ཨ་མདོའི་རྨ་ཁུག་དང་པོ། རྒྱལ་ཡོངས་ན་སྙན་གྲགས་འབར་བའི་གནས་མཆོག རྨ་ཁུག་མགོ་
ནོར་བུའི་དགའ་འཁྱིལ་ནས་འཚལ་ལོངས་བྱུང་བའི་བྲིས་པ་
བདེ་གཤེགས་སྐྱབས་ངོ་སྤྲོད།
བདེ་གཤེགས་སྐྱབས། སྤྱི་ལོ་༡༩༦༥ལོའི་ཟླ༣པའི་ཚེས་༡ཉིན་རྨ་ཆུའི་ཆུ་ཁ་མར་སྐྱེས་ཤིང་། སྤྱི་ལོ་༡༩༨༨ལོར་ཀན་སུའུ་ཀྲུང་ལུགས་གསོ་རིག་སློབ་གླིང་བོད་སྨན་སྡེ་ཁག་ནས་སློབ་མཐར་ཕྱིན། རབ་འབྱམས་སྨན་པ། འཛམ་གླིང་ཀྲུང་ལུགས་གསོ་རིག་མཉམ་འབྲེལ་ཚོགས་པའི་བོད་སྨན་ཆེད་ལས་ཚོགས་པའི་རྒྱུན་ལས།ཀྲུང་གོའི་མི་རིགས་གསོ་རིག་སློབ་ཚོགས་ཀྱི་རྒྱུན་ལས། ཀྲུང་གོའི་མི་རིགས་གསོ་རིག་མཐུན་ཚོགས་ཀྱི་རྒྱུན་ལས་(བོད་སྨན་ཆེད་མཁས་)། ཀན་སུའུ་སྨན་རྫས་བལྟ་སྐུལ་ཅུའུ་ཡིས་ཆེད་མཁས་བོད་སྨན་ཞིབ་དཔྱད་པ་དང་ཀན་ལྷོའི་བོད་ཀྱི་གསོ་རིག་སློབ་ཚོགས་ཀྱི་ཚོགས་གཙོ་གཞོན་པ། ཀན་ལྷོའི་བོད་ཡིག་བྲིས་བ་ཚོགས་པའི་རྒྱུན་ལས། ཀན་ལྷོའི་པར་ལེན་ཚོགས་པའི་ཚོགས་མི། རྨ་ཆུ་རྫོང་བོད་སྨན་ཁང་གི་དབུ་གཙོ་དང་དམངས་ཆེན་གྱི་འཐུས་མི། སྲིད་གྲོས་ཀྱི་ཨུ་ཡོན་སོགས་གྱི་འགན་ཁུར་མྱོང་། ད་ལྟ་རྨ་ཆུ་རྫོང་བོད་ལུགས་སྨན་ཁང་དུ་བོད་ཀྱི་གསོ་རིག་ལས་དོན་ཀྱི་བྱ་བ་གཉེར་བཞིན་ཡོད། བགྲང་བྱ་ཉི་ཤུའི་ལས་ཞོར་དུ་སྙན་ངག་དང་གླུ་ཚིག བོད་ཀྱི་གསོ་རིག་སྐོར་གྱི་ཆེད་རྩོམ་འགའ་རེ་རྒྱ་བོད་ཡིག་རིགས་གཉིས་ཀྱི་ལམ་ནས་འབྲི་ཁུལ་བྱས་
ཤིང་ཡག་པོ་ཞིག་གཏད་ནས་འཁྱོངས་མ་མྱོང་།
༢༠༡༨ལོའི་ཟླ་༥བའི་ཚེས་༨ཉིན་རྨ་ཆུ་རྫོང་ནས་སྐབས་ཐོག་མའི་བོད་ཡིག་འབྲུ་ཚའི་ཡིག་གཟུགས་བརྩམས་ཆོས་འགྲེམ་སྟོན་བྱས་ཤིང་སློབ་གྲྭ་འབྲིང་ཆུང་གི་དགེ་སློབ་དང་སྤྱི་ཚོགས་ལས་རིགས་ཁག་གི་མི་སྣས་དགའ་བསུ་ཐོབ།
མདོར་ན་བདག་གི་ཚད་ཡོད་པའི་ཚེ་སྲོག་འདི་ཚད་མེད་པའི་མིའི་རིགས་ཀྱི་བདེ་ཐང་ཆེད་འབུལ་རྒྱུ་དམ་བཅའ་བྱས་ཡོད་ལ་དེ་ལྟར་སྒྲུབ་རྒྱུ་ནི་བོད་ལུགས་གསོ་རིག་ལས་དོན་པ་ཞིག་གིས་འོས་འགན་ཀྱང་ཡིན་ངེས་སོ།
|
|
