གསར་འགྱུར།新闻中心སྤྱི་བསྒྲགས།公告གནའ་དཔེ་ཉར་ཚགས།古籍收藏ཡིག་གཟུགས་སྒྱུ་རྩལ།书法艺术ཤེས་བྱའི་ཟེགས་མ།书法常识དཔྱད་རྩོམ།  论  文ས་ཁུལ་འགྲེམ་སྟོན་ཁང་།地区展厅ཐུན་མོང་འགྲེམ་སྟོན་ཁང་།集体展厅ཆེད་མཁས།书坛名家ཡིག་མཁན།书坛达人ཡིག་བྲིས་པ།书坛新秀ཡིག་གཟུགས་དགའ་ཞེན་པ།书法爱好者བུ་མོའི་ཡིག་གཟུགས།女性展厅སློབ་རའི་འགྲེམ་སྟོན་ཁང་།校园展厅འགྲན་ཞུགས་ཁང་།参赛厅བརྙན་གཟུགས་དཔེ་ཁྲིད།视频教程འཆད་ཁྲིད་དོ་ར།书法讲堂ཡིག་གཟུགས་ཀ་དཔེ། 字帖བསླབ་དེབ།学习资料སྡེ་ཁག་འོས་སྦྱོར།团体推介གནའ་ཉེ་རབས་ཡིག་མཁན།古近代名家དེང་རབས་ཡིག་མཁན།现代名家

བོད་ཀྱི་ཡིག་གཟུགས་འཛིན་སྐྱོང་ལ་གཞོལ་བཞིན་པའི་ཡིག་མཁན།

 二维码 6450
发表时间:2021-11-01 22:04作者:འདི་ག་རྩོམ་སྒྲིག་ཁང་དང་བྲིས་པ་ཁོང་།来源:ཀྲུང་གོ་བོད་ཀྱི་ཡིག་གཟུགས་དྲ་བ།

གྲྭ་བཙུན་ཞིག་གིས་བོད་ཀྱི་ཡིག་གཟུགས་རྒྱུན་འཛིན་དང་དར་སྤེལ་ལ་བརྩོན་པའི་གནས་ཚུལ་དངོས་བྲིས།



加洋欠执培训 (45).jpg



     ངག་རིག་སྨྲ་བ་ས་སྒང་འཇམ་དབྱངས་མཁྱེན་རབ་ལགས་ནི་ལོ་དགུའི་སྟེང་ནས་རྔ་ཡུལ་ས་སྒང་དགོན་ཐུབ་བསྟན་དགེ་འཕེལ་གླིང་གི་ཆོས་གྲལ་དུ་ཞུགས་ཏེ། དགེ་བའི་བཤེས་གཉེན་དམ་པ་བློ་ལྡན་གྱི་མདུན་ནས་དགོན་པའི་ཆོ་ག་རྒྱུད་སྡེ་དང་འདོན་དབྱངས་རྟ་བཅས་ལེགས་པར་སྦྱངས་ནས་ལོ་ལྔའི་རིང་ལ་དབུ་མཛད་ཆེན་མོའི་འགན་ཁུར། ས་སྒང་བླ་མ་འཇམ་དབྱངས་ཚུལ་ཁྲིམས་རྒྱ་མཚོའི་མདུན་ནས་དགེ་ཚུལ་སློང་གི་སྡོམ་པ་བླངས། བླ་མ་འཇམ་དབྱངས་ཐུབ་བསྟན་ཆོས་གྲགས་སང་དང་། རྗེ་དཀར་རིན་པོ་ཆེ་ངག་དབང་ཀུན་དགའ་རིན་ཆེན། ཁྱབ་བདག་བཀའ་གྱུར་བ་ཆེན་མོ་མཁན་འཆི་མེད་ཚེ་རིང་སོགས་ཀྱི་མདུན་ནས་རྒྱལ་བའི་བཀའ་འགྱུར་རོ་ཅིག་ལྗགས་ལུང་དང་། དཔལ་ས་སྐྱ་བའི་གདམས་ཟབ་ལམ་འབྲས་བུ་དང་བཅས་པའི་དབང་ལུང་མན་ངག་སོགས་ལེགས་པར་ཐོབ་སྟེ། དཔལ་ཀྱེ་རྡོ་རྗེའི་བསྙེན་ཆེན་ལ་སོགས་པའི་མཚམས་དང་ཉམས་ལེན་ལ་ཅི་ནུས་ཀྱིས་གཞོལ་བར་བྱས། དགེ་རྒན་འཇམ་དབྱངས་མགོན་པོ་སང་དང་། རྫོང་སར་མཁན་ཆེན་ཐུབ་བསྟན་རབ་གསལ། རྭ་རྒྱ་ཤེས་རིག་ནོར་བུའི་སློབ་གླིང་གི་དགེ་རྒན་ཆེན་མོ་འཇིགས་མེད་རྒྱལ་མཚན། བཛྲ་ཚུལ་ཁྲིམས་རྒྱ་མཚོ། ལྡོང་ཡོན་ཏན་རྒྱ་མཚོ་ལ་སོགས་པའི་མཚན་ལྡན་གྱི་བླ་མ་དང་བཤེས་གཉེན་མང་དུ་བསྟེན་ནས་མདོ་སྔགས་རིག་གནས་བཅས་ལ་སྦྱངས་པ་གནད་སྨིན་མཛད་པ་དང་།

