཆོས་འགྲེམ་སྟོན་གྱི་མཛད་སྒོའི་བརྡ་ཡིག
བོད་མདོ་དབུས་ཁམས་གསུམ་གྱི་ཡིག་མཁན་དང་བྱ་དགའ་ཐོབ་པའི་འགྲན་ཞུགས་པ་རྣམས་ལ་ཞུ་གསོལ།
སྤྱི་ཟླ་༧པའི་ཚེས་༢༤ཉིན་གྱི་སྔ་དྲོའི་ཆུ་ཚོད་དགུའི་སྟེང་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་ཀླུ་ཆུ་རྫོང་ཤ་བཙོས་ཐང་རིག་གནས་ཡུལ་སྐོར་ཐོན་ལས་གླིང་ནས་“ཀན་ལྷོ་བོད་རིགས་རང་སྐྱོང་ཁུལ་བཙུགས་ནས་ལོ་འཁོར་༧༠ལོན་པར་རྟེན་འབྲེལ་ཞུ་བའི་‘ཐོན་མིའི་ཡིག་རྒྱུན་’རྒྱལ་ཡོངས་བོད་ཀྱི་ཡིག་གཟུགས་འགྲན་བསྡུར་སྐབས་གསུམ་པའི་བྱ་དགའ་སྟེར་བ་དང་ཡིག་གཟུགས་བརྩམས་ཆོས་འགྲེམ་སྟོན་”གྱི་མཛད་སྒོ་སྤེལ་རྒྱུ་ཡིན་པས། བྱ་དགའ་ཐོབ་པའི་ཡིག་མཁན་དང་སྐུ་མགྲོན་རྣམ་པས་བོད་ཁམས་ཡོངས་ཀྱི་ས་ཕྱོགས་སོ་སོ་ནས་ཐོན་པའི་ཡིག་གཟུགས་སྣ་བརྒྱའི་བརྩམས་ཆོས་འགྲེམ་སྟོན་ལ་ཡུལ་དངོས་ནས་རོལ་མྱོང་དང་གཟིགས་ཞིབ་གནང་འདོད་མཁན་ཚང་མ་དུས་ལྟར་ཕེབས་པར་དགའ་བསུ་ཞུ།
འགྲེམ་སྟོན་མཛད་སྒོ ཟླ༧ཚེས༢༤ཉིན་གྱི་སྔ་དྲོའི་ཆུ་ཚོད་༩བ།
འགྲེམ་སྟོན་ས་གནས། ཀན་སུའུ་ཞིང་ཆེན་ཀན་ལྷོ་ཁུལ་ཀླུ་ཆུ་རྫོང་ཤ་བཙོས་ཐང་རིག་གནས་ཡུལ་སྐོར་ཐོན་ལས་གླིང་།
འགྲེམ་སྟོན་དུས་ཡུན། ༢༠༢༣ལོའི་ཟླ༧ཚེས༢༤ཉིན་ནས་ཟླ༨ཚེས་༢༤ཉིན་བར།
ལམ་ཐིག་སྣེ་ཁྲིད་ས་ཁྲ། སྦྲེལ་གནས་འདི་མནན་ན་ལམ་ཐིག་ལ་ལྟ་ཐུབ།
གསལ་བཤད། བྱ་དགའ་ཐོབ་པའི་ཡིག་མཁན་ལས་ས་ཐག་རིང་བའི་དབང་གིས་ཡུལ་དངོས་སུ་ཡོང་མ་ཐུབ་ན་བྱ་དགའི་དཔང་ཡིག་དང་བྱ་དགའི་དངུལ། ལེགས་སྐྱེས་བཅས་སྦྲགས་སྲིད་བརྒྱུད་དེ་སྐུར་རྒྱུ་ཡིན་པས་རང་གི་ཐོབ་དཔང་ཨང་རྟགས་དང་ས་མིང་ནོར་ཡོད་མེད་ལ་དོ་ཁུལ་གནང་རོགས།
|
|
