མཁས་གྲུབ
དུས་རབས་ཉེར་གཅིག་པ་ནི་གློག་འཕྲིན་དང་དྲ་བ་སོགས་ཚན་རིག་གི་ཡང་རྩེར་སོན་པའི་དུས་རབས་ཤིག་ཡིན་པས། རང་ཅག་ཁ་བ་ཅན་གྱི་སྲོལ་རྒྱུན་གྱི་སོར་མོའི་སྒྱུ་རྩལ་གྱི་རྣམ་གྲངས་ཕུན་སུམ་ཚོགས་པའི་ཡིག་གཟུགས་འདི་དག་ཉམས་རྒུད་དུ་འགྲོ་བར་དམིགས་ནས། དཀར་མཛེས་ཁུལ་སྲིད་གཞུང་དང་ཁུལ་རིག་གནས་ཁང་། ཁུལ་བོད་ཀྱི་ཡིག་གཟུགས་མཐུན་ཚོགས་སོགས་ཀྱིས་མི་རིགས་རང་གི་སྲོལ་རྒྱུན་རིག་གནས་འདི་དག་ཉམས་པ་སླར་གསོ་དང་མ་ཉམས་གོང་སྤེལ་གཏོང་བའི་སྙིང་སྟོབས་ལ་བརྟེན་ནས་བོད་རང་གི་བྲིས་གཟུགས་སྒྱུ་རྩལ་གྱི་ཐད་ཐབས་བཀོད་སྣ་ཚོགས་བཏོན་པ་དང་། ལྷག་པར་དུ་སྡེབ་བྲིས་ཀྱི་ཕ་ས་དཀར་མཛེས་ཁུལ་གྱི་དངོས་མིན་ཤུལ་བཞག་རིག་གནས་སྔོག་འདོན་དང་མྱུར་སྐྱོབ་ཀྱི་ལས་དོན་ཐད་གྲུབ་འབྲས་གཡུར་དུ་ཟ་བ་ཐོབ་ཅིང་། ༢༠༡༤ལོ་ནས་དཀར་མཛེས་ཁུལ་རིག་གནས་ཁང་གིས་ཁུལ་བོད་ཀྱི་ཡིག་གཟུགས་མཐུན་ཚོགས་བཙུགས་ནས་དམངས་ཁྲོད་དང་སློབ་གྲྭ་སོགས་ལ་ཁ་ཕྱོགས་ཏེ་ཡི་གེ་པ་མང་པོ་གསོ་སྐྱོང་བྱས་ཡོད།
ཐེངས་འདིར་གོང་རིམ་གྱི་འབྲེལ་ཡོད་སྡེ་ཁག་དག་གིས་ཐུགས་ཁུར་དང་གཟིགས་སྐྱོང་གནང་འོག༼ སྡེབ་བྲིས་ཀྱི་ཕ་ས་དཀར་མཛེས་ཁུལ་གྱི་བྲིས་གཟུགས་ཕྱོགས་བསྒྲིགས། ༽ ཞེས་པའི་བརྙན་དེབ་ཅིག་རྣམ་པ་ཚོའི་སྤྱན་སྔར་བསྟར་ཐུབ་བྱུང་ཡོད་ལ། དེ་ལས་སྔོན་བྱོན་བྲིས་ཀྱི་ཆེད་མཁས་འགའི་མཚམས་སྦྱོར་དང་སྔོན་བྱོན་བྲིས་ཀྱི་ཆེད་མཁས་འགའི་ཕྱག་བྲིས་སྐོར། དེང་རབས་ཀྱི་ཡིག་མཁན་འགའི་ཡིག་གཟུགས་སྐོར། མཛེས་བྲིས་དང་ཞིབ་འཇུག་གསར་རྩོམ་གྱི་སྐོར། བྲིས་ཀྱི་ཤེས་བྱའི་སྐོར། དཀར་མཛེས་ཁུལ་གྱི་ཡིག་མཁན་འགའི་བྲིས་དཔེ་ངོ་སྤྲོད་སྐོར་སོགས་མདོར་ན་ཡིག་གཟུགས་སྣ་ཚོགས་ཀྱི་མེ་ཏོག་རྣམ་པར་བཞད་ཅིང་སྒྱུ་རྩལ་གྱི་དྲི་བསུང་མངར་མོ་ཕྱོགས་ཀུན་འཐུལ་བའི་སྣ་འཛོམས་རང་བཞིན་གྱི་བྲིས་གཟུགས་བརྙན་དེབ་ཅིག་ཡིན་ནོ། །
|
|