      ཐོས་བསམ་སློབ་གཉེར་བྱེད་པའི་ཞོར་ལ་རྩོམ་ལུས་སྣ་ཚོགས་ཀྱི་སྒོ་ནས་བརྩམས་པའི་རྩོམ་ཡིག་བརྒྱ་ཕྲག་ལྷག་གངས་རྒྱན་མེ་ཏོག་དང་། གུར་ཀུམ་ཆུན་པོ་སོགས་ཞིང་ཆེན་ཕྱི་ནང་གི་དུས་དེབ་དང་ཚགས་པར་མི་འདྲ་བ་བདུན་ཅུ་ལྷག་གི་སྟེང་དུ་བཀོད་པར་མ་ཟད། རྩོམ་ཡིག་འགའ་ལ་ཚད་ལྡན་གྱི་བྱ་འགའ་ཡང་ཐོབ། ཉིས་སྟོང་བརྒྱད་ལོ་ཤེས་རིག་ནོར་བུའི་སློབ་གླིང་ནས་སློབ་མཐར་ཕྱིན་རྗེས་མགོ་ལོག་རྟ་བྲག་དྭ་ཕྲུག་སློབ་གྲྭའི་དགེ་རྒན་དུ་གདན་འདྲེན་ཞུས་པ་དང་། ཤེས་རིག་གླིང་གི་དགེ་རྒན་རྣམ་པའི་ཐུགས་བཀོད་ལྟར་ཕེབས་ནས། མི་ལོ་བཅུ་གསུམ་ལྷག་གི་རིང་ལ་སློབ་གྲྭ་དེ་ནས་དགེ་རྒན་དང་སློབ་གཙོ་གཞོན་པའི་འགན་ཁུར་ནས་སློབ་མ་ཡོངས་ལ་སུམ་རྟགས་དག་གསུམ་དང་ཡིག་གཟུགས་སོགས་ཁྲིད་པར་ནན་གྱིས་བརྩོན་པས་གྲུབ་འབྲས་འབུར་དུ་ཐོན་པས་དགའ་བསུ་དང་གདེང་འཇོག་བླ་མེད་ཐོབ། མགོ་ལོག་ཁུལ་སློབ་གསོ་སྡེ་ཁག་གིས་གདན་ཞུས་བཞིན་བགྲང་བྱ་དུ་མར་དུས་ལྟར་ཕེབས་ནས་མགོ་ལོག་ཁུལ་གྱི་རྫོང་དྲུག་གི་གཞི་རིམ་གྱི་དགེ་རྒན་མང་བོར་སློབ་མ་སྐྱོང་ལུགས་དང་སློབ་ཁྲིད་བྱེད་ཐབས་སོགས་ཀྱི་ཟབ་ཁྲིད་གནང་བས་ཕན་པ་མངོན་གསལ་བྱུང་། གཞན་ཡང་མཚོ་སྔོན་རླུང་འཕྲིན་ཁང་དང་དགོན་སྡེ། སློབ་གྲྭ་དང་མང་ཚོགས་སོགས་ཕྱོགས་ཀུན་ལ་ཕེབས་ཏེ་སློབ་གསོ་དང་འཆད་ཁྲིད་གནང་དང་གནང་བཞིན་བཞུགས་པ་དང་།

