ཀླུ་ཆུ་རྫོང་གིས་ཡིག་གཟུགས་དང་མཛེས་རིས་འགྲན་སྡུར་གྱི་ཕུལ་བྱུང་བརྩམས་ཆོས་འགྲེམས་སྟོན་མཛད་སྒོ་སྤེལ་བ།
ཀན་སུའུ་ཞིང་ཆེན་ཀན་ལྷོ་ཁུལ་ཀླུ་ཆུ་རྫོང་གི“དུས་རབས་གསར་བར་བསྔགས་བརྗོད་དང་ཚོགས་ཆེན་ཉི་ཤུ་བ་བསུ་བའི·སེ་འབྲུ་བུམ་པ་རྟགས་མའི”ཡིག་གཟུགས་དང་རི་མོའི་འགྲན་སྡུར་གྱི་བྱ་དགའ་སྟེར་བ་དང་ཡིག་གཟུགས་བརྩམས་ཆོས་ཀྱི་འགྲེམ་སྟོན་མཛད་སྒོ་དེ་༢༠༢༢ལོའི་ཟླ་༡༠ཚེས་༧ཉིན་གྱི་ཞོགས་པར་རྫོང་རིག་གནས་ཐོག་ཁང་ནས་སྤེལ།
རྫོང་ཨུའི་དྲིལ་བསྒྲགས་པུའུ་ཡི་པུའུ་ཀྲང་ལིས་ཡེན་ཧན་གྱིས་མདོ་འཛིན་མཛད་པ།
ཐེངས་འདིའི་བྱ་འགུལ་ལ་རྫོང་ཨུ་དང་རྫོང་སྲིད་གཞུང་གི་ཡང་དག་པའི་འགོ་ཁྲིད་དང་། རྫོང་ཨུའི་དྲིལ་བསྒྲགས་པུའུ། རྫོང་རིག་གནས་ལུས་རྩལ་རྒྱང་སྒྲོག་བརྙན་འཕྲིན་དང་ཡུལ་སྐོར་ཅུས། རྫོང་བུད་མེད་མཉམ་འབྲེལ་ལྷན་ཚོགས། རྫོང་སློབ་གསོ་ཚན་རིག་ཅུས། རྫོང་རིག་གནས་ཁང་། རྫོང་དཔེ་མཛོད་ཁང་། རྫོང་རྩོམ་རིག་མཉམ་འབྲེལ་ལྷན་ཚོགས་སོགས་ཀྱི་ཤུགས་ཆེན་རྒྱབ་སྐྱོར་འོག རྫོང་མཛེས་རྩལ་དང་ཡིག་མཁན་མཐུན་ཚོགས་སོགས་ཀྱིས་ད་ལོའི་ཟླ་༩པ་ནས་བཟུང་ཇུས་འགོད་གྲ་སྒྲིག་ཞིབ་ཚགས་དང་། དྲ་ལམ་བརྡ་ཁྱབ་འགྲེམ་བསྒྲགས་ཀྱི་ཁྲོད་ནས་བྱ་འགུལ་གྱི་སྒོ་མོ་ཕྱེ།
ཀླུ་ཆུ་རྫོང་མཛེས་རྩལ་ཡིག་མཁན་མཐུན་ཚོགས་ཀྱི་ཀྲུའུ་ཞི་རྟ་མགྲིན་མགོན་པོས་ཐེངས་འདིའི་ཡིག་གཟུགས་དང་རི་མོའི་སྒྱུ་རྩལ་བརྩམས་ཆོས་འགྲན་བསྡུར་གྱི་གནས་ཚུལ་མཚམས་སྦྱོར་བྱེད་བཞིན་པ།
ཐེངས་འདིའི་འགྲན་སྡུར་ནང་བརྩམས་ཆོས་ཀྱི་ཡིག་གཟུགས་ལ་བོད་ཡིག་ཡིག་གཟུགས་དང་། རྒྱ་ཡིག་ཡིག་གཟུགས། རི་མོ་དང་ཐང་ག་བཅས་རིགས་གསུམ་ཡོད། འགྲན་ཞུགས་པའི་ཆ་ནས་སློབ་ཆུང་ཚོགས་ཆུང་དང་། དམའ་རིམ་སློབ་འབྲིང་ཚོགས་ཆུང་། མཐོ་རིམ་སློབ་འབྲིང་ཚོགས་ཆུང་། སྤྱི་ཚོགས་ན་གཞོན་ཚོགས་ཆུང་སོགས་ཚོགས་ཆུང་བཞི་ཡོད། རྒྱ་ཆེའི་སློབ་གྲྭ་འབྲིང་ཆུང་གི་སློབ་མ་དང་། སྤྱི་ཚོགས་ལས་རིགས་ཁག་གི་རིག་རྩལ་དགའ་ཞེན་པ། ཀླུ་ཆུ་རྫོང་མཛེས་རྩལ་དང་ཡིག་མཁན་མཐུན་ཚོགས་ཀྱི་ཁོངས་མི་བཅས་ཀྱི་ཧུར་ཐག་ཟབ་ཞུགས་བརྒྱུད་ཁྱོན་སྡོམ་བརྩམས་ཆོས་ཁྱོན་༤༣༠འབྱོར་ཡོད། དེའི་ཁྲོད་དུ་སློབ་གྲྭ་ཆུང་འབྲིང་གི་སློབ་མའི་བོད་ཡིག་ཡིག་གཟུགས་༣༥༦ཡོད་པ་དང་། རྒྱ་ཡིག་ཡིག་གཟུགས་༣༤། རི་མོ་དང་ཐང་ག་༤༠། བོད་རྒྱ་ཡིག་གཟུགས་ཀྱི་གདན་ཞུའི་བརྩམས་ཆོས་༢༥བཅས་ཚུད་ཡོད།
