བན་དེ་བཀྲ་ཤིས།
སློབ་ཆེན་ཡིག་གཟུགས་པ་བན་དེ་བཀྲ་ཤིས་ནི་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་འབོ་ར་གྲོང་བརྡལ་ཀད་ཀྱ་སྡེ་བ་ནས་འཚར་ལོངས་བྱུང་ཞིང་། རྒྱུན་ལྡན་སློབ་མ་རྣམས་དང་འདྲ་བར་སློབ་གྲྭ་ཆུང་འབྲིང་གི་གོ་རིམ་བརྒྱུད་དེ་ད་བར་ཀན་སུའུ་མི་རིགས་སློབ་ཆེན་བོད་ཡིག་སྐད་ཡིག་སྡེ་ཁག་གི་གློག་བརྙན་འཕྲིན་ཟློས་གར་རྩོམ་རིག་འཛིན་གྲྭར་སློབ་གཉེར་བྱེད་བཞིན་ཡོད་ལ། རྒན་སངས་རྒྱས་བཀྲ་ཤིས་ལགས་ཀྱི་བཀའ་དྲིན་ལ་རྟེན་ནས་བོད་ཀྱི་ཡིག་གཟུགས་སྒྱུ་རྩལ་ལ་བརྩོན་པ་བྱེད་པ་དང་། ད་ལོ་ཁོང་གི་སློབ་གྲོགས་དང་མཉམ་དུ་ཡིག་གཟུགས་བརྩམས་ཆོས་འགྲེམ་སྟོན་ཐོག་མ་ལེགས་འགྲུབ་བྱུང་བས། འདི་བརྩམས་ཆོས་འགའ་དྲ་ལམ་བརྒྱུད་དེ་སྐལ་མཉམ་གྲོགས་པོ་རྣམས་དང་བོད་ཀྱི་ཡིག་མཁན་རྣམས་ཀྱི་སྤྱན་སྔར་འབུལ་རྒྱུ་བྱུང་བར་མཛུབ་སྟོན་གང་མང་ཡོང་བའི་སྨོན་འདུན་ཞུ་ཞུ།
|
|
