བོད་ཀྱི་ལོ་ན་ཆེས་ཆུང་བའི་ཡིག་མཁན་ཆུང་ཆུང་སློབ་མ་ཀུན་བཟང་དབང་མོའི་མཚམས་སྦྱོར་མདོར་བསྡུས།
འགྲེམ་སྟོན་ཁང་གཉིས་པ།
ལོ་ཆུང་བྲིས་མ་སློབ་མ་ཀུན་བཟང་དབང་མོའི་མཚམས་སྦྱོར་མདོར་བསྡུས།
དངོས་མིང་ལ་ཀུན་བཟང་དབང་མོ་དང་སྨྱུག་མིང་ལ་རིག་པའི་སྨྱུག་འཛིན་མ་ཞེས་འབོད། མོ་རང་ནི་སྤྱི་ལོ་༢༠༡༢ལོའ་ཟླ༤ཚེས་༡༦ཉིན་འབྲི་རུ་རྫོང་ཤག་ཆུ་གྲོང་རྡལ་དོ་སྣ་སྨུག་པོའི་གྲོང་ཚོར་ལྟེ་ཁྲག་ས་ལ་འཕོས་ཤིང་ལང་ཚོའི་འདབ་མ་མི་ཡུལ་དུ་བཞད། ཆུང་དུས་ནས་སློབ་སྦྱོང་ལ་ཤིན་ཏུ་དགའ་བའི་བུ་མོ་ཞིག་ཡིན་པ་དང་། དེ་ནས་ལོ་ལྔའི་སྐབས་སུ་ཤག་ཆུ་བུ་བཅོལ་ཁང་དུ་སློབ་གྲྭར་འགྲིམས་ཏེ་བུ་བཅོལ་ནང་གི་ཡིག་གཟུགས་དགེ་རྒན་སྐར་མ་ལྷུན་འགྲུབ་དང་འཕྲད་དེ་ཡིག་གཟུགས་སློབ་པའི་རྒྱུད་རིམ་ཁྲོད་ཡིག་གཟུགས་ཕུལ་བྱུང་གཟེངས་བསྟོད་ལན་མང་ཐོབ།
དེ་ནས་རིམ་བཞིན་དགེ་རྒན་རིག་པའི་རལ་གྲིའམ་༼ ཡིག་མཁན་གཅུང་བསླབ་གསུམ ༽ ་གྱིས་སློབ་ཚན་གཞན་པ་འཁྲིད་ཞོར་དུ་ཁྱིམ་བདག་གིས་བུ་མོ་ལ་ཡིག་གཟུགས་སྦྱོང་རྒྱུའི་རེ་བ་ཤིན་ཏུ་ཆེ་བ་དང་དགེ་རྒན་ཁོང་གིས་ཀྱང་ཡིག་གཟུགས་ཡོད་ཚད་ཆེ་ཆུང་དབུལ་ཕྱུག་གྲགས་ཞན་མེད་པར་ཀུན་ལ་བསླབ་ཐུབ་པ་ཞིག་བྱུང་ན་སྙམ་པའི་སེམས་ཤུགས་དང་གཞན་ལ་ཕན་རེ་ཨེ་ཐོགས་སྙམ་པའི་འདུན་པ་ཤིན་ཏུ་ཆེ་སྟབས། ཁོང་གིས་ཁོམ་སྐབས་དང་བསྟུན་ནས་དངོས་དང་དྲྭ་ཐོག་གང་རུང་ནས་ཡིག་གཟུགས་ཁྱད་སྦྱོང་གི་ལས་འགོ་ཚུགས། ད་ལྟ་ནི་ལོ་རིམ་གསུམ་པར་འགྲེམ་བཞིན་ཡོད། སློབ་མ་ཀུན་བཟང་དབང་མོ་ནི་དུས་དེ་ནས་བཟུང་ཡིག་གཟུགས་ཀྱི་སོར་རྩལ་སྤུས་ལེགས་ཆགས་ནས་སྔ་ཕྱི་ད་གསུམ་དུ་ཡིག་གཟུགས་འགྲན་སྡུར་ནང་བྱ་དགའ་ཐེངས་མང་ཐོབ་པ་མ་ཟད་ད་ལྟ་ཡང་ཡིག་གཟུགས་ལ་དགའ་དད་སྤྲོ་གསུམ་དང་སྦྱོང་བརྩོན་ཤིན་ཏུ་ཆེ་བའི་ཡིག་མཁན་ཆུང་ཆུང་ཞིག་ཆགས་ཡོད། དེ་ནི་དགེ་རྒན་ཞིག་གི་ལྷག་བསམ་ལས་འཁྲུངས་བའི་འབྲས་བཟང་ཞིག་དང་། ཕ་མ་ཟུང་གི་རེ་འདུན་ལས་བལྟམས་པའི་གངས་ལྷ་མེ་ཏོག་དང་། སློབ་མ་ཆུང་ཆུང་ཞིག་གི་མ་འོངས་པའི་འོད་སྟོང་ལྡན་པའི་ལམ་བུ་ཞིག་སྟེ། མིའི་རིགས་ཀྱི་གསོན་ཤུགས་རྒྱས་པའི་སྨྱུག་ཐོག་པའི་གཟི་བརྗིད་དོ།།
|
|
