བྲིས་པ་ཨ་རིག་པདྨ་ཆོས་འཕེལ་འོས་སྦྱོར།
ཨ་རིག་པདྨ་ཆོས་འཕེལ་ནི་༡༩༩༡ལོར་རྫ་ཨ་རིག་ནས་སྐྱེས།༢༠༠༤ལོར་ཨ་རིག་ཆོས་གྲྭར་ཞུགས། ༢༠༡༠ལོར་ཨ་རིག་ཆོས་གྲྭར་གཞུང་པོད་ལྔའི་རྩ་བ་དང་། སྤྱོད་འཇུག མཁས་འཇུག་སྡོམ་བྱང་སོགས་བློ་རྒྱུགས་ཕུལ། ༢༠༡༡ལོར་ནས་བླ་རུང་དུ་ལོ་གཉིས་ལ་སློབ་སྦྱོང་བྱས། ༢༠༡༤ལོར་ཀྲུང་གོ་བོད་རྒྱུད་མཐོ་རིམ་ནང་བསྟན་སློབ་གླིང་དུ་ཞུགས། ༢༠༡༥ལོར་མཚོ་སྔོན་དགེ་འོས་སློབ་གླིང་དུ་བསྡུས་པའི་ཐོན་མིའི་ཡིག་རྒྱུན་ཡིག་གཟུགས་ཟབ་སྦྱོང་འཛིན་གྲྭར་ཞུགས་ཏེ་མདོ་དབུས་ཁམས་གསུམ་གྱི་ཡི་གེའི་ཁྲིད་རྒྱུན་ཐོབ། ༢༠༡༦ལོར་མཐོ་རིམ་སློབ་གླིང་ནས་མཐར་ཕྱིན་པ་དང་། དེ་གའི་ཕུར་བྱུང་སློབ་མའི་ལག་འཁྱེར་ཐོབ། ལོ་སྨད་དུ་པེ་ཅིན་དཔལ་འབྱོར་སློབ་གླིང་ནས་སློབ་སྦྱོང་བྱས། ༢༠༡༧ལོར་ཧང་ཀྲོའུ་ནང་བསྟན་སློབ་གླིང་དུ་ཞུགས། ད་ལྟ་དེ་གར་རྒྱའི་ནང་ཆོས་དང་། རྒྱའི་སྲོལ་རྒྱུན་རིག་གནས་སོགས་ལ་སློབ་སྦྱོང་བྱེད་མུས་སུ་མཆིས་སོ། །
བརྩམས་ཆོས། ༼ བཅོམ་ལྡན་འདས་ཀྱི་ཐོག་མའི་ལམ་གྱི་རྨང་གཞི་ལ་དཔྱད་པ། ༽ ༼ ཡི་གེའི་བཤད་རྒྱུད་གཡུ་ཁྲིའི་དགོངས་རྒྱན་བློ་གསར་བགྲོད་པའི་ཐེམ་སྐས། ༽ ༼ ཡི་གེའི་བསྒོམ་རིམ་མན་ངག་ལེགས་པར་བཤད་པ་གཡུ་ཁྲིའི་དགོངས་རྒྱན། ༽ སོགས་ཡོད་དོ། །
|
|