     ལྷག་པར་དུ་བླ་མ་འཇམ་དབྱངས་ཐུབ་བསྟན་ཆོས་གྲགས་སང་དང་བཞད་པ་བསྟན་པ་རྒྱ་མཚོ། མདོ་ཁམས་པ་ཚེ་རིང་དབང་རྒྱལ། སྡེར་ནང་ས་བྲིས་པ་སེང་གེ་དར་རྒྱས་སོགས་ཀྱི་མདུན་ནས་བོད་ཀྱི་ཡིག་གཟུགས་སྣ་ཚོགས་ལ་སྦྱངས་བ་མཐར་སོན་མཛད་དེ། མདོ་ཁམས་རྫ་རྒྱུད་འབུམ་རྙིང་དགོན་ཤེས་རིག་སློབ་གླིང་དང་། མགོ་ལོག་གྱང་རིང་དགོན་རྨ་རྒྱལ་ཆོས་རིག་སློབ་གླིང་། ཁང་སར་ཇོ་ནང་དགོན་འཇིགས་མེད་ཤེས་རིག་དར་རྒྱས་སློབ་གླིང་བཅས་ཀྱི་གྲྭ་བཙུན་མང་བོར་དབུས་བྲིས་ཀྱི་ཡིག་གཟུགས་སྣ་ཚོགས་ལོ་ཟླ་དུ་མར་ཟབ་ཁྲིད་བྱས་པས་གྲུབ་འབྲས་ངོ་མཚར་བ་བཞག་དང་འཇོག་བཞིན་ཡོད་ལ། གཞན་ཡང་རྔ་ཡུལ་ས་སྒང་དགོན་དང་ཀིརྟི་དགོན། གདོང་རི་དགོན་དང་དྷཱིཿ   ཕུ་དགོན་སོགས་དགོན་པ་འགའི་གྲྭ་བཙུན་རེ་ཟུང་དང་། མཚོ་སྔོན་དགེ་ཐོན་སློབ་གྲྭ་ཆེན་མོ་དང་། མཚོ་སྔོན་མི་རིགས་སློབ་གྲྭ་ཆེན་མོ། ལྷོ་ནུབ་མི་རིགས་སློབ་གྲྭ་ཆེན་མོ། མགོ་ལོག་དགེ་ཐོན་སློབ་གྲྭ། རྔ་བའི་བོད་ཡིག་སློབ་འབྲིང་སོགས་ཀྱི་སློབ་མ་བརྒྱ་ཕྲག་མང་བོར་ཡིག་གཟུགས་སྣ་ཚོགས་ཞིབ་ཁྲིད་གནང་ནས་གྲུབ་འབྲས་བཟང་བོ་ཐོབ་པས་ཁུལ་དང་རྫོང་རིམ་པའི་བྱ་དགའ་ཡང་གང་མང་ཐོབ།

        བརྩམས་ཆོས་ལ་ཀུན་རྟོགས་པིར་ཀྱི་རྩེད་འཇོ་དང་། བྱིས་པའི་དག་ཡིག་གི་འགྲེལ་བ་གཞོན་ནུའི་མགུལ་རྒྱན། ས་པཎ་དག་སྡེབ་ཀྱི་འགྲེལ་བ་བློ་གསལ་བློ་སྒོ་འབྱེད་པའི་ལྡེ་མིག བསླབ་བྱ་སྙིང་གི་འོད་སྣང་གི་འགྲེལ་བ་བློ་གསལ་ཀུན་ད་དགྱེས་པའི་ཟླ་ཟེར། སྣང་གསུམ་རྒྱུད་གསུམ་གྱི་བསྡུས་དོན་ཐར་འདོད་ལམ་སྟོན། སྡོམ་གསུམ་གྱི་དྲི་བ་དང་དྲིས་ལན་སུམ་བརྒྱ། སྤྱི་ཚོགས་གླེང་བརྗོད་སོགས་དེབ་དགུ་ཙམ་མཆིས་སོ།།

      ཕྱི་ལོ ༢༠༢༡ལོའི་ཟླ༡༠བའི་ཚེས༣༠ཉིན།



加洋欠执培训 (48).jpg



加洋欠执培训 (6).jpg



加洋欠执培训 (49).jpg



加洋欠执培训 (50).jpg



加洋欠执培训 (51).jpg




加洋欠执培训 (53).jpg




加洋欠执培训 (47).jpg




加洋欠执培训 (46).jpg




加洋欠执培训 (44).jpg




加洋欠执培训 (43).jpg




加洋欠执培训 (42).jpg




加洋欠执培训 (40).jpg




加洋欠执培训 (41).jpg




加洋欠执培训 (39).jpg



加洋欠执培训 (38).jpg





གསར་འགོད་པ་སྒྲོལ་མ་སྐྱབས།

རྩོམ་སྒྲིག་པ་རྟ་མགྲིན་མགོན་པོ།

ཞུ་དག་པ་གཅོད་པ་དོན་གྲུབ།


上一页 1 2 3 下一页