设为首页 | 收藏本站
 
གསར་འགྱུར།新闻中心སྤྱི་བསྒྲགས།公告གནའ་དཔེ་ཉར་ཚགས།古籍收藏ཡིག་གཟུགས་སྒྱུ་རྩལ།书法艺术ཤེས་བྱའི་ཟེགས་མ།书法常识དཔྱད་རྩོམ།  论  文ཐུན་མོང་འགྲེམ་སྟོན་ཁང་།集体展厅ས་ཁུལ་འགྲེམ་སྟོན་ཁང་།地区展厅ཡིག་གཟུགས་མཁས་དབང་།书法名家ཡིག་གཟུགས་མཁན་པོ།书法家ཡིག་གཟུགས་བྲིས་ཆེན།书法达人ཡིག་གཟུགས་བྲིས་ཆུང་།书法新秀ཡིག་གཟུགས་དགའ་ཞེན་པ།书法爱好者སྐྱེ་མའི་ཡིག་གཟུགས།女性书法展厅སློབ་རའི་འགྲེམ་སྟོན་ཁང་།校园展厅ཡིག་གཟུགས་དུས་ཆེན་ཆེད་སྒྲིག书法日专题བརྙན་གཟུགས་དཔེ་ཁྲིད།视频教程འཆད་ཁྲིད་དོ་ར།书法讲堂ཡིག་གཟུགས་ཀ་དཔེ། 字帖བསླབ་དེབ།学习资料སྡེ་ཁག་འོས་སྦྱོར།团体推介གནའ་ཉེ་རབས་ཡིག་མཁན།古近代名家དེང་རབས་ཡིག་མཁན།现代名家ཡིག་ཆ་ཕབ་ལེན།文件下载སྣ་ཚོགས་ཕབ་ལེན།其它下载

སྟག་ཚང་བཀྲ་ཤིས་དོན་གྲུབ།

 二维码 1184
发表时间:2023-05-23 20:44作者:སྟག་ཚང་བཀྲ་ཤིས་དོན་གྲུབ།来源:ཀྲུང་གོ་བོད་ཀྱི་ཡིག་གཟུགས་དྲ་བ།

