༼ སྨོན་ལམ་ཕྱག་རྒྱུན ༽་ ཞེས་པའི་མཐར་ཕྱིན་སློབ་མའི་ཡིག་གཟུགས་འགྲེམ་སྟོན་ནི་ཀན་སུའུ་མི་རིགས་དགེ་འོས་སློབ་ཆེན་གྱི་སློབ་གྲྭའི་མགོ་ཁྲིད་དང་འབྲེལ་ཡོད་སྡེ་ཁག ཁྱད་པར་དུ་དགེ་རྒན་བཀའ་དྲིན་ཅན་སངས་རྒྱས་བཀྲ་ཤིས་ལགས་ཀྱི་མཛུབ་སྟོན་སོགས་མཐུན་རྐྱེན་བླ་མེད་འོག་༢༠༡༨ལོ་ནས་དབུ་ཚུགས་ཏེ་ལོ་རེའི་དབྱར་ཟླ་དྲུག་པ་ཡར་མར་ལ་སྤེལ་བཞིན་པ་ཞིག་ཡིན་མོད། ད་ལོར་ནད་ཡམས་ཀྱི་དབང་གིས་དུས་ལྟར་སྤེལ་མ་ཐུབ།
རེད་དེ། བོད་ཀྱི་ཡིག་གཟུགས་ཞེས་པའི་རིན་བྲལ་གྱི་ནོར་བུ་འདིའི་ནོར་ངོ་ཆོད་ཙམ་དང་རྒྱ་ཆེའི་དགེ་རྒན་དག་ལ་བཀའ་དྲིན་ཞུ་རྟེན་ཙམ་དུ་ངེད་སློབ་བུ་དགུས་སློབ་མཐར་ཕྱིན་ལ་ཉེ་བའི་སྐབས་འདིར། རང་འགན་ཕྲག་ཏུ་བླངས་ཏེ་ལོ་འདི་འགའི་རིང་གི་བསླབ་འབྲས་ཡག་ཤོས་དག་དྲ་ལམ་བརྒྱུད་དེ་རྒྱ་ཆེའི་ཡིག་གཟུགས་མཁས་དབང་དང་། སྐལ་མཉམ་སློབ་བུ་རྣམས་ཀྱི་སྤྱན་སྔར་མཉམ་སྤྱོད་གཟིགས་འབུལ་གནང་ཡོད་པས། རྣམ་པ་ཚོས་དགྱེས་གཟིགས་དང་སྐྱོན་བརྗོད་ཅིག་རིགས་ཡོང་བར་ཞུ་ཞུ།
|
|
