བོད་ཀྱི་ཡིག་གཟུགས་དགའ་ཞེན་པ་རྣམས་ལ་སྤྲིངས་པའི་འཕྲིན།
ཉེ་བའི་ལོ་འདི་འགར་བོད་ཀྱི་ཡིག་གཟུགས་རིག་གནས་ལ་དགའ་ཞེན་ཡོད་པའི་སྤྱི་ཚོགས་ལས་རིགས་ཁག་གི་ཡིག་གཟུགས་གསར་སློབ་པ། སློབ་གྲྭ་ཆེན་ཁག་གི་སློབ་མ་དང་། དགོན་པ་ཁག་གི་གྲྭ་བཙུན་དང་ཇོ་མོ་སོགས་མི་ཉུང་བ་ཞིག་གིས་ཉིན་མཚན་དུས་དྲུག་དུ་བོད་ཡིག་ཡིག་གཟུགས་རིག་གནས་ལ་བརྩོན་པ་དྲག་པོས་སྦྱང་བ་བྱེད་བཞིན་ཡོད་པ་མ་ཟད། འཕྲིན་སྟེགས་སོ་སོར་རང་གི་བརྩམས་ཆོས་སྐུར་བ་དང་། བོད་ཡུལ་ན་མིང་དུ་གྲགས་པའི་ཡིག་མཁན་ཚད་ལྡན་རྣམ་པས་གཟིར་གནས་གདངས་འཇོག་ཞིག་འཐོབ་རྒྱུ་བྱུང་ན་སྙམ་པའི་རེ་བ་འཆའ་བ་སོགས་རྐྱེན་བྱས་ཏེ། ཀྲུང་གོ་བོད་ཀྱི་ཡིག་གཟུགས་དྲ་བས་རང་སྟེང་གི་མཐུན་རྐྱེན་དང་མུ་འབྲེལ་དྲ་བའི་དགེ་མཚན་སྣ་ཚོགས་ཀྱི་ཐོན་ཁུངས་བེད་སྤྱད་དེ་ཡིག་གཟུགས་དགའ་ཞེན་པའི་ལེ་ཚན་གསར་བ་ཞིག་ཕྱེ་བ་དང་། ཁྱད་པར་འགྲན་བསྡུར་མ་ཡིན་པའི་རྟིང་རྩོད་རྣམ་པའི་འགྲེམ་སྟོན་མི་གྲངས་ངེས་ཅན་ཞིག་བཀོད་སྒྲིག་བྱེད་རྒྱུ་ཡིན་པས་བྱ་འགུལ་ལ་ཞུགས་འདོད་པ་རྣམས་དུས་བཅད་ལྟར་ཞུགས་པར་དགའ་བསུ་ཞུ།།
དང་པོ། བྱེད་སྒོར་ཞུགས་ཚུལ།
འགྲན་ཞུགས་པས་རང་གིས་གསར་དུ་བྲིས་པའི་ཡིག་གཟུགས་བརྩམས་ཆོས་ཀྱི་པར་རིས་འབྲེལ་གནས་འདི་བརྒྱུད་དེ་སྐུར་བས་ཆོག
གོང་གི་པར་དེ་མནོན་དང་བརྩམས་ཆོས་སྐུར་ཐུབ།
གཉིས་པ། བརྩམས་ཆོས་ཁ་གྲངས།
བྲིས་གཟུགས་མི་འདྲ་བ་རིགས་གཅིག་ལ་བརྩམས་ཆོས་པར་རིས་༥་ལས་མི་ཉུང་བ་ཡོད་དགོས།
དཔེར་ན་ཁྱེད་ཀྱིས་སྙེ་བྲིས་དབུ་ཅན་དང་། གཞུང་བྲིས་ཚིགས་རིང་། ཚིགས་ཐུང་། སྨོན་ལམ་དབུ་ཅན། ཚེ་ཏན་ཞབས་དྲུང་ལུགས་ཀྱི་དབུ་ཅན་བཅས་ཡིག་གཟུགས་མི་འདྲ་བ་རིགས་༥འབྲི་ཤེས་པ་ལྟ་བུར་མཚོན་ན། ཁྱེད་ཀྱིས་སྡོམ་པས་ཡིག་གཟུགས་རིགས་གཅིག་ལ་བརྩམས་ཆོས་༥རེ་བྱས་ན་སྡོམ་པས་བརྩམས་ཆོས༢༥ལས་མི་ཉུང་བ་སྐུར་དགོས།
དཔེར་ན་ཚིགས་རིང་ཁོ་ན་ལས་འབྲི་མི་ཤེས་ན་སུག་རིང་གི་བརྩམས་ཆོས་པར་མི་འདྲ་བ་ལྔ་ལས་མི་ཉུང་བ་སྐུར་དགོས་པ་ལྟ་བུའོ།།
གསུམ། བྱ་འགུལ་གྱི་དུས་བཅད།
ཟླ༡༡ཚེས༢ནས་ཟླ༡༢ཚེས༢བར། བརྩམས་ཆོས་གྲ་སྒྲིག་གི་གོ་རིམ།
ཟླ༡༢ཚེས༣ནས་བརྩམས་ཆོས་ཡར་སྤྲོད་ཀྱི་གོ་རིམ། འདི་གའི་དྲ་ཚིགས་གིས་ཡིག་གཟུགས་པར་རིས་སྐུར་སའི་སྒོ་ཕྱེ་པ་ནས་སྒོ་བརྒྱག་པའི་བར་དུ་སྐུར་ཆོག
ཟླ༡༢ཚེས༧ནས་ཚེས་༡༥བར་ཉིན་བརྒྱད་ལ་དཔྱད་འདེམ་རིམ་པ་གྱི་གོ་རིམ།
ཟླ༡༢ཚེས༡༦ནས་ཚེས༢༥བར་འགྲེམ་སྟོན་བྱེད་པའི་གོ་རིམ།
བཞི། འགྲེམ་སྟོན་བྱེད་ཚུལ།
འདི་གར་འབྱོར་བའི་བརྩམས་ཆོས་ཚང་མར་ཐོག་མའི་དཔྱད་འདེམ་དང་དཔྱད་འདེམ་བར་མ། རྟིང་རྩོད་དཔྱད་འདེམས་ཀྱི་གོ་རིམ་གསུམ་བརྒྱུད་དེ་འགྲན་ཞུགས་ཡིག་གཟུགས་པ་སྤྱིའི་བརྒྱ་ཆ་༧༠ཡི་བརྩམས་ཆོས་དག་མི་སྒེར་སོ་སོའི་ངོས་ནས་འགྲེམ་སྟོན་བྱེད་རྒྱུ།
འདི་གར་མི་༣༠༠ཡི་བརྩམས་ཆོས་༣༠༠༠འབྱོར་བའི་དབང་དུ་བཏང་ན། ཐོག་མའི་དཔྱད་འདེམ་དང་བར་མའི་དཔྱད་འདེམ་བརྒྱུད་དེ་མི་༢༧༠ཡིག་བརྩམས་ཆོས་འདེམ་ཐོན་བྱུང་བའི་རྨང་གཞིའི་སྟེང་། ཡང་བསྐྱར་རྟིང་རྩོད་དཔྱད་འདེམས་ཐེངས་གཅིག་བྱས་ནས་
|
|
