སྦྲ་ཆེན་སྦྱིན་པས་བོད་ཀྱི་ཡིག་གཟུགས་དུས་ཆེན་ལ་ཕུལ་བའི་ལེགས་སྐྱེས།
བོད་ཀྱི་ཡིག་གཟུགས་དུས་ཆེན་ལ་ཕུལ་བའི་ལེགས་སྐྱེས་བཅོ་ལྔ་བ།
སྦྲ་ཆེན་སྦྱིན་པའམ་སྦྱིན་པ་འབྱུང་གནས་ནི༡༩༧༨་ལོར་སྦྲ་ཆེན་བྱ་མང་སྡེ་བ་རུ་ལྷན་སྐྱེས་དཀར་ཟས་བ་ཞིག་ཏུ་སྐྱེས།ལོ་ངོ་བདུན་གྱི་ཐོག་ནས་སྐྱེད་བྱེད་ཀྱི་ཡབ་དམ་པ་དང་ཞང་པོ་མཁས་དབང་ཨུར་བླ་ཚུལ་ཁྲིམས་རྒྱལ་མཚན་དབུ་བླ་ཉི་མ་བློ་གྲོས་དགེ་རྒྱས་མཚམས་པ་བཅས་ཀྱི་དྲུང་ནས་ཡིག་གཟུགས་དང་རི་མོ་གཏོར་བཟོ་མར་རྒྱན་ཆོ་ག་ཕྱག་ལེན་ཐིག་རྡུལ་ཚོན་སོགས་སྦྱངས། ལོ་ངོ་བཅུ་གསུམ་ཐོག་ལུང་དཀར་བཤད་གྲྭ་རུ་ཞུགས་ནས་དཔོན་སློབ་མཁས་དབང་དྲང་སྲོང་གཡུང་དྲུང་མཆོག་དང་ཁུ་བོ་རྒན་གཤེན་བསྟན་ལྷུན་འགྲུབ་རྣམ་པ་གཉིས་ཀྱི་མདུན་ནས་མདོ་སྔགས་སེམས་གསུམ་གྱི་གཞུང་དང་ཐུན་མོང་རིག་གནས་སྣ་ཚོགས་ཡིག་གཟུགས་ལ་སྦྱངས་པ་མི་དམན་པ་མཛད་ནས་སྣ་བརྒྱའི་ཡིག་གཟུགས་ལ་བྱན་ཆུབ་པར་གྱུར།༢༠༡༩་ལོར་རྒྱང་མིག་སྤྱི་སྟེགས་ཀྱིས་གཉེར་བའི་མདོ་དབུས་ཁམས་གསུམ་གྱི་དྲྭ་ཐོག་ཡིག་གཟུགས་འགྲན་བསྡུར་ནང་ཨང་དང་པོའི་བྱ་དགའ་ཐོབ་པ་བཅས་སྔ་རྗེས་སུ་གཟེངས་བསྟོད་ལན་མང་ཐོབ། ༢༠༢༠་ལོར་དགུན་དུས་སུ་སྦྲ་ཆེན་ཞང་ཞུང་ཡིག་གཟུགས་འགྲན་བསྡུར་ཆེན་མོའི་དཔྱད་འདེམས་པ་བྱས།༢༠༢༡་ལོར་བཙན་པོའི་མ་ཡིག་ཚང་དྲྭ་ལམ་ཡིག་གཟུགས་འགྲན་བསྡུར་ཆེན་མོའི་གདན་ཞུས་དཔྱད་འདེམས་པ་བྱས།༢༠༢༡ལོར་ཀྲུང་གོ་བོད་ཀྱི་ཡིག་གཟུགས་དྲ་བའི་ཐོན་མིའི་ཡིག་རྒྱུན་སྐབས་གཉིས་པའི་རྒྱལ་ཡོངས་་བོད་ཀྱི་ཡིག་གཟུགས་འགྲན་བསྡུར་ཁྲོད་ནས་ཨང་གསུམ་པའི་བྱ་དགའ་ཐོབ།༢༠༢༢ཀྲུང་གོའི་ཡིག་གཟུགས་སྒྱུ་རྩལ་མཁས་པའི་མཐུས་ཚོགས་ཀྱིས་ཀྲུང་གོའི་ཡིག་གཟུགས་རིག་གནས་དར་སྤེལ་ཐད་བྱས་རྗེས་གཟེངས་སུ་ཐོན་པའི་མི་སྣ་རུ་བདམས་པའི་གཟི་བརྗིད་དཔང་ཡིག་ཐོབ། ཀྲུང་གོ་ཡིག་གཟུགས་སྒྱུ་རྩལ་མཁས་པའི་མཐུས་ཚོགས་ཀྱི་ཚོགས་མི་དང་སྦྲ་ཆེན་ཡེ་སྟོད་སྲོལ་རྒྱུན་རིག་སློབ་གླིང་གི་དགེ་རྒན་ལུང་དཀར་ལྔ་རིག་ནོར་བུའི་སློབ་གླིང་གི་གདན་ཞུས་དགེ་རྒན་བཅས་ཡིན།
|
|