རྫོང་དཔོན་གཞོན་པ་གཉན་ཕྲུག་ལགས་ཀྱིས་འགྲན་བསྡུར་ཆེན་མོའི་བྱ་དགའ་ཐོབ་མཁན་གྱི་མིང་ཐོ་སྒྲོག་འདོན་བྱེད་བཞིན་པ།
ཀླུ་ཆུ་རྫོང་མཛེས་རྩལ་དང་ཡིག་མཁན་མཐུན་ཚོགས་ཀྱིས“འདྲ་མཉམ། གཟུར་གནས། ཡོངས་བསྒྲགས”བཅས་ཀྱི་རྩ་དོན་བརྒྱུད་དེ་ཕུལ་བྱུང་ཡིག་གཟུགས་བརྩམས་ཆོས་༡༡༢དང་། རི་མོ་དང་ཐང་གའི་ཕུལ་བྱུང་བརྩམས་ཆོས་༣༠བཅས་ལ་བྱ་དགའ་བྱིན།
རྫོང་ཨུ་ཧྲུའུ་ཅི་ཡོའུ་ཝུན་ཕེན་གྱིས་གསུངས་བཤད་གནང་བཞིན་པ།
བརྩམས་ཆོས་འདི་དག་གི་ནང་དུ་ཀྲུང་གོའི་སྙིང་སྟོབས་དང་། ཀྲུང་གོའི་རིན་ཐང་། ཀྲུང་གོའི་སྟོབས་ཤུགས་བཅས་ལ་རྒྱས་བཤད་གང་ལེགས་བྱས་ཡོད་ཅིང་། ཀླུ་ཆུ་རྫོང་གི་སློབ་གྲྭ་འབྲིང་ཆུང་གི་སློབ་མ་དང་། སྤྱི་ཚོགས་ཀྱི་ན་གཞོན་མི་སྣས་ནམ་ཡང་ཏང་གི་བཀའ་ལ་ཉན་པ། བློ་གཅིག་སེམས་གཅིག་གིས་ཏང་གི་རྗེས་སུ་འབྲང་བའི་བློ་བརྟན་འགྱུར་མེད་ཀྱི་དད་སེམས་དང་བློ་དཀར་སེམས་དཀར་གྱི་ཐོག་མའི་བསམ་འདུན་གང་ལེགས་མཚོན་པ་དང་། ཀླུ་ཆུ་རྫོང་གི་རྒྱ་ཆེའི་ལས་བྱེད་པ་དང་མི་དམངས་མང་ཚོགས། སྤྱི་ཚོགས་ལས་རིགས་ཁག་གི་མི་སྣས་བློ་གཅིག་སེམས་གཅིག་གིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བཙུགས་ནས་ལོ་འཁོར་༧༣འཁོར་བར་རྟེན་འབྲེལ་དང་། ཏང་གི་ཚོགས་ཆེན་ཉི་ཤུ་པར་བསུ་མ་ཞུ་བའི་སྤྲོ་སྣང་མངོན་པར་མཚོན་ཡོད་པས་དུས་རབས་ཀྱི་ཉམས་འགྱུར་ཟབ་མོ་དང་སྒྱུ་རྩལ་གྱི་རིན་ཐང་ཅུང་མཐོན་པོ་ཞིག་ལྡན་ཡོད།
བྱ་དགའ་སྤྲོད་པའི་གོ་རིམ་མཚོན་ཙམ།
བྱེད་སྒོའི་ཡུལ་དངོས་པར་རིས།
སློབ་མ་རྣམས་ཀྱིས་ཡུལ་དངོས་ནས་ཡིག་གཟུགས་འབྲི་བཞིན་པ།
སློབ་མ་རྣམས་ཀྱིས་ཡུལ་དངོས་ནས་ཡིག་གཟུགས་འབྲི་བཞིན་པ།
སློབ་མ་རྣམས་ཀྱིས་ཡུལ་དངོས་ནས་ཡིག་གཟུགས་འབྲི་བཞིན་པ།
ཡུལ་དངོས་འགྲེམ་ལ་ལྟ་བཞིན་པའི་དགེ་སློབ།