ན་གཞོན་ཡིག་མཁན་སྟག་ཚང་བཀྲ་ཤིས་དོན་གྲུབ་ཀྱི་བརྩམས་ཆོས་གདམ་བཀོད།

扎西东智0.jpg

     སྟག་ཚང་བཀྲ་དོན་ནམ་བཀྲ་ཤིས་དོན་གྲུབ་ནི་སྤྱི་ལོ་༢༠༠༡ལོའི་ཟླ་༥བར་མདོ་སྨད་ཀན་ལྷོ་ཀླུ་ཆུའི་སྟག་ཚང་ལྷ་མོར་སྐྱེས་ཤིང་།ཆུང་དུས་ནས་རིག་པ་དང་རྣམ་དཔྱོད་ཀྱི་རྩལ་རྩེར་སོན་པའི་སློབ་མ་ཞིག་ཡིན་ལ།སློབ་ཆུང་འགྲིམས་པའི་སྐབས་སུ་བཟང་གསུམ་སློབ་མའི་བྱ་དགའ་ཐེངས་དུ་མར་བླངས་ཤིང་།བསླབ་ཚན་སོ་སོའི་དགེ་རྒན་རྣམས་ཀྱིས་དམིགས་བསལ་གྱིས་ཁོ་ལ་རེ་བ་ཆེན་པོ་འཛིན་ཚུལ་ཁོའི་སློབ་གྲོགས་རྣམས་ཀྱི་ངག་ནས་ཡང་ཡང་ཐོས་མྱོང་།ཀླུ་ཆུ་རྫོང་བོད་རིགས་སློབ་འབྲིང་ནས་སློབ་གཉེར་བྱེད་སྐབས་ཡང་རྩོམ་ཡིག་དང་གྲངས་རིག་ཤེས་བྱའི་འགྲན་བསྡུར།དེ་མིན་རྩེད་རིགས་སྣ་ཚོགས་ཀྱི་འགྲན་བསྡུར་ནས་ཀྱང་བྱ་དགའ་ཅི་རིགས་བླངས་མྱོང་བའི་ཁར།ཁོ་ལ་རྩོམ་འབྲིའི་རྣམ་དཔྱོད་ཤིན་ཏུ་རྒོད་ལ་དུས་རྒྱུན་འཚོ་བའི་ཁྲོད་ནས་བཅད་རྩོམ་ཚེག་བར་རིང་ཐུང་ཅི་རིགས་སྤེལ་བའི་རྩོམ་ཡིག་བརྩམས་ཆོས་མང་པོ་ཡོད་ལ།ཁོས་བྲིས་པའི་སྙན་རྩོམ་དག་ནི་སྡེབ་ལེགས་ཤིང་སྙན་ཆ་ལྡན་པས་ཀློག་པ་པོའི་ཡིད་དབང་གསོ་ཐུབ་པ་ཞིག་ཡིན་པ་སྨྲས་མ་དགོས་སོ།།ཁོ་མཐོ་འབྲིང་གཉིས་པའི་སྐབས་སུ་ཡིག་གཟུགས་འབྲི་སྦྱོང་ལ་གོམ་པ་ཐོག་དང་པོར་སྤོས་ཤིང་།ད་སྔ་བར་དུ་མི་ལོ་དྲུག་ལྷག་ཕྱིན་འདུག་ལ།ཁོས་དཀའ་བ་ཁྱད་དུ་བསད་ནས་ཡིག་གཟུགས་འབྲི་སྦྱོང་ཐད་གཞན་ལས་ལྷག་པའི་ཉམས་མྱོང་བསྡུ་ལེན་དང་གསོག་འཇོག   ཤོག་ངོས་ཇུས་འགོད་སོགས་རང་ལུགས་སུ་ཆགས་པའི་བརྩམས་ཆོས་མང་པོ་འབྲི་ཅི་ཐུབ་བྱས་ཡོད་པ་ཁོའི་ཡིག་གཟུགས་བརྩམས་ཆོས་དག་ལས་མཐོང་ཐུབ་བོ།།ཁོ་རང་ལས་བསོད་ནམས་དང་ཚེ་སྔོན་གྱི་བསགས་སྦྱོང་བཟང་པོས་སློབ་ཆེན་དུ་ཞུགས་པ་ནས་ངེས་དོན་བོད་ཀྱི་ཡིག་མཁན་ཆེན་མོ་རྒན་སངས་རྒྱས་བཀྲ་ཤིས་ལགས་ཀྱི་མདུན་ནས་བརྒྱུད་ལྡན་བོད་ཀྱི་ཡིག་གཟུགས་རིགས་བཅུ་ཕྲག་གཉིས་ལྷག་ཚད་ལྡན་དུ་སྦྱངས་ཐུབ་པ་བྱུང་།༢༠༡༩ལོར་ཀླུ་ཆུ་རྫོང་བོད་རིགས་སློབ་འབྲིང་ནས་མཐོ་འབྲིང་མཐར་ཕྱིན་ནས་ཀན་སུའུ་མི་རིགས་དགེ་འོས་སློབ་གླིང་དུ་སློབ་གཉེར་གྱི་མགོ་བརྩམ་པ་ནས་བཟུང་།རྒན་སངས་རྒྱས་བཀྲ་ཤིས་ཀྱི་མཛུབ་སྟོན་འོག་དང་ཁོ་རང་གི་བརྩོན་པའི་རྒྱུན་མ་ལྷོད་པའི་འབྲས་རྟགས་སུ“在全国首届“妙墨中华杯”书画大赛中,表现突出,特授予,中国艺坛新秀”称号 !”དང་།“在全国首届“妙墨中华杯”书画大赛中,荣获 书法 组 三等奖”དང་།“在全国首届“妙墨中华杯”书画大赛中,经专家评委会,严格评定,荣获铜奖 ,并授予“书画艺术英才”称号!”