དཔེ་ཁྲིད་དགེ་རྒན་མཚམས་སྦྱོར།
དབུས་ཀྱི་བྲིས་པ་ལེགས་བཤད་བཟོད་པ། འཕྲིན་མིང་ཁ་སྤུ་ཅན། སྤྱི་ལོ་༡༩༦༧ལོར་བོད་ལྗོངས་ལྷ་སའི་བྱང་ཕྱོགས་འཕན་ཡུལ་དུ་སྐྱེས། རང་ལོ་བརྒྱད་ཙམ་ནས་སློབ་ཆུང་དུ་བསྐྱོད་ནས་ལོ་མང་བྱང་ཤིང་ཐོག་ཡི་གེ་སྦྱངས། སྤྱི་ལོ་༡༩༨༦ལོར་དཔལ་་ནཱ་ལེནྡྲ་དགོན་དུ་ཞུགས་ནས་བོད་ཀྱི་སྲོལ་རྒྱུན་ཡིག་གཟུགས་ལ་ཞིབ་འཇུག་དང་དོ་སྣང་ཞུས། ཕྱིས་སུ་གཞུང་བྲིས་དགེ་རྒན་ཆེན་མོ་རྡོ་དགོན་གསང་བདག་རྡོ་རྗེ་མཆོག་དང་། གླིང་དབོན་པདྨ་སྐལ་བཟང་མཆོག །ཅོག་གྲྭ་རིན་པོ་ཆེ་སོགས་བཤེས་གཉེན་དུ་མའི་དྲུང་ནས་གཞུང་བྲིས་བྲིས་རྒྱུན་གྱི་ཁྱད་ཆོས་དང་དཀའ་གནད་དྭོགས་སེལ་ཞུས། དགེ་བའི་བཤེས་གཉེན་རྣམ་པས་རྟག་ཏུ་ཐུགས་བརྩེ་ཆེན་པོས་མཛུབ་སྟོན་སྨར་ཁྲིད་དང་། ཕྱག་འབེབས་ཀྱང་མང་དུ་གནང་བས་གཞུང་བྲིས་ཡིག་གཟུགས་ལ་གཏིང་ཚུགས་པའི་ངེས་པ་རྙེད། གཞན་ཡང་བཀའ་དྲིན་ཅན་གྱི་སློབ་དཔོན་རྒན་ཡེ་ཤེས་ངག་དབང་མཆོག་དང་། ཡིག་མཁན་ཆེན་མོ་རྒན་བསྟན་འཛིན་མཆོག ། རྒན་ཡེ་ཤེས་ཚུལ་ཁྲིམས་མཆོག །ས་བྲིས་དགེ་རྒན་ཆེན་མོ་རྒན་སེངྒེ་དར་རྒྱས་སོགས་དང་། གཞན་ཡང་ལྷག་བསམ་ཅན་གྱི་བྲིས་གྲོགས་མང་པོས་རྟག་ཏུ་སྐྱོན་བརྗོད་དང་སློབ་སྟོན་མང་པོ་གནང་བའི་བཀའ་དྲིན་ལས་སྲོལ་རྒྱུན་ཡིག་གཟུགས་སྣ་ཚོགས་ལ་ངེས་ཤེས་གང་ཙམ་རྙེད་ཅིང་། ཁོ་བོའི་ཡིག་གཟུགས་ལ་མཁས་དབང་རྣམ་པའི་ཁས་ལེན་དང་གདེང་འཇོག་བཟང་པོ་ཐོབ། དེང་བོད་རང་སྐྱོང་ལྗོངས་དང་། ལྷ་ས་གྲོང་ཁྱེར་ཡིག་གཟུགས་མཐུན་ཚོགས་གྱི་ཚོགས་མིའི་མིང་ཐོག་ནས་སྤྱི་ཚོགས་ཀྱི་ཚོགས་པ་དང་། དགོན་སྡེ་ཆེ་ཆུང་མང་པོ། དེ་བཞིན་དྲྭ་ཚོགས་ནས་དོན་གཉེར་ཅན་དུ་མར་སྲོལ་རྒྱུན་ཡིག་གཟུགས་སློབ་ཁྲིད་བྱེད་བཞིན་ཡོད།
འཁྱུག་མ་ཚུགས་ཀྱི་དཔེ་ཁྲིད་ཆ་ཚང་།
|
|
