བྲིས་པ་བསོད་ནམས་དངོས་གྲུབ།
བྲིས་པ་བསོད་ནམས་དངོས་གྲུབ་བམ་སྨྱུག་མིང་ཡར་ཆབ་ཕོ་ཉ་ནི་སྤྱི་ལོ་༡༩༩༣ལོར་ལྷོ་ཁ་གྲོང་ཁྱེར་འོན་གཞུང་དུ་སྐྱེས། བོད་ཀྱི་ཡིག་གཟུགས་མཁས་པའི་འཐུན་ཚོགས་ཀྱི་ཚོགས་མི། ལྷོ་ཁའི་ཡིག་གཟུགགས་མཁས་པའི་མཐུན་ཚོགས་ཀྱི་ཚོགས་མི། ཆུང་དུས་ནས་བོད་ཡིག་ཡིག་གཟུགས་ལ་དགའ་ཞེན་ཆེན་པོ་ཡོད་པ། སློབ་འབྲིང་སྐབས་གཟུགས་གཞིའི་གནས་ཚུལ་གྱི་རྐྱེན་པས་མུ་མཐུད་སློབ་གྲྭར་འགྲོ་བའི་གོ་སྐབས་མ་བྱུང་། ༢༠༡༦ལོ་ནས་ཨེ་པ་ཚང་དར་མའི་བོད་ཡིག་ཡིག་གཟུགས་འཛིན་གྲྭར་བསྐྱོད་ནས་སྔ་རྗེས་སུ་གཞུང་བྲིས་རྒྱུན་འཛིན་པ་རྒན་འཇུ་ཡེ་ཤེས་ཚུལ་ཁྲིམས་ལགས་དང་། ཨེ་བྲིས་རྒྱུན་འཛིན་པ་རྒན་དགའ་ཆེན་པ་རྡོ་རྗེ་ཚེ་རིང་ རྒན་གཙང་པ་ཨ་བསྟན་སོགས་ཡིག་གཟུགས་མཁས་པ་མང་པོ་བཤེས་གཉེན་དུ་བསྟེན་ནས་ཡིག་གཟུགས་ཐད་སྦྱངས་པ་ལྷུར་ལེན་བྱས། བཤེས་གཉེན་རྣམས་པའི་བཀའ་སློབ་འོག་ལྗོངས་རིམ་པ་དང་རྫོང་རིམ་པའི་ཡིག་གཟུགས་འགྲེམ་སྟོན་ལ་བཞུགས་པའི་གོ་སྐབས་ཀྱང་ཐོབ་ཞིང་བྱ་དགའ་ཡང་མི་ཉུང་བ་ཐོབ།
ད་ལྟ་ལྷོ་ཁ་ཨེ་པ་ཚང་བྱིས་པའི་ཡིག་གཟུགས་སྦྱོང་བརྡར་འཛིན་གྲྭར་དགེ་རྒན་གྱི་མིང་ཙམ་འཛིན་བཞིན་མཆིས། སླད་རྒན་ལགས་རྣམས་ནས་བཀའ་སློབ་ཆུ་བོའི་རྒྱུན་བཞིན་གནང་རྒྱུའི་འདུན་པ་བཅངས་བཞིན་ཡོད་ལ་རང་མི་རིགས་ཀྱི་ཡིག་གཟུགས་ལ་མུ་མཐུད་འབད་པ་བྱ་རྒྱུ་ཡིན།
རྩོམ་སྒྲིག ཀྲུང་གོའི་བོད་ཀྱི་ཡིག་གཟུགས་དྲ་བའི་གཞུང་ལས་ཁང་ནས།
|
|
