བྲིས་པ་གྲགས་པེ།

བྲིས་པ་གྲགས་པེ་འོས་སྦྱོར།

བྲིས་པ་གྲགས་པེ་ནི་མཚོ་ལྷོ་ཁུལ་བྲག་དཀར་རྫོང་འབྲོང་ཐུལ་ནས་སྐྱེས། སློབ་གྲྭ་ཆེ་འབྲིང་ཆུང་གསུམ་འགྲིམ་པའི་གོ་རིམ་ཁྲོད། རང་གི་དགའ་ཕྱོགས་ལྟར་དགེ་རྒན་གྱི་འཛུབ་སྟོན་དང་རྒྱབ་སྐྱོར་འོག་ཡིག་གཟུགས་འབྲི་སྦྱོང་གི་གོམ་འགྲོས་ལྷོད་མ་མྱོང་།སྔ་རྗེས་སུ།   ཡིག་གཟུགས་དང་རི་མོའི་བརྩམས་ཆོས་བཅུ་ཕྲག་ལྷག༿གངས་རྒྱན་ན་ཆུང་ཚགས་པར་གཙོས་ཞིང་ཆེན་ཕྱི་ནང་གི་ཚགས་དེབ་མང་པོར་བཀོད་མྱོང་ཡོད།2011བྲག་དཀར་རྫོང་སློབ་གསོ་ཅུའུ་ཡིས་གཉེར་བའི་ཡིག་གཟུགས་འགྲན་སྡུར་ཁྲོད་ཨང་གཉིས་པའི་བྱ་དགའ་བླངས། 2012ལོའི་མཚོ་སྔོན་ཞིང་ཆེན་པར་ལེན་དང་རི་མོ།   ཡིག་གཟུགས་བཅས་ཀྱི་འགྲན་སྡུར་ཁྲོད་ཡིག་གཟུགས་ལ་ཨང་གཉིས་པ་དང་། རི་མོ་ལ་ཨང་གསུམ་པའི་བྱ་དགའ་བཅས་ཐོབ། དེ་མིན་མཐོ་འབྲིང་གི་སྐབས་སུ་རྒྱལ་ཡོངས་རང་བཞིན་གྱི་རི་མོའི་འགྲན་སྡུར་ཁྲོད་ཨང་གཉིས་པ་ཐོབ། གཞན་ཡང་སློབ་གྲྭའི་སྤེལ་བའི་ཡིག་གཟུགས་འགྲན་སྡུར་སོགས་སུ་བྱ་དགའ་ཨང་དང་པོ་དང་གཉིས་པ་བཅས་བསྟུན་མར་ཐོབ་མྱོང་ལ།   ད་ལྟ་ཅིང་སུའུ་གྲོང་ཁྱེར་དུ་རི་མོའི་ཇུས་འགོད་དང་བརྙན་རིས་སྒྲིག་བཟོའི་ཕྱོགས་ལ་སློབ་གཉེར་བྱེད་མུས་སུ་ཡོད།

ཀྲུང་གོ་བོད་ཀྱི་ཡིག་གཟུགས་དྲ་བའི་དྲ་ཚིགས་རྩོམ་སྒྲིག་ཁང་ནས།