མཛེས་པའི་ཡི་གེའི་མཆོད་པ་འདི། ཚོགས་ཆེན་ཉི་ཤུའི་རྟེན་དུ་ཕུལ་ཞེས་པའི་ཡིག་གཟུགས་བྱེད་སྒོ།
བོད་ཀྱི་ཡིག་གཟུགས་དུས་ཆེན་ལ་ཕུལ་བའི་ལེགས་སྐྱེས་སྤེལ་ཐེངས་སུམ་ཅུ་བ།
བོད་ལྗོངས་ལྷོ་ཁ་གྲ་ནང་རྫོང་དཀྱིལ་རུ་སློབ་ཆུང་གི་“མཛེས་པའི་ཡི་གེའི་མཆོད་པ་འདི། ཚོགས་ཆེན་ཉི་ཤུའི་རྟེན་དུ་ཕུལ”ཞེས་པའི་བརྗོད་དོན་གྱི་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་བསུ་བའི་བྱེད་ཟླ་༤བའི་ཚེས་༢༩ཉིན་སློབ་གྲྭའི་ལུས་རྩལ་ཐང་དུ་སྤེལ།
བོད་ཀྱི་ཡིག་གཟུགས་རིག་གནས་ནི་ཀྲུང་ཧྭ་མི་རིགས་རིག་གནས་བང་མཛོད་ནང་གི་འོད་འཚེར་བའི་ནོར་བུ་དགོས་འདོད་ཀུན་འབྱུང་ཞིག་ཡིན་པས་ང་ཚོས་ཆུང་དུས་ནས་ནོར་བུ་རྩ་ཆེན་དེ་ལ་གཅེས་སྤྲས་ལེགས་པོ་བྱས་ནས་རིག་གནས་འདི་རྒྱུན་བསྲིང་བྱེད་ཐུབ་པ་ཞིག་ཡོང་ཆེད། ངེད་སློབ་གྲྭས་ཏང་གི་ཚོགས་ཆེན་ཉི་ཤུ་འཛུམ་གྱིས་བསུ་བ་དང་སྐབས་དྲུག་པའི་ཀྲུང་གོའི་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་གྱི་གོ་སྐབས་དང་བསྟུན་ནས་ཡིག་གཟུགས་འགྲན་བསྡུར་བྱེད་སྒོ་འདི་སྤེལ་པ་ཡིན།
སློབ་སྤྱི་སྐལ་བཟང་རྒྱ་མཚོ་དང་ཚོགས་གཙོ་ཕུན་ཚོགས་ནས་གཏམ་བཤད་གནང་བ།
རྟེན་འབྲེལ་གྱི་སྒོར་གཞས་འཁྲབ་སྟོན།
ཡི་གེའི་དཀའ་གནད་གསལ་འགྲེལ་གནང་བཞིན་པ།
བོད་ཡིག་སློབ་དཔྱོད་ཚོགས་ཆུང་གི་ཚོགས་མི་ཡོངས་ནས་སློབ་མའི་ཁྲོད་དུ་ཡིག་གཟུགས་མཛུབ་ཁྲིད་བྱེད་བཞིན་པ།
ཕུལ་བྱུང་བརྩམས་བྱ་འགྲེམ་སྤེལ་དང་བྱ་དགའ་སྤྲོད་པ།
ཐེངས་འདིའི་ཡིག་གཟུགས་འགྲན་སྡུར་གྱི་བྱེད་སྒོ་སྤེལ་བ་བརྒྱུད་གཅིག་ནས་སློབ་མས་ཡིག་གཟུགས་སྦྱོང་བའི་དགོས་པ་དང་དེའི་ཕན་ཡོན་རྟོགས་པ། གཉིས་ནས་སློབ་མའི་སློབ་གསེང་གི་འཚོ་བར་སྤྲོ་སྣང་གསར་པ་ཞིག་སྦྱིན་ཡོད་ལ། སློབ་མས་སྔར་ལས་ལྷག་པའི་སྒོ་ནས་བོད་ཡིག་ཡིག་གཟུགས་ལ་དགའ་ཞེན་དང་ཡིག་གཟུགས་སྦྱོང་འདོད་ཀྱི་བསམ་པ་སྐྱེད་སྲིང་ཐུབ་པ་དང་། ཕྱོགས་མཚུངས་སློབ་མའི་སློབ་སྦྱོང་གི་རང་འགུལ་རང་བཞིན་ལ་སྐུལ་འདེད་གཏོང་རྒྱུར་ཕན་འབྲས་ཆེན་པོ་ཐོན་ཡོད། སླད་མ་འོངས་ཀྱི་དུས་ཚོད་ནང་ང་ཚོ་དགེ་སློབ་རྣམ་པས་བོད་ཀྱི་བཟོ་རིག་པའི་ཁོངས་སུ་གཏོགས་པའི་རྨད་བྱུང་ཡིག་གཟུགས་སྒྱུ་རྩལ་དེར་དེ་བས་འབད་བརྩོན་གནང་ནས་ངེད་སློབ་གྲྭའི་ཡིག་གཟུགས་འབྲི་སྲོལ་གྱི་གོམས་གཤིས་བཟང་པོ་དེ་ཡར་ངོའི་ཟླ་ལྟར་འཕེལ་བ་དང་རིག་གནས་ཀྱི་གདེང་ཚོད་མཐོར་འདེགས་ཡོང་བ་བྱ་རྒྱུ།
|
|
