གསེར་བྲིས་པ་གྲགས་པ་རྒྱ་མཚོ།
ཕྲན་གྱི་མིང་ལ་གྲགས་པ་རྒྱ་མཚོར་འབོད་ཅིང་པིར་མིང་ལ་བྲིས་པ་ཟེར། སྐྱེས་ཡུལ་ནི་རེབ་གོང་མདོ་བ་འབྲོག་ཡིན། ཆུང་དུས་སློབ་ཆུང་མཐར་ཕྱིན། ༢༠༡༣ལོར་པདྨ་ཚུལ་ཁྲིམས་ཤེས་རིག་སྒྱུ་རྩལ་སློབ་གྲྭར་ཞུགས། དེ་གར་ཡིག་གཟུགས་དགེ་རྒན་གྱི་ལས་ཞོར་དུ་རིག་གནས་སློབ་གཉེར་བྱས་ཤིང་། ༢༠༡༧ལོར་སློབ་མཐར་ཕྱིན། ཁྲིན་ཏུའུ་པདྨ་གསེར་བྲིས་གླིང་ནས་ཨ་ལགས་ཚེ་ཏན་ཞབས་དྲུང་མཆོག་གི་དངོས་སློབ་སྒོ་དམར་དགེ་འདུན་དོན་གྲུབ་དང་ཀྲུང་གོ་བོད་ཀྱི་ཡིག་གཟུགས་དྲ་བའི་སྤྱི་གཉེར་བ་བོད་ཀྱི་བྲིས་མཁན་ཆེན་མོ་དགེ་རྒན་རྟ་མགྲིན་མགོན་པོ་གཉིས་དགེ་རྒན་དུ་བསྟེན་ཏེ་ཨ་ལགས་ཚེ་ཏན་ཞབས་དྲུང་ལགས་ཀྱི་བྲིས་རྒྱུན་དང་དྲུང་ཡིག་སྨོན་ལམ་རྒྱ་མཚོའི་བྲིས་རྒྱུན་ལ་སྦྱངས་པ་བྱས་ཤིང་ཞོར་དུ་གསེར་བྲིས་ཀྱང་འབྲི་སྦྱོང་བྱས། པདྨ་རྫོང་བོད་ཡིག་བྱམས་སྐྱོང་སློབ་གླིང་དུ་ལོ་གསུམ་ལ་ཡིག་གཟུགས་དགེ་རྒན་གྱི་བྱ་བ་གཉེར་མྱོང་། ད་ལྟ་རང་ཁྱིམ་བྲིས་ཀྱི་གཞིས་ཀ་རུ་གསེར་བྲིས་དང་ཡིག་གཟུགས་སྣ་ཚོགས་འབྲི་མུས་སུ་མཆིས་སོ།།
|
|
