སྐྱེ་དགོན་རྡོ་བྲིས་པ་དོན་འགྲུབ་ཚེ་རིང་།
སྐྱེ་དགོན་རྡོ་བྲིས་པ་དོན་འགྲུབ་ཚེ་རིང་ནི་སྤྱི་ལོ་༡༩༧༧ལོར་སྒ་སྐྱེ་དགུ་མདོར་སྐྱེས། ད་ལྟ་ཡུལ་ཤུལ་ཁུལ་དང་གྲོང་ཁྱེར་རིམ་པའི་བོད་ཀྱི་ཡིག་གཟུགས་ཀྱི་གཟུགས་མེད་རིག་གནས་ཤུལ་བཞག་གི་རྒྱུད་འཛིན་པ་ཡིན།
སྐྱེ་དགུ་རྡོ་བྲིས་པ་དོན་འགྲུབ་ཚེ་རིང་གི་ཡིག་གཟུགས་བྲིས་རྒྱུན་ནི། སྐྱེ་དགོན་མཁན་ཀུན་དགའ་བཟང་པོས་སྡེ་དགེའི་སྡེབ་བྲིས་གསར་མ་དེ་ཉིད། བླ་མ་དམ་པ་དིས་ཆུང་བློ་ཆོས་རིན་པོ་ཆེ་ཉག་གཅིག་ལ་བསྟེན་ནས་སྦྱངས་པའི་ཁུངས་ལྡན་གྱི་རྒྱུད་པ་གང་དེ། མཁན་ཀུན་དགའ་བཟང་པོ་ལས་དོན་འགྲུབ་ཚེ་རིང་གིས་དངོས་སུ་བྲིས་རྒྱུན་ཐོབ་པ་ཡིན་ལ། ད་སྔོན་ལོ་ངོ་སུམ་ཅུ་ཙམ་ལ་བྲིས་རྒྱུན་དེ་ཉིད་རྒྱུད་འཛིན་བྱས་ཏེ། ཡིག་གཟུགས་ཀྱི་ལས་རིགས་གོང་འཕེལ་གཏོང་ཆེད། ཡིག་གཟུགས་རིག་གནས་དར་སྤེལ་གྱི་མཐུན་གཉེར་ཁང་ཞིག་ཐོ་འགོད་ལེགས་གྲུབ་བྱུང་ཞིང་། གཞན་ཡུལ་ཤུལ་ཁུལ་དངོས་མང་བཤམ་སྟོན་ཁང་། བརྒྱད་གཅིག་ལས་རིགས་ལག་རྩལ་སློབ་གྲྭ། ཡུལ་ཤུལ་ཁུལ་ནང་བསྟན་སློབ་གྲྭ།
ཡུལ་ཤུལ་ཁུལ་དང་ཡུལ་ཤུལ་གྲོང་ཁྱེར་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས། རྨ་ལྷོ་ཁུལ་བཤམ་སྟོན་ཁང་སོགས་སུ་ཁོང་གི་བྲིས་གཟུགས་ཉར་ཚགས་བྱས་ཤིང་། ཞིང་ཆེན་ཕྱི་ནང་གི་ཁུལ་དང་རྫོང་རིམ་པ་སོ་སོས་གནང་བའི་གཟེངས་རྟགས་བསྡོམས་པས་ཉི་ཤུ་ཙམ་ཐོབ། ཐེན་ཅིན་རོང་ཁྲེང་ཚོགས་པའི天津荣程集团མི་རིགས་ང་དྲུག་གི་བཤམ་སྟོན་ཁང་དུ་ཁོང་གི་བྲིས་གཟུགས་ཉར་ཚགས་བྱས་པ་དང་། བཤམ་སྟོན་ཁང་གི་སྒོ་བྱང་ང་དྲུག་གི་ཡིག་གཟུགས་འབྲི་མཁན་དུ་བདམས་ཤིང་། ཨ་ཆེན་གངས་རྒྱབ་ཁོར་ཡུག་སྲུང་སྐྱོབ་ཚོགས་པའི་ཡིག་མཁན་དུའང་བསྐོས། སྔ་ཕྱི་སྒྱུ་རྩལ་དུས་དེབ《WM财富顾问》2016ལོའི་དེབ་ལྔ་པ་དང་།2017ལོའི་དེབ་ལྔ་པ་སོགས་སུ་ཁོང་གི་སྒྱུ་རྩལ་ལས་དོན་སྐོར་གྱི་གནས་ཚུལ་བཀོད། 2018ལོའི་ཡུལ་ཤུལ་དངོས་མིན་རིག་གནས་ཤུལ་བཞགས་གྲལ་དུ་གདམས་ཡོད།
2020ལོའི་མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པའི་ཚོགས་མི་རུ་ཞུགས། 2021ལོའི་རྒྱ་ཡོངས་ཡིག་གཟུགས་དགེ་རྒན་ལག་ཁྱེར་གནང་། སྒ་སྐྱེ་དགོན་དོན་འགྲུབ་གླིང་གི་དགོས་འདུན་ལྟར། སྐྱེ་དགོན་བྲིས་གཟུགས་བཤམ་སྟོན་ཁང་གི་དབུ་འབྱེད་དང་དོ་དམ་པའི་འགན་གཙོ་བོ་ཡང་བཞེས་ཡོད། ད་ལྟ་ཡུལ་ཤུལ་ཁུལ་རིག་གནས་ཡུལ་སྐོར་རྒྱང་བསྒྲག་བརྙན་འཕྲིན་ཁང་གི་གདན་ཞུས་ལྟར་རྡོ་བྲིས་གཟུགས་མེད་རིག་གནས་སློབ་གྲྭ་ཆེ་ཁག་བཞི་དང་སློབ་མ2750ལྷག་ལ་བོད་ཀྱི་བྲིས་གཟུགས་སློབ་ཁྲིད་བྱེད་བཞིན་ཡོད།
སྐལ་ལྡན་སློབ་བུ་སྐྱོང་བའི་ཚུལ།
ཡིག་གཟུགས་རིག་གནས་འཛིན་སྐྱོང་ལ་གཞོལ་བའི་ཚུལ།
|
|