དང་།“在藏语系藏文书法协会以“喜迎二十大、青春在行动”为主题的藏文书法大赛中,荣获:楷书体一等奖”དང་། 在藏语系藏文书法协会以“学习与贯彻党的二十大”为主题的藏文书法大赛中荣获:楷书体特等奖”དང་།“被评为甘肃民族师范学院藏语系藏文书法协会2021-2022学年度:优秀干部”དང་།“在藏语系藏文书法协会以“学习与贯彻党的二十大”为主题的藏文,书法大赛中荣获:社团优秀工作人员奖”སོགས་རྒྱལ་ཁབ་རིམ་པ་དང་ཞིང་ཆེན་རིམ་པ།སློབ་གྲྭ་རིམ་པ།སྡེ་ཁག་རིམ་པ་སོགས་ཀྱི་བྱ་དགའ་ཚད་རིམ་མཐོན་པོ་ཅན་བླངས་མྱོང་བ་ལས་ཀྱང་ཁོའི་ཡིག་གཟུགས་འབྲི་སྦྱོང་གི་ཆུ་ཚད་དང་ལོ་དུ་མའི་རིང་གི་རྒྱུན་འཁྱོངས་ཤེས་ཐུབ།ཁོས་སློབ་ཆེན་ལོ་རིམ་གཉིས་པ་ནས་ཀན་སུའུ་དགེ་འོས་མི་རིགས་སློབ་གྲྭ་ཆེན་མོའི་བོད་ཀྱི་ཡིག་གཟུགས་མཐུན་ཚོགས་ཀྱི་ཚོགས་གཙོའི་འགན་ཁུར་ཏེ་སློབ་གྲྭ་ནས་ཡར་སྔོན་སྤེལ་མ་མྱོང་བའི་ཡིག་གཟུགས་འབྲི་སྦྱོང་སྐོར་གྱི་བྱ་འགུལ་སྣ་ཚོགས་སྤེལ་མྱོང་ལ།སློབ་གྲྭའི་ངོས་ཐད་ནས་ཀྱང་ཁོས་ཡིག་གཟུགས་འབྲི་སྦྱོང་ཐད་ལ་བྱས་རྗེས་མི་ཉུང་བ་བཞག་མྱོང་།ཕྱོགས་གཞན་ཞིག་ནས་བལྟས་ན།ཁོ་ནི་རྩོམ་རིག་ལ་དུང་བ་ཆེར་ཡོད་པའི་ན་གཞོན་དམིགས་བསལ་བ་ཞིག་ཡིན་ཏེ།གོང་ནས་བཤད་ཟིན་པ་བཞིན་ཁོ་ནི་བཅད་རྩོམ་འབྲི་བར་ཤིན་ཏུ་དགའ་བའི་ན་གཞོན་རྩོམ་པ་པོ་དང་བོད་ཀྱི་སྲོལ་རྒྱུན་རིག་རྩལ་སྣ་ཚོགས་ལ་འབྲེལ་འདྲིས་གཏིང་ཟབ་བྱེད་ཤེས་པའི་མི་རབས་འདིའི་ཚབ་མཚོན་མི་སྣ་ཞིག་ཏུ་ཆགས་རྒྱུའི་རེ་བ་ཡོད་ལ།ད་ནས་ཅང་མ་འགོར་བར་ཁོའི་བཅད་རྩོམ་སྙན་དེབ་ཐོག་མ་ཁ་བའི་ཁྲོད་ཀྱི་རྐང་རྗེས་ཞེས་པའང་དཔར་བསྐྲུན་ལེགས་པར་གྲུབ་ནས་མི་ཡུལ་དུ་བཀྲམ་ལ་ཉེ་བས།ཁོའི་རྣམ་དཔྱོད་ཀྱི་རྩལ་གྱིས་ཁྱེད་ཅག་སྒྱུ་རྩལ་གྱི་དག་ཞིང་གཞན་ཞིག་ཏུ་ཁྲིད་ངེས་སོ།།   མདོར་ན།ཁོ་ནི་སྣ་གཅིག་ཙམ་མ་ཡིན་པར་ཕྱོགས་མང་པོ་ཞིག་ནས་ཀྱང་མི་སྣ་འཇོན་ཐང་ཅན་ཞིག་ཡིན།        སྤྱིར་སྟག་ཚང་བཀྲ་དོན་ཁོ་ནི་ཁེངས་པ་སྤངས་ཤིང་རང་རློམ་ཆུང་ལ། མི་གཞན་ལ་བརྩི་བཀུར་ཆེ་ཞིང་གྲོགས་ལ་ཕྱི་ཐག་རིང་བའི་མི་བུ་ཞིག་ཡིན་པ་མ་ཟད།ཁ་ཞེ་གཉིས་མེད་ཀྱིས་མི་གཞན་ལ་རོགས་ཅི་ཐུབ་བྱེད་མཁན་གྱི་མི་བུ་ལྷག་བསམ་ཅན་ཞིག་ཡིན་པ་ཀུན་གྱིས་གཅིག་མཚུངས་སུ་སྨྲའོ།།


扎西东智1.jpg



扎西东智2.jpg



扎西东智3.jpg


扎西东智4.jpg



扎西东智5.jpg



扎西东智6.jpg



扎西东智7.jpg



扎西东智8.jpg



扎西东智9.jpg



扎西东智10.jpg



扎西东智11.jpg



扎西东智12.jpg



扎西东智13.jpg



扎西东智14.jpg



扎西东智15.jpg



扎西东智16.jpg



扎西东智17.jpg



扎西东智18.jpg



扎西东智19.jpg



扎西东智20.jpg



扎西东智21.jpg



扎西东智22.jpg



扎西东智23.jpg



扎西东智24.jpg



扎西东智25.jpg



扎西东智26.jpg



扎西东智27.jpg



扎西东智28.jpg



扎西东智29.jpg



扎西东智30.jpg



扎西东智31.jpg



扎西东智32.jpg



扎西东智33.jpg



扎西东智34.jpg



扎西东智35.jpg



扎西东智36.jpg




扎西东智37.jpg



扎西东智38.jpg



扎西东智39.jpg



扎西东智40.jpg



扎西东智41.jpg




扎西东智43.jpg



扎西东智42.jpg