དཀར་མཛེས་རྫོང་བོད་རྒྱ་ཡིག་གཟུགས་མཐུན་ཚོགས་ཀྱིས་ལོ་འཁོར་བྱ་བར་ཕྱོགས་བསྡོམས་བྱེད་པའི་ཚོགས་འདུ་བསྡུས།
ཟླ་༡ཚེས་༡༣ཉིན་གྱི་ཕྱི་དྲོ་དཔག་བསམ་དོན་གྲུབ་ཡིག་གཟུགས་ལས་དོན་ཁང་གིས་དཀར་མཛེས་རྫོང་བོད་རྒྱ་ཡིག་གཟུགས་མཐུན་ཚོགས་ཀྱི་ལོ་འཁོར་བྱ་བར་ཕྱོགས་བསྡོམས་བྱེད་པའི་ཚོགས་འདུ་བསྡུས། ཚོགས་འདུ་སྟེང་དམངས་ཁྲོད་སྒྱུ་རྩལ་མཐུན་ཚོགས་ཀྱི་གྲ་སྒྲིག་བྱ་བ། བོད་རྒྱ་ཡིག་གཟུགས་སྤེལ་རེས་དང་བློ་འདྲིའི་མཐུན་ཚོགས་ཀྱི་ལས་དོན་བཀོད་སྒྲིག རིག་གཞུང་ཞིབ་འཇུག་བགྲོ་གླེང་སོགས་གཞི་གཅིག་ཏུ་སྤེལ། རྫོང་ཨུའི་དྲིལ་བསྒྲགས་པུའུ་དང་།རྫོང་ཨུའི་གུང་གཞོན་སྡེ་ཚོགས། རྫོང་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་སོགས་སྡེ་ཚན་གྱི་འགན་འཁུར་བ། དམངས་ཁྲོད་སྒྱུ་རྩལ་རྒྱུན་འཛིན་པའི་གདན་ཞུའི་སྐུ་ཚབ་པ་སོགས་ཚོགས་ཞུགས་མཛད་པ་མ་ཟད། སོ་སོས་རང་ཐད་ནས་གཏམ་བཤད་གནང་།
བྱེད་སྒོའི་ཁྲོད་དུ། རྫོང་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་སོགས་སྡེ་ཚན་གྱིས་ཐེངས་འདིའི་ཚོགས་འདུར་ཞུགས་པའི་སྤྲོ་སྣང་དང་ཡིད་འགུལ་ཐེབས་པའི་རྣམ་འགྱུར་བསྟན་པ་དང་། ན་གཞོན་ཤེས་ལྡན་མི་སྣས་བོད་མི་རིགས་ཀྱི་རིག་གནས་རྒྱུན་འཛིན་བྱ་རྒྱུར་སྤོབས་པ་ཆེར་སྐྱེད་གནང་དགོས་བའི་རེ་བ་དང་སྨོན་འདུན་མཚོན་ཡོད་པ་མ་ཟད། ཚང་མས་བོད་ཀྱི་རིག་གནས་དང་ཁམས་ཁུལ་གྱི་རིག་གནས་དར་རྒྱས་གོང་འཕེལ་གཏོང་རྒྱུའི་སྐོར་ལ་ཐུགས་རེ་ནན་པོ་གནང་བ་རེད།
དགེ་རྒན་དཔག་བསམ་དོན་གྲུབ་ཀྱིས་མཐུན་ཚོགས་ཀྱི་འཕེལ་རྒྱས་རྒྱུད་རིམ་སྐོར་ངོ་སྤྲོད་ཞིབ་ཕྲ་བྱས་པ་མ་ཟད། མཐུན་ཚོགས་ལ་རོགས་རམ་གནང་མཁན་གྱི་དགེ་རྒན་རྣམས་ལ་ཐུགས་རྗེ་ཆེ་ཞུས། ལོ་འདིའི་ལས་ཀའི་ནང་དོན་དང་ལས་ཀའི་གྲུབ་འབྲས་ཕྱོགས་སྡོམ་བྱས་ནས་༢༠༢༢ལོའི་དཀར་མཛེས་རྫོང་གི་བོད་རྒྱ་ཡིག་གཟུགས་བློ་འདྲིའི་མཐུན་ཚོགས་སྐོར་གྱི་བྱ་བའི་འཆར་འགོད་ངོ་སྤྲོད་ཞིབ་ཕྲ་བྱས། དེ་དང་ཆབས་ཅིག་རྫོང་དམངས་ཁྲོད་སྒྱུ་རྩལ་རྒྱུན་འཛིན་པའི་སྐུ་ཚབ་པས་མཐུན་ཚོགས་བཙུགས་ཚུན་རིང་ལ་ཁོང་ཚོར་རོགས་རམ་དང་རྒྱབ་སྐྱོར་གནང་མཁན་གྱི་འགོ་ཁྲིད་དང་སྡེ་ཚན་ཁག་ལ་ཐུགས་རྗེ་ཆེ་ཞུས། བྱེད་སྒོའི་ཁྲོད་དུ་ཚོགས་མི་ཚོས་བོད་ཡིག་ཡིག་གཟུགས་ཀྱི་ལམ་ནས་ལོ་གསར་ལ་སྨོན་འདུན་ཞུ་བའི་ཤིས་ཚིག་བྲིས།
ད་ཐེངས་ཀྱི་བྱེད་སྒོ་ནི་སྲོལ་རྒྱུན་རིག་གནས་དང་མི་རིགས་རིག་གནས་རྒྱུན་འཛིན་དར་སྤེལ་ལ་ཤུགས་སྣོན་རྒྱག་པ་དང། སྙིག་དོར་བཅུད་ལེན་གྱི་བྱེད་ཕྱོགས་རྒྱུན་འཁྱོངས་གནང་ནས་རང་རྫོང་རིག་གནས་ཡུལ་སྐོར་བྱ་བར་དཀར་མཛེས་ཀྱི་སྟོན་ཤུགས་དང་ནུས་པ་གསར་པ་སྣོན་དགོས་ཞེས་གསུངས། བྱེད་སྒོ་དེ་རྫོང་ཨུད་དྲིལ་བསྒྲགས་པུའུ་དང་།རྫོང་ཨུའི་གུང་གཞོན་སྡེ་ཚོགས།རྫོང་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་བཅས་ཀྱི་མཛུབ་ཁྲིད་དང་ཆེད་ལས་མཁས་པ། དགེ་རྒན་དང་སྒྱུ་རྩལ་པ་བཅས་ཀྱི་ཐུགས་ཁུར་རྒྱབ་སྐྱོར་འོག་མཇུག་འགྲིལ།
རྩོམ་ཁུངས། དཀར་མཛེས་རྗོང་ཨུའི་དྲིལ་བསྒྲགས་པུའུ་འཕྲིན་སྟེགས། གསར་འགོད་པ།གོ་ཧྲན། ཡིག་བསྒྱུར།ཧེ་རམ་པ། རྩོམ་སྒྲིག་པ། ཧེ་རམ་པ།
|
|