མཐུན་ཚོགས་ཀྱི་ཀྲུའུ་ཞི་གཞོན་པའམ་ཡིག་མཁན་བཀྲ་ཤིས་དོན་གྲུབ་ཀྱིས་བྲིས་རྩལ་ངོམ་པ་དང་ཡིག་གྲོགས་ཚོ་དང་མཉམ་དུ་ཞིབ་བརྗོད་བྱེད་བཞིན་པ།
སྔར་རྫོང་དམངས་ཆེན་གྱི་ཀྲུའུ་རེན་གཞོན་པའམ་ཡིག་མཁན་མཐུན་ཚོགས་ཀྱི་ཚོགས་མི་མགོན་པོ་དབང་འདུ་ནས་ཕྱག་བྲིས་གནང་བཞིན་པ།
རི་མོའི་སྒྱུ་རྩལ་ལ་འཐིམས་པའི་སློབ་མ།
ཡུལ་དངོས་མཉམ་བྲིས་བརྩམས་ཆོས་དང་སོ་སོའི་ཡིག་འབྲི་བའི་མཉམ་པར།
བྱ་དགའི་མིང་ཐོ་ཀུན་གསལ་རེའུ་མིག
ཡུལ་དངོས་བཅར་འདྲིའི་བརྙན་ཐུང་།
འགྲེམ་སྟོན་ལ་བྱོན་པའི་ལས་བྱེད་པར་ཡུལ་དངོས་ནས་བཅར་འདྲི་བྱས་པ།
བྱ་དགའ་ཐོབ་མཁན་ལ་ཡུལ་དངོས་བཅར་འདྲི་བྱས་པ།
ཡུལ་དངོས་ནས་བྲིས་རྩལ་ངོམས་པའི་སློབ་མ་ལ་བཅར་འདྲི་བྱས་པ།
ཡུལ་དངོས་ནས་བྲིས་རྩལ་ངོམས་པའི་སློབ་མ་ལ་བཅར་འདྲི་བྱས་པ།
ཡུལ་དངོས་ནས་བྲིས་རྩལ་ངོམས་པའི་སློབ་མ་ལ་བཅར་འདྲི་བྱས་པ།
འགྲན་ཞུགས་སློབ་གྲྭ་ཁག་གིས་ཐེངས་འདིའི་བྱ་འགུལ་ཁྲོད་བྱ་དགའ་ཐོབ་མཁན་གྱི་སློབ་མ་རྣམས་སོ་སོའི་སློབ་གྲྭར་ཕྱིར་སོང་ནས་སློབ་གྲྭའི་དགེ་སློབ་ཡོངས་ཀྱི་ཁྲོད་ནས་བྱ་དགའི་ཡིག་ཆ་སྒྲོག་འདོན་དང་། དཔང་ཡིག་དང་བྱ་དགའི་མ་དངུལ། བྱ་དགའི་དངོས་པོ་སོགས་བྱིན་ནས་རྟེན་འབྲེལ་ཞུས་པའི་གནས་ཚུལ་ཁག་ཅིག
རྫོང་བོད་རིགས་སློབ་ཆུང་གིས་སློབ་གྲྭའི་དགེ་སློབ་ཡོངས་ཀྱི་ཁྲོད་ནས་བྱ་དགའ་གནང་བཞིན་པ།
རྫོང་བོད་རིགས་སློབ་འབྲིང་གིས་སློབ་གྲྭའི་དགེ་སློབ་ཡོངས་ཀྱི་ཁྲོད་ནས་བྱ་དགའ་གནང་བཞིན་པ།
རྫོང་བོད་རིགས་སློབ་འབྲིང་གིས་སློབ་གྲྭའི་དགེ་སློབ་ཡོངས་ཀྱི་ཁྲོད་ནས་བྱ་དགའ་གནང་བཞིན་པ།
རྫོང་བོད་རིགས་སློབ་འབྲིང་གིས་སློབ་གྲྭའི་དགེ་སློབ་ཡོངས་ཀྱི་ཁྲོད་ནས་བྱ་དགའ་གནང་བཞིན་པ།
རྫོང་བོད་རིགས་སློབ་འབྲིང་གིས་སློབ་གྲྭའི་དགེ་སློབ་ཡོངས་ཀྱི་ཁྲོད་ནས་བྱ་དགའ་གནང་བཞིན་པ།
མ་ངེ་སློབ་ཆུང་གིས་སློབ་གྲྭའི་དགེ་སློབ་ཡོངས་ཀྱི་ཁྲོད་ནས་བྱ་དགའ་གནང་བཞིན་པ།
རྫོང་རིམ་པའི་མགོ་ཁྲིད་དང་ཐེངས་འདིའི་བྱ་དགའ་ཐོབ་མཁན་སློབ་མ་ཡོངས་དང་ལྷན་དུ་མཉམ་པར་བརྒྱབ་ནས་རྟེན་འབྲེལ་ཞུས་པ།
ཐེངས་འདིའི་བྱ་འགུལ་ཁྲོད་བྱ་དགའ་ཐོབ་པའི་བརྩམས་ཆོས་ཁག་མཚོན་ཙམ་བཀོད་པ།
|
|
