ཀླུ་ཆུ་རྫོང་མཛེས་རྩལ་དང་ཡིག་གཟུགས་མཁས་པ་མཐུན་ཚོགས་ཀྱི་གནས་ཚུལ་ངོ་སྤྲོད།

ཀླུ་ཆུ་རྫོང་མཛེས་རྩལ་དང་ཡིག་གཟུགས་མཁས་པ་མཐུན་ཚོགས་ཀྱི་གནས་ཚུལ་ངོ་སྤྲོད།

གཅིག གནས་ཚུལ་ངོ་སྤྲོད།

       ཀླུ་ཆུ་རྫོང་མཛེས་རྩལ་དང་ཡིག་གཟུགས་མཁས་པ་མཐུན་ཚོགས་ནི་2016ལོའི་ཟླ་6པར་རྫོང་ཨུའི་ཆོག་མཆན་འོག་རྫོང་རིག་རྩལ་མཉམ་འབྲེལ་ལྷན་ཚོགས་ཀྱིས་བཙུགས་པའི་མཐུན་ཚོགས་དྲུག་གི་ཡ་གྱལ་བོད་ཀྱི་ཡིག་གཟུགས་དང་མཛེས་རྩལ་མཁས་པ་མཐུན་ཚོགས་དེ་ཡིན་ལ།རྫོང་དམངས་སྲིད་ཅུས་ནས་2017ལོའི་ཟླ7ཚེས་6ཉིན་ཁྲིམས་ལྟར་ཐོ་འགོད་བྱས་ཤིང་གོང་རིམ་དམངས་སྲིད་ལས་ཁུངས་ནས་ཆོག་མཆན་ཐོབ་པའི་སྤྱི་ཚོགས་ཚོགས་པ་ཞིག་ཡིན།   ད་ཡོད་ཚོགས་མི་69ཡོད་དང་དེའི་ཁྲོད་དུ་ཀྲུའུ་ཞི་1དང་ཀྲུའུ་ཞི་གཞོན་པ་2།   དྲུང་ཡིག4། རྒྱུན་ལས་ཨུ་ཡོན་15སོགས་ཀྱིས་གྲུབ་པའི་རྒྱ་བོད་ཡིག་གཟུགས་དང་མཛེས་རྩལ་སྐོར་གྱི་མཁས་པ་མཐུན་ཚོགས་ཤིག་ཡིན།

གཉིས་པ། སྤྱིར་བཏང་ལས་ཀའི་གནས་ཚུལ།

          མཐུན་ཚོགས་ཀྱིས་སྔ་རྗེས་སུ་ཐོན་མིའི་ཡིག་རྒྱུན་སྐབས་དང་པོའི་བོད་ཀྱི་ཡིག་གཟུགས་དྲ་ཐོག་འགྲན་བསྡུར་དང་འགྲེམ་སྟོན་ཆེན་མོ།ཀླུ་ཆུ་རྫོང་བོད་ཀྱི་ཡིག་གཟུགས་སྐབས་དང་པོ་དང་གཉིས་པ་གསུམ་པའི་འགྲེམ་སྟོན་བྱ་འགུལ་སོགས་བྱ་འགུལ་དུ་མ་སྤེལ་པ་མ་ཟད། ཀྲུང་གོ་བོད་ཀྱི་ཡིག་གཟུགས་དྲ་བ་འཛུགས་གཉེར་བྱས་ནས་ལྗོངས་ཞིང་ལྔའི་ཡིག་གཟུགས་ཆེད་མཁས་མི་སྣ་ཉེར་ལྔ་གདན་འདྲེན་བྱས་ཏེ་རྒྱལ་ཡོངས་བོད་ཀྱི་ཡིག་གཟུགས་དྲ་ཐོག་འགྲེམ་སྟོན་དང་།ཡིག་གཟུགས་མི་སྣ་གྲགས་ཅན་ངོ་སྤྲོད། མི་སྒེར་ཡིག་གཟུགས་འགྲེམ་སྟོན། བོད་ཀྱི་ཡིག་གཟུགས་དྲ་ཐོག་བརྙན་ལམ་དཔེ་ཁྲིད།ཡིག་གཟུགས་རིག་གནས་སྐོར་གྱི་ཤེས་བྱ་དང་རྒྱུན་ཤེས་ངོ་སྤྲོ།བོད་ཀྱི་སྲོལ་རྒྱུན་ཡིག་ཆས་དང་དེང་རབས་ཡིག་ཆས་གསར་བ་ཁྱབ་བརྡལ་སོགས་ལེ་ཚན་བཅུ་ཕྲག་དུ་མའི་རྒྱུན་སྐྱོང་བཞིན་ཡོད་པ་མ་ཟད།   ད་ལོའི་ཏང་གི་ཚོགས་ཆེན་བཅུ་དགུ་བ་མ་ཚོགས་པའི་སྔོན་ལ་ངེད་མཐུན་ཚོགས་ཀྱིས་མི་རིགས་མཐུན་སྒྲིལ་དར་སྤེལ་དང་ཏང་གི་ཚོགས་ཆེན་བཅུ་དགུ་བར་རྟེན་འབྲེལ་ཞུ་བ་བརྗོད་གཞིར་བཟུང་ནས་ཀླུ་ཆུའི་ཡིག་གཟུགས་དང་མཛེས་རྩལ་མཁས་པའི་ཡིག་གཟུགས་དང་མཛེས་རྩལ་བརྩམས་ཆོས་120ལྷག་ཉིན་གཉིས་ཀྱི་རིང་ལ་འགྲེམ་སྟོན་བྱས།