ཀུན་བཟང་ཆོས་འབྱོར།
པིར་མིང་ལ་བསེ་རུར་འབོད་པའི་བོད་ཀྱི་གཞོན་སྐྱེས་ཡིག་གཟུགས་པ་ཀུན་བཟང་ཆོས་འབྱོར་ནི་ཕ་ཡུལ་རྫ་ཆུ་ཁ་སེར་ཤུལ་སྡེ་བ་ནས་སྤྱི་ལོ༡༩༩༧ཟླ་༣ཚེས་༡ཉིན་འབྲོག་ཁྱིམ་དཀྱུས་མ་ཞིག་དུ་ཚེ་སྲོག་གི་མྱུ་གུ་འབུས་ཤིང་། སོར་མོའི་སྒྱུ་རྩལ་གྱི་རིགས་ལ་དགའ་ཞེན་དང་དུང་བ་བླ་ལྷག་ལྡན།
སྤྱི་ལོ༢༠༡༨ལོར་སེར་ཤུལ་ལས་གཉེར་སློབ་གྲྭ་ནས་མཐར་ཕྱིན་ཞིང་ད་ལྟ་སི་ཁྲོན་ཞིང་ཆེན་བོད་ཡིག་སློབ་གྲྭ་རུ་སློབ་གཉེར་བྱེད་བཞིན་མཆིས། དགུན་གནང་སྐབས་དབུས་ཀྱི་ཡིག་མཁན་ཆེན་མོ་རྒན་ཁ་སྤུ་ཅན་གྱི་སྐུ་མདུན་ནས་འཁྱུག་མ་ཚུགས་དང་འཁྱུག་ཡིག རྒན་ཨ་བུ་དྲི་མེད་དབང་ཕྱུག་ལགས་ཀྱི་སྐུ་མདུན་ནས་སྙེ་བྲིས་དང་ལན་ཝར་སོགས་ཀྱི་དཔེ་ཁྲིད་ཐོབ། རྒན་བསྟན་པའི་རྒྱལ་མཚན་གྱི་མདུན་ནས་འབྲུ་ཚ་སོགས་ཀྱི་དཔེ་ཁྲིད་ཐོབ། ད་སྔོན་དཀར་མཛེས་ཁུལ་གྱི་ཡིག་གཟུགས་བྱ་འགུལ་སོགས་སུ་ཞུགས་ལ། དཀར་མཛེས་ཁུལ་གྱི་ཡིག་གཟུགས་འགྲན་བསྡུར་ལས་དབུ་ཅན་དང་མཛེས་རྩལ་ཡིག་གཟུགས་ཀྱི་ཕུལ་བྱུང་བྱ་དགའ་ཐོབ་པ་དང་། སློབ་གྲྭ་སོགས་ཀྱི་ཡིག་གཟུགས་བྱ་འགུལ་ལས་ཕུལ་བྱུང་གི་ཨང་རིམས་སོགས་ཀྱང་ཐོབ་ཡོད། ཉེ་བའི་ཟླ་གཅིག་གི་སྔོན་དུ་གྲོགས་བོད་ཞོགས་དང་མཉམ་འབྲེལ་གྱིས་སེར་ཤུལ་ནས་ཡིག་གཟུགས་སྣ་མང་གི་འགྲེམ་སྟོན་དང་། ན་གཞོན་ཡི་གེ་བ་རྣམས་ཡུལ་ངོས་དེ་ནས་ཡིག་གཟུགས་འགྲན་བསྡུར་གྱི་བྱེད་སྒོ་སྤེལ་བ་ལ་སྡེ་དགོན་ཟུང་གི་བླ་ཆེན་མི་གྲགས་སོགས་ནས་དགའ་བསུ་དང་རྒྱབ་སྐྱོར་བླ་མེད་ཐོབ་ཡོད།
|
|
